9 years ago
  • المرحلة الثالثة (الأشهر 9,8,7)
الحد لله والفضل لله ولدت امس وجبت بنوته ربي يحفظها انا حملت برمضان اخر دوره لي ١٥-٦ميلادي وكانت ولاده صعبه مافي مسكنات ولا بنج اصلا رحت للمستشفى مدينه الملك عبدالعزيز الطبيه بالحرس الوطني بالرياض وقالوا لي فانح الرحم ٤سانتي بس الراس بعيد عن عنق الرحم و٣ساعات مافي الم ولا شي وقعدت امشي ساعتين بالمستشفى وحسيت اني كل ٥دقايق يجيني مغص ماقدر اوقف منه ورجولي ترتعش واذا راحت المغصه ارجع امشي لين كل دقيقه يجيني نفس الالم ورجعت لسريري حق الملاحظه ماقبل الولاده وحطت الممرضه مراقبة الطلق وانهبلت على طول نادت الدكتوره وقالت جهزوا غرفة الولاده وفتحت موية الراس وودوني لغرفه الولاده وقالوا لاتدفعين الجنين تعبان بس اذا جاك الالم تنفسي من خشمك وطلعيه من فمك فقط بدون دفع وبدون بنج وبدونً مسكن والله العظيم اني ابوس ايديهن قالن مانقدر نسوي شي لانك جبتي قبل بعمليه لاتدفعين عشان مايفتح الجرح القيصري بس اذا قلنا لك ادفع ادفعي بقوه وبسرعه مره وحده ولمى جاء الطلق القوي قالوا الحين ادفعي بسرعه وفعلا دفعت مره وحده وطلعت بنتي بس الحمد لله والشكر لله على هالنعمه بعدها حطولي بنج موضعي البخاخ عشان الخياطه وبعدها قالوا ارتاحي شوي وحالولي تنامين وحنى نعتني بالجنين وجابوا لي حليب حار وشربته وقوموني وغسلوني ولبسوني وودوني للجناح وبعدها نمت نومه ارتحت فيها وبعدين صحيت بعد ٣ساعات ولقيت بنتي جنبي ونسيت كل الالم وانتهت رحلت الالم والتعب ياربي لك الحمد والشكر والعقبى للبقيه

27 تعليقات

العضوة: 7317 , 9 years ago

الحمد لله على السلامه تتربي بعزكم ودلالكم لاتنسينا من دعاء

العضوة: 6616 , 9 years ago

@user-20881 @user-49053

العضوة: 6616 , 9 years ago

مبروك عليك و الحمد لله على سلامتكم

العضوة: 54515 , 9 years ago

الحمد لله والف مبروك وانا اخر دورة 3/ 6/ 2016 ولسة ما ولدت الرحم فاتتح بس الراس بعيد شوي متلك تمام الله يسهلي انشاالله.

العضوة: 51276 , 9 years ago

م شاءالله تبارك الرحمن ياربي يهون علي من امس معي طلق يفك ويرجع كم بعني في رمضان

العضوة: 49788 , 9 years ago

الحمد لله على سلامتك الله يحفظها لك من كل شر و يرزقك برها .. كم وزنها حبيبتي ؟

العضوة: 48931 , 9 years ago

@user-33541 الف مبررروك ويارب عقبالنا ان شاء الله نرتاح

العضوة: 54115 , 9 years ago

الف مبروك . تتربى في عزكم

العضوة: 20881 , 9 years ago

الف مبرووك اختي

العضوة: 48438 , 9 years ago

الف مبروك والحمدلله على سلامتك

العضوة: 35671 , 9 years ago

@user-33541 مبرووك ماجاك والحمدلله ع السلامه بس بسألك كم بين ولادتك الاولى والثانيه ويعني مايعطو ابرة ظهر للي مسويه قيصري انا ولادتي الاولى قيصري ومقرره هالمره اخذ ابرة ظهر ان شاءالله😢

العضوة: 33541 , 9 years ago

الله يبارك فيكم جميعا ويسلمكم ربي من كل اذى والعقبى للبقيه انا اخر دوره بالهجري ١٠رمضان وبالميلادي١٥-٦ ودلادتي الاولى قيصري قبل٥سنوات وتخدير نصفي موضعي والولاده الثانيه طبيعي قبل سنتين ونص واخذت ابرة ظهر وودلاتي هذي ماعطوني لاابرة ظهر ولا مسكن الا وقت الخياطه تعذبت تعذيب لان الطلق حامي كل دقيقه والي تبي الطلق حامي تمشي عن تحربتي مشيت سلعتين بالمستشفىعلى طول فتح الرحم من ٤سانتي الى ٨سانتي فجاه كذا من المشي ووزن بنتي ٢كيلو و٨غرام صغنونه مره الله يشفيها وتطلع بالسلامة 💔😢 واي استفسار انا حاضرة

العضوة: 17849 , 9 years ago

@user-33541 الحمد لله على سلامتك وعلى البركه الاميره والله يقر عينك بشوفتها سالمه يارب

العضوة: 39907 , 9 years ago

الحمدلله ع سلامتكم تتربى بعزج

العضوة: 33541 , 9 years ago

@user-17849 الله يسلمك ويبارك فيك