ازيكم عاملين ايه انا يبنات منقبه بس بعد جوازي وفي حملي التاني حتي اتنقبت وكام حكم من جوزي وطبعا لبستو عشان معملش مشاكل معاه وحياة تتقلب وكده وانا مش ضده خالص وهو سترة بس كان نفسي لما البسو البسو كا تدين والتزام لكن لبستو عشان جوزي عايز كده ولما كلمتو وقولتلو كده مرضيش وغصبني اني البسو ف طبعا انا حامل وربنا كرمني وحملت بتوام يعني الحمل حملين والتعب تعبين وانا فعلا ف الحمل ده عيني طالعه وتعبانه جدا فيه من هبوط وتقل وغممان نفس وكتمه نفس ووجع صدر وقلب من النقاب بس البسو وقبل مطلع للمشاور مقدرش اخد نفسي وصدري وقلبي يوجعوني وكاني حد حاطط سكينه ف وسط ضهري وكل خطوة بمشيها بقول ااه قبل النقاب مكنش بيحصل معايا كده قولت اكلم جوزي يمكن اصعب عليه ويحس بيا وللاسف معجبوش كلامي ورفض اني اقلع النقاب لحتي علي الاقل لغايه لما اولد قلي اتقي الله وكلام من ده وكده وهو من الاساس مش مصدقني وفاكر اني ماشيه ورا كلام اصحابي وانا عمري ماباخد بكلام حد ولا حد اصلا بيتكلم معايا ف حاجه لاني مش بحكي لحد حاجه لكن هو فاهمني دايما غلط وتعبت وزعلت منو ومش عارفه اعمل ايه من نحيه النقاب اللي تاعبني ولا من نحيه جوزي اللي مش بيحس بيا خالص وعايزة اعرف هو حرام اني اخلع النقاب عشان تاعبني ولا عادي طلاما في عزر لخلعو وانا لو حرام هفضل لابساه وهستحمل لكن بجد بجد تاعبني وجوزي حسسني ان من غير النقاب مش هدخل الجنه وحسسني اني عملت عملت حاجه غلط ف ياريت تردو عليا وتنصحوني واعتبروني زي اختكم بالله عليكم ماطنشو موضوعي ومعلش طولت عليكم وانا بلبس زي اللي ف الصورة دي