العضوة: 217604 , 7 years ago

رانا نعانيو كل اختي و الله انا كون نحكيلك راسك يحبس لا يزي الحقرة و التحراش لا يزي هو واقف معاهم و ديما يهدد فيا الخرا فيهم ميخليونيش نروح لدارنا و كي يديسيدو هما نروح نروح و كي نروح يقلي عيطي سقسي على ماما ربارح عركة كبيرة حتى ولا يقولي انا و انتي منتفاهموش رايحين ندخلو في حيط كي ديسيداو نروح لدارنا علمنا هداك صباح و قعدت نسيت معيطش دارلي حالة مخلاش فيا مع العلم اني خدامة و بالحبل و عندي طفلة فعمرا 14 شهر و نزيد يقولي وش راكي ديري نسا كامل يخدمو مش غير انتي اني بقرايتي و خدمتي و ما نيش لاقيا حسابي معا حتى واحد في هاديك الدار و ادي اقل حاجة يا الاخت ما عندك ما سمعتي كون نحكيلك و الله متامي بلي كاينين ناس كيما هاك

العضوة: 215557 , 7 years ago

ربي معاك اختي انا كنت غضبانة في دارنا عاوت وليت روحي لدارهم وين نروح وشكون يرفدني انا وبناتي لنا ربي وحسبي الله ونعم الوكيل راني باغية نترطق يا اخواتاتي

العضوة: 233617 , 7 years ago

ربي يكون معاك واش نحكي على روحي انا عيييت حتى طاب قلبي و الحمدلله عندي عام ونص وضك راني بالحمل في شهر رابع ربي تمملي راني نمشي غير بدواء و ربي المستعان مرا انا و عجوزي مرا انا ومرت سلفي مرت سلفي كنت ديما نسكتلها وهي،طيحلي و تعاير توجور نسكتلها و كي تفجرت فيها قالولي كيفاه قتلهم دينا نسمع في المسقي و نسكت براكات انا ضك ماني رايدة حتى حاجة حابة برك يتمملي ربي في الخير و نولد و نشوف وليدي بخير وعافية .ااااااااااه و ضك راني في دارنة راجلي رايح لفرنسا و مخليني في هذي الشدة وزيد مطول والله يا اختي منا حامية منا تحرق نستغفرو نشهدو و ربي المستعان ولي ف لقلب راها في لقلب ..