9 years ago
  • المرحلة الأولى ( اول 3 اشهر)
السلام عليكم الله يعطيكم الف عافيه حبيت استفسر من اللي عندها خبره او صار لها نفس موقفي انا عند اهلي ومضطره اسافر لبيتي بسياره لمدة 10 ساعات وحملي مافيه اي مشكله وسالت الدكتوره قالت ممنوع لو اكثر من ساعتين مين سافرت هالمده وماحصل لها شي؟ وبصراحه انا ودي اسافر وبنفس الوقت خايفه.. مع اني جيت لاهلي في بداية حملي قبل اسبوعين وماحصل شي الحمدلله انتظر ردودكم😢💘💘

31 تعليقات

العضوة: 29094 , 9 years ago

والله ما أدري ... انا حملي الأول عادي سافرت وماصار شي بفضل الله ... الحمل الثاني سافرت بالشهر الثاني واجهضت .. مع انو كان كل شي تمام بس قدرة الله فوق كل شي ..

العضوة: 35419 , 9 years ago

من رأيي اذا قالت لك ممنوع لاتسافرين احسن لك انا بصراحه قبل بحملي السابق سقطت وانا في الشهر الخامس ضروري الشهور الاولى تكونين اكثر شيء منسدحه عشان يثبت ومايكون فيه مشاكل بعدين خذيها نصيحه مني ندمت على كل شيء سويته الدكتوره هي ادرى كانوا يقولون لي ارتاحي وكنت صغيره ماعرف وش قصدها صح كنت اهتم بس ماكنت افهم ايش يعني راحه فعلاً ،، واستخيري اذا الموضوع ضروري مررره والله يثبت لك حملك ويقر عينك برؤيته بالسلامه

العضوة: 31524 , 9 years ago

@user-39202 ما انصح لكي لان الحامل ما تتحمل شي وخاص القعده كثير

العضوة: 35419 , 9 years ago

يابنات حافظوا على حملكم واستودعوه الله واكثروا من قول لاحول ولاقوه الا بالله تراكم المسؤول الاول والاخير عنه هذا امانه ونعمه من الله سبحانه ، تحملوا شوي وبعدها سووا اللي خاطركم فيه

العضوة: 16260 , 9 years ago

ي قلبي انا سافرت لاهلي من الرياض لجده بر بباص وساعات طويله اكثر من 10 والحمدلله مافي الا العافيه انتي اهم شي خذي مخدات لك مريحه لظهرك ورقبتك انسدحي مزبوط رجولك حركيها لاتخليها نفس الوضعيه ويارب يسهههل لك بس انتي بالشهر الكم .. انا سافرت بدايه الشهر التاسع لان منعتني الدكتوره طياره فسافرت باص

العضوة: 39202 , 9 years ago

@user-16260 لي شهر ونصف

العضوة: 36292 , 9 years ago

@user-39202 ايوه عادي تقدرين بس لازم كل ساعتين تاخذون راحه تنزلين تمشين خمس دقايق او عشر دقايق واستودعي الله ولا تخافين

العضوة: 16260 , 9 years ago

ااستخيري بالاول والاخير بس اذا انتي لسا بالشهور الاولى هنا خوف ع البي بي لان مرحله حساسه ااشهور الاولى

العضوة: 37299 , 9 years ago

يقولون اسال مجرب ولاتسال حكيم مرتين صارت معي والله اهلي يبعدون عني ٣ ساعات ورحتلهم بالشهر الثاني واجهضت والمره الثانيه كنت راجعه منهم وبعد اجهضت والحين صارلي ٤ شهور مو رايحه الحمدالله حملي بخير ف ابد ابد لاتروحين ولاتخاطرين بطفلج

العضوة: 39204 , 9 years ago

@user-39202 والله حسب جسمك وحملك انا اول حملي لفيت اربع دول من شهر الاول يمكن سفرتين ورجعت سافرت وصارلي ضرف نقلت للبيت بمنطقه بعيده تقريبا 7 ساعات سياره وساعتين طياره وماصار شي بس حملي الثاني رحت سفره صغيره واجهضت وحاليا انا حامل في نهاية الشهر الرابع بس سمعت كلام الدكتوره وجلست

العضوة: 29192 , 9 years ago

@user-39202 الدكتورة أعلم وابخص دامهاقالت لاتسافرينن ذالمسافه فريحي بالك وارتاحي الله يتمم لك على خير

العضوة: 18747 , 9 years ago

مادام الدكتورة قالت لا يعني لا احنا ماحنعرف اكتر منها ولا تغامري بابنك

العضوة: 18683 , 9 years ago

عادي ياقلبي سافري واستودعي الله انا كل اسبوع اسافر من الرياض 900 كيلو والحمدلله ماصار شي يارب لك الحمد

العضوة: 24530 , 9 years ago

انا والله اجهضت اول حملي لي اللي قبل حملي هذا وكنت شهر ونص بسبب السفر لان الطريق كان طويل حدود ٨ ساعات ومتعب اول ماوصلت الا طاح الجنين عاد انتي توكلي على الله واستخيري واذا قررتي تمشين ريحي نفسك حطي مخدات تحتك واذا تقدرين تنسدحين ورا انسدحي

العضوة: 27681 , 9 years ago

انا والله من بداية حملي كل اسبوع مسافره ٧ ساعات والحمدلله مافيني شي بس البيبي الحين جالس يمكن من السفر والجلسه بالسياره مدري