بنات بفضفض لكم 💔🥺 انا تزوجت قبل خمس شهور وكان زوجي يسهر كل ليله برا علما ان امه تدري وتقولي مثل اخوانه يتجمعون بداونيه ولد عمهم بعدها لاحظت عليه البخل وتصرفات ثانيه توحي انه يعرف لامور العلاقه الجنسيه من قبل والحمال وهالسوالف كنت اقول كل الشباب يكونون جذي انا بس الي على نياتي بعدها لاحظت انه ما يبيني المس تلفونه او اعرف رمزه وبعدها اسمعه يكلم احد بالحمام ومرات تدمع عيونه على اغاني هو الي يسمعها لي وانا ي بنات دينه وما اسمع اغاني فما اقدر اندمج معاه اذا شغلها بس الموضوع وضح بعدين صار كل ما اشتغلت اغنيه حب دمع وهو الي ما نزلت دمعه على عمه الي متوفي قريب !! صارحته ان شنو فيه؟ وان يضايقني سهره برا البيت ، وقلت له بالحرف اذا مضايقه شي فيني او حتى مايبيني يعلمني ويردني لاهلي ،وقتها يا بنات كنت تعبانه حرارتي ٣٩ وكنت خلاص ماني قادره اتحمل اكثر فقالي انتي تتخيلين انتي تعبانه نروح لطبيب ينزل حرارتج وبعدها نتفاهم تخيلوا التحاليل بينت اني حامل كان اول ردة فعل منه ابتسم ابتسامه غرور وبعدها قام يصرخ بصوت ثقيل علي ان ما يبي احد يدري💔 وانا ناطره ضمه منه ، ولا دمعه، على الاقل كلمه حلوه ، المهم لما ردينا البيت ما نسيت موضوعنا وقلت له الحراره ونزلت انت ليش تصرفاتك جذي معاي؟ في احد!! او شي خاشه عني، من كثر الضغط ي بنات تعب وقالي كلمتين مجامله حافظهم، وانه اليوم احلى يوم بحياته <<وزل لسانه >> وقالي دام انا ابوه وامه فلانه اكيد بيطلع احلى بيبي 🤯 بوجهي وعينه بعيني قال اسمها في جمله حافظها قالها باسترسال الولد الي فبطني كان يتمناه منها ، انا ي بنات ما عاد طلع لي صوت من هذاك الشهر لحد الحين كل دقيقه تمر علي معاه اكرهه زود احيانا اصبر نفسي واقول وحام الحمل بس انا الحين ثاني اسبوع بالخامس وللحين هالشعور يزيد 🛑ساعدوني انصحوني شنو الحل 🛑