منقول هههههههه وحدة تكول البارحة صار ويايه موقف الله لا يحط عدو بي ،،، جنت كاعده ويه اهلي بره بالحديقه جان فجأه تجي صديقة امي هي ورجلها طبعا اني ما احبهم شو درت راسي وشفت ابنها اللي يخبل ابو عضلات وياهم ، كمزت عالسريع للغرفه لبست واتمكيجت وحطيت عدسات زرق ، طلعت قعدت بره وياهم طول القعده اباوع عليه وين يلا وره ما شلع گلبي يلا باوعني بنص نظره وابتسملي فأني طرت من الفرح وگمت سويت نفسي كيوت وناعمه وگلت العب اخواني الصغار كدامه عود اني حبابه ، رحت يمهم ابتسملهم والعبهم واسويلهم بخ من يم المحجر اللي بباب البيت وجان يعصه راسي بالحديد مال المحجر ، اريد اطلع راسي ميطلع شكد حاولت مطلع جان يفضحوني الجهال ، وصاحو لماما كدام العالم واجتي امي تركض والرجال ومرته يحاولون يطلعون راسي وميفيد وامي تدعي عليّ وترزلني كدامهم وتدفر بوجهي وميطلع راسي ابد عاصي ، هسه امي مدري شبيها كامت تدفع بعيني انوب العدسات بطت عيني ، اكلها بصوت ناصي ماما العدسات وهي تعيط تكللي شنو شدتكولين ، تالي سمعتني اكلها لابسه عدسات على كيفج جان تعلي صوتها وتكللي اهاااااا من هاي اكول شبيج تشبهين الزومبي صارلي ساعه اباوع بخلقتج اثاري عدسات هي وجه الصخل ، فضحتني كدام العالم والولد من بعيد بس يباوع وخربان ضحك والمره ورجلها يكلولها هاي بنتج من يومها بلا عقل تالي بالكوه طلع راسي بس بعديش انهانت كرامتي وادمرت احلامي . اذا ضحكتي علقي 😂😂