9 years ago
  • المرحلة الأولى ( اول 3 اشهر)
عدلت الموضوع لاني بكره الكذب ... اجبرتوني نزل موضوع بعنوان مزيف ... ما كان في داعي لكل هالحركات ... ويا خوفي بكرا تخترعو تطبيق جديد ونضطر انحملو كمان ويصير عنا عشر تطبيقات حمل عالموبايل 😱😱😱😱😱 السلام عليكم ورحمة الله وبركاته، دخلت اليوم التطبيق بعد غيابي بالأمس بسبب المرض ( نوبة ميجرين حادة لم أقوى على النهوض من الفراش بسببها ) لأجد بأن إدارة التطبيق قد أغلقت كل مواضيعي بسبب أنها لا تناسب هذا التطبيق (حاسبة الحمل ) و بأنها لا تتعلق بالحمل ( وهذا ما جعلني أختار هذا العنوان لهذا المنشور ) ، أعتذر منكم على غيابي ، و أعتذر على عدم قدرتي لإنهاء القصة ( بسبب قرار إدارة التطبيق ) ، أعزائي المشرفين على هذا التطبيق ، تحية طيبة وبعد ، قراركم هذا (بلوه واشربو ميتو ) ، فأنا قد حملت تطبيق ( حياة ) الذي تدعون له ، ولم يعجبني ( وجدته معقدا" جدا" ) فأعدت حذفه ، وعلى هذا سأحذف هذا التطبيق أيضا" ، رغم حبي للأخوات اللواتي تعرفت عليهن هنا ؛ صديقاتي لا بل أخواتي ، من كانت منكن تمتلك حسابا" في تطبيق ( عالم حواء ) فستجدني هناك ، ومن لا تمتلك فلتحمل هذا التطبيق عندها فهو رائع ، دمتم بود جميعا" ، إدارة و مشتركات ، سلام ...

95 تعليقات

العضوة: 2332 , 9 years ago

@user-585 طيب اعمليلهم منشن عشان يشوفو اعتراضك لو حامل بتوئم فعلا فمبروك تقومي بالسلامه

العضوة: 21084 , 9 years ago

@user-2332 اهلا اختي ... كتبت اعتراضي على منشور متعلق فيهم ... لاء مني حامل ( بس اخترت هالعنوان لان ممنوع تكتبي موضوع غير متعلق بالحمل ) ... عندي زرع بعد كم يوم ... وهون سؤالي : كل اخت منها حامل متلي شو بتعمل اذا ما عندها موضوع عن الحمل ؟ ... بس هاد عالمنا العربي بحب التجارة ... ما اكتفوا بهاد التطبيق صار بدهم يعملو تطبيق جديد

العضوة: 2332 , 9 years ago

@user-21084 انا كمان موحامل وعادي بحط استفساراتي لانها تخص الحمل ولاتزعلي مني انا مع قرار الاداره لان في مواضيع تجلط وتجيب الهم وكلها مشاكل انا والله ماعرف ايش مواضيعك كانت بس بتكلم عن مواضيع الي كلها مشاكل وحزن وخيانات وشي يضيق الخلق للي زينا كيف عاد الحامل تتعب نفسيتها من كدا مواضيع والاداره عشان المشاكل وعشان ترضي الجميع خلت تطبيق للي حابه بس حمل وتطبيق للمواضيع الاخرى وانا محمله التطبيقين وحياه حدثوه وسار حلو وسهل وبالصور😘😘

العضوة: 21084 , 9 years ago

@user-2332 المشكلة منها بمواضيعي ... عادي اساسا" مواضيعي كانت مجرد قصص ... كل منشور بيحمل عنوان واضح ... يعني من العنوان بتعرفي المضمون ... ولو اي اخت اعصابها ما بيتحملو ، فيها بكل بساطة تتجاهل المنشور وما تقراه ، لهيك ما كان في داعي لهالقرار ، والله يرزقك الذرية الصالحة 😘

العضوة: 49999 , 9 years ago

يا عمري سلامتك بعدوينك يارب بس عالم حواء في اكتر من تطبيق اي واحد بتقصدي

العضوة: 21084 , 9 years ago

@user-49999 الله يسلمك ويسعدك ... رح شوفلك كيف علامتو وخبرك... مع العلم اني بحب هاد التطبيق اكتر شي... بس هيك الادارة بدها تطفشنا منو ... انا مثلا مش حامل وما عندي مواضيع للحمل حاليا ... عن شو بكتب ؟؟

العضوة: 49999 , 9 years ago

يا عمر انتي والله معك حق اصلا عند العرب كله سياسة تطفيش هههههه وانا والله حبيت هالبرنامج وخصوصي في ناس متلك اخلاق ورقي الله يسعدك ويرزقك الذريه الصالحه وان شاء الله عنوان هالموضوع يكون بشره خير وتحملي بتوم يفرحو البك ويسعدوكي يارب

العضوة: 21084 , 9 years ago

@user-49999 تسلمي الله يسعدك ويخليكي

العضوة: 47124 , 9 years ago

رح نشتقلك دامو لا تزعلي حبيبتي

العضوة: 47124 , 9 years ago

وان شالله بتحملي وبتنجح زراعتك وبتنظمي للبرنامج وربي بعوضك عن كل تعب شفتيه بحياتك

العضوة: 21084 , 9 years ago

@user-47124 والله انا كمان ما الي قلب اترككم ... اتعودت عليكم وبحب تابع اخباركم ... اذا بزعل على شي فهو على خسارتكم بس ... اما التطبيق ما في أسف عليه في الف تطبيق غيره واحلى منه ... بس انا حبيتو بسبب الناس يلي فيه الله يسعدك ويرزقك ذرية صالحة 😘😘😘😘😘😘😘

العضوة: 28604 , 9 years ago

@user-21084 انا ولله صرت ادخل عشان اقرا شو كاتبه فقط .قولينا علامه في التطبيق الاخار حتي انا راح احذفو هههههه.ابعتيللي بس كملينا قصه 33

العضوة: 21084 , 9 years ago

@user-28604 هههههههه والله رح يحظروني اليوم ويتهموني اني عم اعمل مؤامرة ضدهم .... صرتو كذا وحدة بدكم تروحو معي ... والله هاد التطبيق حلو وما بدي اخسرو ... بس يتركونا نكتب على راحتنا ... والحوامل يلي بيتحسسو من المواضيع الاجتماعية بكل بساطة فيهم يتجاهلو الموضوع وما يدخلو يقرأوه أحبك في الله 😘😘😘😘😘😘

العضوة: 28604 , 9 years ago

@user-21084 يتحسسو من مواضيع الاجتماعيه .ولما نسالهم مايجوبون .😠😡

العضوة: 21084 , 9 years ago

@user-28604 تماما" 👌 ما بيجاوبو مواضيع الحمل ... وما بحبو المواضيع الاجتماعية ... ( ما بيرحمو ولا بدهم حدا يرحم ) ... على فكرة هنة نفسهم يلي ما بحبو المواضيع الاجتماعية بيقروها اكتر من غيرها ... لاحظي المواضيع الاجتماعية فيها نسبة مشاهدة اكتر من موضوع الحمل ( وهاد اذا بيدل على شي بيدل على انها كمان مهمة )