العضوة: 271587 , 7 years ago

@user-270714 ممكن سالم أو سليمان أو سليم مدري انا احس اسامي العيال ما تعجبني ودي اجيب بس بنات عشان ادلعهم بالاسامي 😂😂😂 حتى اللي في بطني دحين مدري ولد ولا بنت ودي في بنت عشان الاسم سهل واذا ولد بخلي اي احد يسميه

العضوة: 284700 , 7 years ago

سلطان و سلمان حلو 😴💕

العضوة: 299454 , 7 years ago

يسلموو جميعا عالردود 😚 والله يسهل علينا وعليكم

العضوة: 256689 , 7 years ago

يلا يابنات كل وحده تعلمنا كيف كانت ولادتها البكر اول مولد لها عشان نستفيد. طبعا انا بكر وفي شهري الثامن الحين

العضوة: 299454 , 7 years ago

انا اول ولاده جبت فيها بنت اليوم اللي ولدت فيها فالبدايه نزلت علي سداده الرحم واستغربت ماكان عندي علم انها سداده الرحم ورحت المستشفى على طول وقالت الرحم مفتوح ٣ سانتي خلاص ولاده طبعا لحد الان مااحس بالالام ولاشي مع الفحوصات اللي سووها لي نزلت موية الجنين وهنا على طول بدات الالام اللي ماتنوصف 😭 بدات الالام تقريبا الساعه ٥ الفجر ولحد الساعه ٩ الصبح وجتني الدكتوره وقالت بعطيك مخدر وشفتها دخلت ابره فكيس المغذي وعلى طول رحت فالنوم وصحيت بعد ساعه على حاحساس كاني ابغى اروح الحمام وقلت للدكتوره وقالت لا هذا البيبي خلاص راح يتزل وغيرت الغرفه وصرت لحالي وقالت يلا ادفعي وتقريبا دفعت اربع مرات الا بيبي طلع فهاللحظه تحسين كانك كنتي راح تموتين وفجاه يتوقف كل شي ويجيك احساس بالفرحه ماينوصف لما تشوفين ضناك 😭😭😭😭

العضوة: 256689 , 7 years ago

@user-299454 اللهم لك الحمدلله يارب

العضوة: 192977 , 7 years ago

انا اخذت التاسع كله واخر موعد عند الدكتورة قالتلي معاكي يوم لو ماجاك طلق وولدتي تجيني لانو خلاص انتهى وقتي وطلعت من عندها ومشيت ساعتين متواصله واكلت تمر يادوب دخلت البيت فصخت العباية وجلست ولا شي حار مرة ينزل مني كنو شلال طبعا هذه الموية حقت البيبي وانا مااعرف على بالي سويت على نفسي 😂😂 وجلست تصب حوالي ساعتين وبعدها صار ينزل دم وهنا رجعت المستشفى وكشفو طلع مفتوح ٢ سانتي طبعا هالكلام كان ٣ الفجر اتصلو على دكتورتي وخبروها بحالتي وقالت لاتطلع من المستشفى وجلست مافي لا طلق ولاشي يمكن جلست لين ٦ الفجر وبدأ الطلق وعلى طول حامي بين الطلقه والثانيه مافي وقت روحي كانت بتطلع ومو راضيين يعطوني مسكن ومن ٦ الى ١٠ وانا اون الين خلاص قالوا ولاده ودخلوني شفت كل شي نهائي ماخدروني غير وقت الخياطة وتخدير خفيف احس فيهم وبعد الولاده تعبتني الخياطة مرررة وطولت لين التئم الجرح ولادتي الثانية برضو اخذت التاسع كامل واخر شي ولدت قيصري يعني هي كلها تساهيل من الله

