العضوة: 32089 , 9 years ago

✔✔(الصيدليه) ✔✔ مستلزمات البيبي 1- رضاعه افينت " لمنع حدوث غازات للبيبي 👍 2-لهايه 3-مناديل مبلله 4-شامبو اطفال 5-زيت جونسون 6-مشط مواليد 7-قصاص اظافر مواليد 8-كريم سودو لالتهاب الحفاظات 9-حفايظ بيبي جوي خذي كميه قليله وشوفي اذا بتناسب النونو مستلزمات الام: 11-مطهر بيتادين 12-ديتول 12-كريم ميبو "للخياطه" 14-كريم لمنع تشققات الحلمه مع الرضاعه 15-فوط نفاس 16-قطن لتسرب الحليب 👌

العضوة: 32089 , 9 years ago

هدول اختدهن من اخت هون بس نسيت اسمها بس فادوني بتمنى يفيدوكي

العضوة: 51675 , 9 years ago

والله احسن فكرة حتى انا بكرية وما بعرف شو حضر لإلي ولا لبيبي. لما بسأل امي او اختي يقولولي لس في وقت ما بيعرفو انو معاش زوجي قليل ولازم من هلا حضر مشان اقدر اشتري كل شي لانو ما فيني اشتي كل شي بيوم واحد

العضوة: 10960 , 9 years ago

للبيبي بدك ملابس داخلية وهي جرابات وكلونات وكيلوتات وبربتوزات وقميص شاش نحنا منلبسو للبيبي اول مايخلق لأن بشرتو بتكون حساسة وبكون هاد القميص الدرزة تبعو لبرا يعني كأنو مقلوب ع القفا وكنزات داخلية اذا ولادتك بالشتا

العضوة: 10960 , 9 years ago

ومشد لضهر البيبي حتى تحمليه بسهولة وائمن لإلو لأنو البيبي اول مايخلق بكون طري كتير متل العجينة واذا بدك زنار للسرة وافرولات وبجامات ودقونات وبشاكير صغيرة تمسحي تم البيبي بعد الرضاعة وكوفلية اذا بتحبي تكوفليه وعلى فكرة كتير منيحة بتساعد الطفل انو ينام وبتحميه انو ينمتن وبتسهل عليكي حملو وكمان بتحسسو بالأمان

العضوة: 10960 , 9 years ago

وكمان طواقي للبيبي ولا تنسي الغطا او الحرام ولإلك لما تروحي للمشفا جيبي بيجامة او قميص نوم قطني مريح تاخديه معك للمشفا لأن اكيد مارح تطلعي بنفس اليوم ومحارم معطرة وغيارات داخلية وشحاطة للحمام انتي اكبر قدر شو ضل كمان يمكن هدول كلشي هههههه وان شالله تقومي بالسلامة شوقتيني للولادة والله 😍😍

العضوة: 51675 , 9 years ago

@user-10960 شكرااااا حبيبتيييي الله يخليك انا لساتني بالاسبوع 18 بس بدي جهز من دابا

العضوة: 10960 , 9 years ago

@user-51675 العفو ياعمري😍😘😘 مابتقصري انا اغراضي جاهزة لأن ولدت من قبل بنوتة وتوفت ولكن ناقصني كم غرض بجيبن بالشهر السابع ان شالله

العضوة: 51675 , 9 years ago

@user-10960 الله يرحمها . كم اسبو ع الك حامل؟

العضوة: 10960 , 9 years ago

@user-51675 تعيشي اليوم اول يوم بالأسبوع11 على حساب الدكتورة اما على حساب البرنامج اليوم اخر يوم بالاسبوع12

العضوة: 51675 , 9 years ago

@user-10960 الله يتمملك على خير حبيبتي ويطول عمرك وعمر اولادك وبناتك يارب. والله الوقت بيفوت بسرعة انا كتير بفكر بتجهيزات البيبي الله يرزقني مشان اقدر اشتريلو لي يحتاجو

العضوة: 10960 , 9 years ago

@user-51675 الله يسلمك يارب انا ماعندي اولاد غير بنتي يلي توفت كانت هي بكري الله يشفعلي فيها يارب وكتير متحمسة اشتري اغراض البيبي بس عندي خوف لاسمح الله مايكمل حملي واقعد اصفن بهالغراض ويحترق قلبي متل اول مرة

العضوة: 42777 , 9 years ago

@user-10960 ايش يعني كوفليه!

العضوة: 10960 , 9 years ago

@user-42777 والله هيك اسمها مابعرف اذا الها اسم تاني هيي قماش مربع كبير متل غطاء البيبي ولكن قماش رقيق وبلفو فيه البيبي بطريقة محكمة وبشدوه شوي مشان مايقدر يتحرك ويطلع ايديه منها رح ابعتلك رابط صورة من النت

العضوة: 51675 , 9 years ago

@user-10960 لا حبيبتي ما تقولي هيك انشاله ربي يتمملك بخير وتفرحي باولادك وبناتك. ادعي ربي ما رح يخيبك ابدا