10 years ago
  • المرحلة الأولى ( اول 3 اشهر)
السلام عليكم بنات شلونكم شخباركم ابي احكيلكم عن سالفتي معا زوجي وابي رايكم بصراحه ايش اسوي زوجي بخيييل مررره اليوم طلبت من انها يجيبلنا فطور ورد علي يقول بالطلاق بثلاثه ما اجيبلكم اكلو الي في البيت ومافي بالبيت الا الفول وسمك الساردين المهم سويت الفطور وفطر هوه وعيالي وقام دور ملابسه الا مضيع ربع دينار وسالني قلتله انا ما اخذته ومااعرف وينه المهم رديت علي وانا متنرفزه لاني انا مو اخذته وهو يتهمني وجا وطقني وعده جت علينا خالتي وهي تصير خالتنا اثنينا يعني زوجي ولد خالتي الزبده سالتني وشفيج قلتله زوجي مضيع ربع دينار وطقني ولاني طلبت منه فطور خالتي لا صفت معي ولا معه قالت ما عليش تحملو واصبرو وقام زوجي وطقني مره ثانيه قدام خالتي وصار يحجي علي يقولي انا ابتليت فيج وووو.....الى اخره وحلف علي يالطلاق بثلاثه اذا ناقشته بموضوع او طلبت منها شي هوه ماسوه ولا جاب لازم انا اسكت عشان ما يقع علي الطلاق لحد الان اهلي ما يدرون بالموضوع وانا صراحه بودي الطلاق بس بدون مشاكل وكثر شي كاسر قلبي عيالي بنتي وابني وانا حامل جزاكم الله خير افيدوني اتطلق ولا اصبر واتحمل لعلها تفرج

45 تعليقات

العضوة: 1779 , 10 years ago

ان ابغض الحلال عند الله هو الطلاق اختي اذا صبرتي فسوف تنالين الجنه اصبري لاجل عيالك الله يكون بعونك حبيبتي

العضوة: 10741 , 10 years ago

جزاج الله خير

العضوة: 7052 , 10 years ago

ايمعي فديتج افرشي سجادتك وادعي ربك وتضرعي بين يدين ربك ربي ما يخيب من رجاه ربي ارحم بك من الام بصغارها ادعي وادعي وادعي بس انتبههي تدعين عليه ادعي له بالصلاح والسخره قولي اللهم اجعل لي في قلبه مواضع الرحمه والرأفه والشفقه اللهم اجعله لي اب في الحنان واخ في الطاعه وحبيب في الفراش

العضوة: 7052 , 10 years ago

وانتي الله يهداك خليك ذكيه ولا تحنين عليه وهو معصب واطلبي اللي تبينه بلباقه وحب يعني يوم يصير مستانس جيبي كل شي ناقص. ولين عصب. قولي نبي سلامتك ورضاك خلي لسانك يقوطر عسل دلعيه مثل الطفل ولين سالت خالتكم او احد قولي مابينا الا كل خير. هذا ابو فلان الله لا يخلينا منه

العضوة: 7052 , 10 years ago

تكبرين بعينه لين صرتي كتومه

العضوة: 3133 , 10 years ago

حبيبتي اتحملي الخاطر اولادك حرام شنو ذنبهم يتبهذلون الله يهدي ويغير وضعه لتخلي موضوع الطلاق براسك ادعي الله يهدي

العضوة: 10741 , 10 years ago

والله يا اخوات اجيه بكل الطرق ويالحنيه بالحب وبالرومنسيه والهواش بس هو بخي

العضوة: 10741 , 10 years ago

جزاكم الله خير

العضوة: 10741 , 10 years ago

واحنا كليوم على نفس الحال بس والله صابره ومتحمله عشان عيالي

العضوة: 10741 , 10 years ago

اخت غاده جزاج الله خير تقوليلي صيره كتومه من القهر الي انا في لازم اتكلم واذا انا ما قلت هوه راح يقول

العضوة: 2666 , 10 years ago

الله يساعد قلبج .. سايسيه واطلبي منه من يكون رايق ربي يسخره لج ويهديه

العضوة: 10741 , 10 years ago

امين جزاج الله خير

العضوة: 3988 , 10 years ago

تقول لكم بخييييييييل والبخيل مايتغير

العضوة: 3988 , 10 years ago

ماقول الا الله يعينك يارب اذا اول مره يطقك فلازم يوقف عند حده واهلك يدرون علشان مايعيدها ويعرف ان وراك اهل مايرضون عليك

العضوة: 10741 , 10 years ago

لا والله مو اول مره كل مره اروح بيت اهلي وما يتغير وحلفت اني ما اروح بيت اهلي الازياره او مطلقه