العضوة: 256689 , 7 years ago

@user-192977 الحمدلله والله يسهل علينا وعليكم يارب

العضوة: 247199 , 7 years ago

@user-299454 ليش اعطتك ابره مخدر وقت الطلق لازم الآم عشان يفتح الرحم

العضوة: 247199 , 7 years ago

@user-256689 انا كنت ع امي وجا زوجي الصباح عندي موعد المهم ورحت البيت وصارت علاقه حميمه 😂🙂 الساعه ١ الظهر المهم تغدينا وجاني ألم غريب بس محتمل وصلينا العصر والألم يزيد بس زي الدوره عادي محتمل واقول لزوجي شكل اليوم بولد 'مره فرحانه مادريت ان وراي ساعات طويله المهم الألم كل مره يزيد راح المسجد يصلي المغرب ورجع قلت يلا المستشفى بشوف فتح الرحم ولا لا واخذنا امي وهي بتموت خوف علي ياعمري 😭'و صلت المستشفى قالت 2 ونص بس دكتور رح يولدك ورفضت وانا بموت من الالم رحت مستشفى ثاني وصلت قالت مفتوح 4 سانتي والألم يزيد بقوه لدرجة اطيح ع الارض من قوته 😭😭 والممرضات يعلموني اسوي زفير وشهيق سويتها كذا مره واصيح م اتحمل أكثر واقول للدكتوره اعطيني مسكن قالت لازم الألم عشان يفتح الرحم وتجي ممرضة تحممني بمويا دافيه وينزل دم اخخ م اوصف لكم قد ايش متقرفه من حالي المهم طفشتهم كل شوي تعالوا شوفوا كم فاتح😂😂 واااخ يوم يخف ودي انام نوم لين يوم القيامه من حلاتها😭😂 شوي قالوا 6 وبعد ساعه اتوقع قالوا 8 يلا غرفة ولاده وهنا فرحت مررره قلت يلا الحين بولد ودخلت ماعرفت ادفع ☹️😭 والله جلست ساعه ونص أو أكثر لدرجة استدعوا أخصائي ودكتوره تقوللي حرام عليك والله اشوف شعر الجنين آخر شي طلعت الفلبينيه ممرضة عندي وتضغط ع بطني وطلع رأس النونو لسى جسمه وانا انتهيت قلت لسى ادفع؟ 😭 وتضغط الممرضة و الحمدلله أفضل لحظه احس زي الحلم وكان نفسي في بنوته وللأسف ماكنت عارفه ايش رح يجيلي وكانت احلى مفاجأه انها بنوته ❤️ طبعا ولدت ١:٥٠ ص

العضوة: 256689 , 7 years ago

@user-247199 ماشاءالله تبارك الرحمن والله يكتب الأجر يارب ويخليلك بنتك

العضوة: 247199 , 7 years ago

@user-256689 امييين يارب اجمعين

العضوة: 142916 , 7 years ago

حنايه في الرياض،،، العزيزيه نقشها روووعه واسعارها اروع تبدئ من 50ريال😍😍😍 والعررس ب 350 👇👇👇👇👇

العضوة: 162968 , 7 years ago

ولادتي ببكري طبعًا عديت التاسع واخذت من العاشر ١٠ ايام ، قمت الصباح كان عندي موعد وكنت ايقه واطقطق بجوالي نادوني ودخلت قالت الدكتوره بسوي لك تحريض عشان تولدي مستنيه ايش وطبعًا انا غشيمه مادري وش تحريض المهم سوت وقالت اليوم او بكره ان شاءالله تولدي قلت يعني بولد 😨 قالت ايه ، هنا بلمت وقلت انا بعيد عن المنطقه قالت اجل تنويم وانا مازالت منبهره مادري وش اسوي واذكر ممرضه فلبينيه اعطتني منديل قالت فور اني موشين يعني لاي مشاعر تطري عليك هي قالت كذا وانا افكها دموع واصيح وادق ع زوجي وقلت بيولدوني

العضوة: 162968 , 7 years ago

المهم وينزلوني تحت ويغيرون ملابسي وتجيب المغذي وانا شكيت قلت هذا طلق بس يوم شافتني بزر ودموعي تنزل قالت لا وركبته فيني وراحت وكم دقيقه الا يجيني طلق حار بغيت اموت كنت ابكي ع الصامت الين ماجت الساعه ٢ وفكوه وقلت ابي ابره ظهر من الالم اللي شفته المهم الساعه ٣ قالوا ولاده وخلتني امشي الين غرفة الولاده واذكر اني دعيت ع زوجي و ع نفسي ليه تزوجت 😂😂 ولما جت الساعه ٤ ونص قلت ابي الره الظهر قالوا لا.٧ سانتي مانحطه لك الحين والحمدلله بعد نص ساعه جبت بنتي ♥️