بخاطري كلام ودي اقوله ماعرف كيف اعبر بالضبط بس يارب توصلكم الفكره، الاحظ كثير هنا يتذمرون من الحمل وتعبه والامه ومن تاخر الولاده ومن هالامور اول شي احمدي ربك ان اعطاك نعمه الحمل اللي يتمناها غيرك كثير الشي الثاني ترا انتي بتذمرك وشكاويك هذي تضيعين منك الاجر المفروض تحتسبين اجر التعب لله وتكفير ذنوب ان شاء الله ومافي حمل بدون تعب بس لو فكرتي ترا وقت الحمل بيدك انتي تخلينه اجممل واحلى اوقات حياتك تدلعين فيه وترتاحين وتنتظرينن شي جمميل بيملا عليك حياتك وهي كلها 9 اشهر بتمر كما لو انك مو حامل عيشيها يوم بيوم وانتي تدعين ربك بالتسهيل والتيسير للحمل والولاده وصلاح الذريه .
نجي اذاا جت بالتاسع خلاص قرفت ومدري ايش تراك تحملتي كل هالشهور عجزانه تتحملين هالشهر وتقولين تاخرت ليه انتي تعلمين الغيب ؟ ربك وحده اللي عارف وعالم متى كانن حملك ومتى ماكمل 9 شهور بالضبط صدقيني بينزل ماراح يتاخر ولا يوم !حنا بشر مانعلم الغيب ولانعرف متى نقط بالرحم وحساباتنا باخر دوره مجرد توقعات قريبه للولاده لكن يمكن يكون حملك قبل دورتك بيوم؟ او ماحصل حمل الا بنفس موعد دورتك اللي تاخرت يوم (عشان كذا لاتقولين لادخلت العاشر ولا شي تطمني ماحد يدخل العاشر ابد ربك قدره يجلس بالرحم 9 شهور يعني 9 شهور)
اما بعد الولاده شوفي التهويل للولاده والوصف صحيح مافيه ولاده بدون الام لكن النساء قدرات كل وحده وقدرتها على التحمل اذا انتي ماتتحملين لاتخوفين غيرك ترا لو انها بقدر التهويل والتوصيف كان ماجابو الحريم مره واثنين وثلاث مو قايله ماتألم لا والله فيه الم بس انتي لاتصارخين وتبكين ادعي ربك بالتسهيل وبيسهل عليك . ولاتخوفين المسكينات اللي غيرك ((واذا صادقه شفتي الموت لاعاد تحملين مره ثاننيه))
وبس هالكلام بخاطري اتمنى مايزعلكم وتستفيدون من زمان كان ودي اكتبه بس توي الاقي الوقت.
دعواتي لي ولكم بالتسهيل والتيسير والله يرزق كل محروم بالذريه**
واتمنى تردون علي لو بكلمه رفع الله يرفع قدر من رفع الموضوع
العضوة: 52064 , 9 years ago
جزاك الله خيرالعضوة: 69522 , 9 years ago
كلامك صح وسليم جد بعضهن تخليك تكرهين نفسك من كثر ماتشكي اذا تبين تشكين اشكي لربك هو راح يفرجه لك اذا شكت لنا ماغير تشيلين هم التاسع والولادهالعضوة: 70202 , 9 years ago
عندك حق الله يهدينا و يصبرنا و يفرحناالعضوة: 63882 , 9 years ago
@user-62241 في نقطه نسيتيها ههههههه كتير في بيكتبو كان نفسي ببنت بس طلع ولد ياريت يغلط السونار وتطلع بنت.... اي عليم الله لو الوحده عندها ٧ صبيان بتضل تفرح انو يضل يجيها صبيان... كله بقدرة الله مافي اشي احنا بنجيبو من عنا..العضوة: 63882 , 9 years ago
طبعا كله نعمه من الله لازم نشكر ربنا دائما وابدا ... في كتير ناس محرومين من الصبي والبنت ... وياريت من معتبر ... والله اهم شي الصحه التاااامهالعضوة: 62241 , 9 years ago
@user-63882 اي والله ربي يهديهم يمكن ربي منع عنهم خلفة العيال لان مافيهم خير لها الخيره فيما اختاره الله سبحانه ويكفي ان البنات قال الرسول فيما معنى الحديث من عال جاريتين حتى تكبران انا وهو في الجنه كهاتين البنت خير وبركه والولد خير وبركه الواحد يسال ربه صلاح الذريه سواء اولاد او بنات لان لو جو ومو صالحين ماراح تستفيد الا التعب والهم منهمالعضوة: 63882 , 9 years ago
الله يجزيكي الخير ..العضوة: 30155 , 9 years ago
الله يجزاك خير حبيبتيالعضوة: 58924 , 9 years ago
جزاك الله خير والله يسهل علينااا جميعااً❤️❤️❤️❤️العضوة: 72466 , 9 years ago
اه والله ،،،، انا ميتة رعب من الولادة بسبب الاشيا يلي بسمعها 😭😭😭العضوة: 62241 , 9 years ago
@user-72466 ماعليك وكلي امرك لله كل وحده عندها قدرة تحمل وانتي وتحملك اهم شي ادعي ربك بالتيسير وحاولي ماتصارخين وقت الولاده عشان الصراخ ياخذ جهد منكالعضوة: 72466 , 9 years ago
@user-62241 إن شاء الله يارب الله يجزيك الخير يارب ،،، انا رح أدعي ربنا وأضل اردد التسبيح والاستغفار والصلاة على الرسول صلى الله عليه وسلم بنية انه ربنا يسهل ولادتي إن شاء اللهالعضوة: 62241 , 9 years ago
@user-72466 الله يسهل حملك وولادتك ويجعلها بردا وسلاما ويقومك بالسلامه انتي والبيبيالعضوة: 67996 , 9 years ago
ماشاءالله تبارك الرحمن.. كفيتو ووفيتو طاقه اجابيه جميله قاعدين تنشروهاا ذا المطلوب ..وكل شي من الله تساهيل الرضى بقضاء الله وقدره قبل كل شي ..ومافي احد احن عليك من ربنا واوصيكم بالاستغفار وذكر الله قياما وقعودا ..الا بذكر الله تطمئن القلوب ..والله يسهل علينا وعليكم جميعاالعضوة: 24398 , 9 years ago
كلام عين العقلىالله يسهل علينا جميعا