العضوة: 211546 , 8 years ago

@user-217063 هادي غلبك فيها عندو الحق ونت قليلو كون مجيتش نحبك بزاك منعسك ودير لتحب ومتهمنيش وضربي عصفورين بحجرة يعرف بلي تبغيه ويحط في بالو ميغلطش ههه ونت وسي عسيه بلا ميتحلب متبينيلوش كما نا لول بارح عيطلو ومبعد قتلو باي باي مي مكوبيتش حطيتو يتسجل ودرت روحي نهدر مع ولادي قال وش معلبليش باي مكوبيتش 😈😈😈

العضوة: 217063 , 8 years ago

@user-211546 امممم مليحة هذي...صح الراجل طيتبينلو وحدة بزاف يروح فيها

العضوة: 211546 , 8 years ago

@user-217063 هوما خادمين عكسنا كيتهلا فلمرا ديرو في عينها وكي تتهلا هي فيه يقيم روحو هههه مالا ساعات بينيلو حنانتك وسعات دقيه ديسار تع العين الحمرا هههه

العضوة: 211546 , 8 years ago

@user-217063 كون يشوفو خاوتنا وش نكتبلك تقلك تسوفج فيها ههههه ديما حاولي تكسبي راجلك و ليحبو دريه باسكو كيكون مهني يهنيك هدي نصيحة😇😇

العضوة: 217063 , 8 years ago

@user-211546 آ لازم وأصلا لازم الوسطية في معاملة الرجل خاطر اذا درتيه فوق راسك يولي مايشوفكش واذا طحتي عند رجليه يعفس عليك حاشاك...ماتجوعيه بزاف يولي يحوس وين يشبع ما تشبعيه بزاف يڨهم منك ويولي مايحتاجكش

العضوة: 211546 , 8 years ago

@user-217063 يا عيني على كيد النسا كيصيب خدمة نحررو فلسطين بيه هههه

العضوة: 217063 , 8 years ago

@user-211546 لا والله شي عجبتيني قصرتك حلوة كيفك....بصح الراجل طماع يحوس على حوايج ماتقدريش تديريهملو يولي يشوف فيك ناقصة

العضوة: 211546 , 8 years ago

@user-217063 ربي يحفضك راني خايفة تخلاص كنكسيو ومعنديش باه نكتيفي وحلاتلي معاك وكيما قلتي كلامك صحيح حاجة كتكوني متقدريش عليها قليلو لا بلقدر وفكرتيني بحكايا ككنت عروسة جديدة دمندا حاجة صح متقدرش عليها اي وحد المهم دخلتهالو دين وليتلو شمس الدين هههه قتلو كيفاه حبي رانا فلحلال ونحوسو على لحرام حتى ربي ميبركلناش لا فيةصحتنا ولا في ولادنا من تم مزادش هههه ومنعرف شكيت مكانش علابالو ولا دار روحو معلابالوش ولا قال بالاك متعرفش ههههه هو جرب ولقا جواب

العضوة: 217063 , 8 years ago

@user-211546 يعطيك الصحة راكي فهمتي واش نقصدلك، المهم أنا ثاني قريب تخلاصلي مرة أخرى إن شاء الله، وربي يحفضك ويخليكم لبعضاكم ويعود يشوف فيك غير انت يا رب بوسيلي لولاد حبوبة

العضوة: 221612 , 8 years ago

امين ياربي.. انا تاني راكي كيفك والله راني متفائله خير.. زوج مرات البيبي يموت في كرشي بلا اي سبب..وربي يكتبلنا اللي فيه الخير

العضوة: 236202 , 8 years ago

السﻻم عليكم. بنات بلادي. تقبلوني معاكم انا في بداية السابع

العضوة: 251368 , 8 years ago

@user-248466 سلام... انا في آخر جانفي انشالله واول حمل ليا

العضوة: 248466 , 8 years ago

مالا اكي في اوائل الخامس

العضوة: 253596 , 8 years ago

راني في الشهر الثاني

العضوة: 235236 , 8 years ago

مساء الخير مرحبا بنات بلادي انا السهر الرابع