السلام عليكم بنات
صارلي اسبوع من نزلت عليا افرازات بنية وقبل ما تنزل بيومين صار جماع .. قلت يمكن من الجماع للعلم الافرازات متقطعة مو بكميات كثيرة .. بس اليوم بعد ما تحممت نزلت افرازات بنية مائلة للوردي كأنو دم خفيف جدا .. اول مرة ينزل للعلم اخذ دوفاستون 3 مرات باليوم والدكتورة كتبتلي كل اسبوع ابرة مثبت وحركتي قليلة ومتمدده دائما .. اني ببدايه الاسبوع السادس .. طمنوني الله يخليكم
العضوة: 26070 , 9 years ago
خذي لك ابره تثبيت لازم تاخذيها انا كانت تجيني واعطتني الدكتوره ابره تثبيت ماعاد جاتالعضوة: 24596 , 9 years ago
@user-26070 ابر تثبيت أخذت بالشهر الثالث والآن دخلت الرابع وأخذت أمس مرتين كل 12 ساعه والسبت لي ابرة كمان تثبيت بس الاسبرين اكمل علية لان بديت انسى ويش قالت ليالعضوة: 25679 , 9 years ago
@user-28842 والله ياعيني مدينه ممتازه بس حولت على ربى و عادي تكدرين تراجعين يم اي احد اذا طوارى لا قدر الله عادي قبل سبوعين وكف وحامي فجاه و صرت نشاط مخيف و اني بالكوه اتحرك ف خفت كلش و راجعت طوارى و جان موعدي بعد يومين ف هي كلتلي خلص تعالي وره اسبوعين رجعي يم طبيبتج و كملتالعضوة: 28842 , 9 years ago
@user-24596 اي الدكتورة كالت تستمرين عليه لان هذا احتمال دم قديم ولازم ينزلالعضوة: 28842 , 9 years ago
@user-26070 اخذتها مرتين بس وراها من اختفت وقفتها الدكتورة والحمدلله الامور طيبةالعضوة: 28842 , 9 years ago
@user-25679 ماعرف اني مره رحت لربا ومرة لسداد ومره جوان لان كانت دكتورة مدينة مسافرة وكل وحده تحجي شكل هاي بالحمل الاول اللي سقط .. وحده تكولي حمل ضعيف ووحده تكول حامل واللخ تكول ماكو وبعد ما رجعت مدينة كالت المفروض. ينطوج ابر تثبيت بس حسيت اذا الوحده ما متابعه وياج من البداية متعرفلج حتى الملف كدامها ماعرفالعضوة: 25679 , 9 years ago
الله يتمملج بخير حبيبتي لتخافين اني هم حملي الي قبل هذا نزل اسم الله عليج و قصه طويله حولت من مدينه لربى و اصلا جنت تعبانه و اروح انتظر ساعه و اثنين و بنتي تلعب بيه طوبه و رجلي يصير اعصاب اخروشي سحبنه الملف علساس نعوف فرح بس بصراحه محد يفتهم مثلهم و دكتور زيد خابر و اعتذر عالتاخير و رجعت صارلي اربع سنوات وياهم ف من تركت مدينه جنت مجبوره يعني لو اعوف المستشفى كلها لو مدينه لان مذبحه وبالولاده يمكن حطلبها مثل ولادتي الاولى ممتازه جدا و متستعجل و ايديها خفيفه ماشاء الله ربي يتمملج على خير وتجربيها @user-28842العضوة: 28842 , 9 years ago
@user-25679 حبيبتي تسلمين ربي يكومنا بالسلامة ويقر عيونا بشوفة البيبي .. سؤال مدينة ولدتج طبيعي لو قيصرية ؟العضوة: 25679 , 9 years ago
@user-28842 حبي مدينه ولدتني طبيعي مع العلم جنت ابغداد اراجع يم وحده و حملت على ايدها بعد فضل رب العالمين ووذيجي خبلتني و انت مستحيل تولدين طبيعي و ضعيفه و حوضج ضيق من سالت مدينه كلتلي لاخر نفس نخلي البكريه و اذا تاخرت بتاسع و عشرت ننطيها حبوب مثل الكاندي مجموعه فواكه استواءيه انناس و ببايا و من هلشغلات المهم ماطول السالفه عليج مدينه ولدتني واني اخذت من شهري 14 يوم جانو ناطيني موعد من 1 ديسمبر لي 12 ديسمبر ولدت 24 نوفمبر و نصيحه طلبيها شخصيا خلي على ملفج من هسه و مدينه متسوي شق جبير عفوا و تسالج حشق شويه لان البيبي جبير و خياطها يخبل و اسفه دوختجالعضوة: 28842 , 9 years ago
@user-25679 بالعكس حبيبتي حيل استفاديت من كلامج ونبهتيني على شغلة انو لازم من هسه اخلي بملفي انو مدينة تولدني بإذن الله .. عاشت ايدج حياتي ما قصرتي اصلا يمكن يومية ادوخج بسؤال هههههالعضوة: 25679 , 9 years ago
@user-28842 بالخدمه باي وكت عيني و شوفي اذا متحبين طبيب يكشف عليج لان زيد الكيلاني لازم موجود بالولاده كوليلهم اريد فيميل دكتور ماريد طبيب يبقى يجي عليج كل شويه يطمن بس ولاده ميحضر كلش محترمين و يحسسوج ملكه والله يتمملج ويتمللي على خير و سلامه واني كمحجبه حتى ابره الظهر انطتنياها دكتوره زينه مردت دكتور ورده مال الله و شاطره و ايدها خفيفه و تهدي الوحده و تكون وياج بالولاده حتى تزيد الدوز اذا حسيتي بوجع باختصار جانت ونسه مو ولادهالعضوة: 28842 , 9 years ago
@user-25679 فدوة لقلبج عمري انتي شلون معلومات حلوة تنطيني .. يعني صدك اجيتيني من السما .. وسويتيلي واهس اريد اولد ههههههه .. هي ابرة الظهر تنأخذ بالطبيعي لو ب القيصرية ؟ ولو دوختج بأسئلتي حياتيالعضوة: 25679 , 9 years ago
@user-28842 بالعكس حبي صار بيه واهس كل شويه ادخل اشوف اذا كاتبتلي اي شي تحتاجي كتبي و ساليني شوفي ابره الظهر هي نفسها الي ينطوها بالقيصري البنج النصفي يعني تكون كاعده بس النص السفلي مبنج و نفسه الي ينطو بعمليات تبديل مفاصل الركب او البواسير اكرمج الله المهم هو كله واحد بس ماعرف ليش مسوي فد شي خطر بالولاده الطبيعيه شوفي متحسين بي و كلما تاخذي قبل احسن اني بوكتها وصلت مرحله استويت يعني ماكدر اكعد من وره الطلوكه ف بوكتها دكتوره زينه علمتني طريقه التنفس وهدتني الله يذكرها بالخير الله يتمملنا يارب و يثبت اجنتنه و نكوم بالسلامهالعضوة: 26202 , 9 years ago
@user-28842 ربي يثبت حملك ويسلم جنينك ويحفظه من السقوط ؛ حبيبتي لازم تنتبهي وتتركي الجماع الى ان تعدي مرحلة الخطر ، الجماع في وضعك ممكن لا سمح الله يسبب اسقاط غريبه الدكتوره ما منعتك منه 🤔العضوة: 35966 , 9 years ago
@user-28842انصحك تبتعدين عن الجماع هذي الفتره لان سبق اجهضت من الجماع نصيحه اذا تبين حمللك يثبت