العضوة: 440099 , 7 years ago

اه مزيان ايوا الله يفك وحايلنا وكاع لي حامله على خير ان شاءالله

العضوة: 390117 , 7 years ago

@user-405046 هههه حتى نتي غربتي

العضوة: 390117 , 7 years ago

@user-440099 امين ياربي

العضوة: 440099 , 7 years ago

اهلا وسهلا اينا شهر اختي؟

العضوة: 415103 , 7 years ago

@user-390117 امييين اختي بدات كتجيني الخلعة فولادتي الاولى ماديتهاش في الحال صافي جاني الوجع وبقى حتى ولدت ونسيت 11 عام ديال الفرق . ودابا تقولي بحال اول مرة غنولد قلبي كيقفز بالخلعة

العضوة: 309783 , 7 years ago

@user-415103 حتى أنا بحالك هذا شهري وخايفة ولكن نحاولوا نتفاءلو بالخير ان شاء الله ربي يرزقنا ولادة سهلة و ميسرة. أنا اللي حاز فخاطري اني ماوجدت والوا ومخملتش داري ومكتقنعنيش خدمة ديال شي وحدة وأختي اللي كتعاوني مريضة مسكينة وأنا عندي السياتيك كيفما قلت لك البارح. غي الله ييسر الأمور وصافي

العضوة: 309783 , 7 years ago

@user-415103 سبحان الله العظيم أختي كنتشابه انا وياك فزاف د الأمور حتى انا هذه هي الولادة الثانية لي و 12 العام تالفرق حيت درت فوص كوش 3 مرات. وحتى انا فالولادة الأولى جاتني عادي ما كنت دايرة فبالي والو ودبا خايفة غير الله يفك سراحنا على خير و سراح كاع الحوامل أن شاء الله تعالى.

العضوة: 415103 , 7 years ago

@user-309783 والله اختي كلشي انا وياك فحال فحال حتى انا دايرة 3 ديال الفوص كوش . وحتى انا مزال مكملت التوجاد الخدمة والوقت مكاينش ياله وجدت حويجات ديال البيبي . وادخت معرفت اش نشري واش ندير . انا مدينة ساكنة

العضوة: 309783 , 7 years ago

@user-415103 الله اكون فعونك اختي والله يسهل أمورك. انا من مدينة مراكش. وانت

العضوة: 415103 , 7 years ago

@user-309783 اميييين اختي الله يسهل امورنا جميعا . متشرفين اختي انا ناظورية ولايني ساكنة في سيدي قاسم. اختي عييت مرة وراكي عارفة الولادة وشنو تابعها وليت نفكر نولد نمشي عند يما واحد السيمانة حتى نولي لباس ونجي لداري

العضوة: 309783 , 7 years ago

@user-415103 شوفي أختي اللي ايعاونك إلى قدرتي وخملي دارك وشوفي الحليوية تصاوب لك الحلوة وإلى عندك الوالدة أو الأخوات ديالك يصوبو لك سلو أو سفوف . شري لك البيجامات لك والملابس الداخلية و كاع الحويجات اللي خاصنك ووجدي شانطة ديالك عطا ا ميدار خاص غي الصحة و العوين والفليسات. انا راه موجدت والو حيت مقداش نتحرك وخايفة نولد ومعندي حتى بيجامة مندي لكلينيك وقياسي خايب وخا يبغي راجلي ايتقدى لي مكيلقاش لي قياسي حيت كنلبس 5 xl طويلة تبارك الله وعدفت هاد الطولة لهاد السبب.

العضوة: 415103 , 7 years ago

@user-309783 اختي سلو وجدتو وشنطة وجدت شوية لبيبي وشوية ليا . اما الدار عندي فيها شلا حوايج ميدارو ورجا في الله

العضوة: 309783 , 7 years ago

@user-415103 اختي احسن شي تكون معاك الوالدة الله ايخليها ليك وطول فعمرها يا ربي انا الوالدة ديالي توفات وانا مازال عندي يلاه 16 عام الله يرحمها مسكينة والله يرحم جميع موتى المسلمين. راه غي البارح قلت لراجلي لو كانت ميمتي كاع ميهمني ولكن الحمد لله على كل حال.

العضوة: 415103 , 7 years ago

@user-309783 الله يرحمها اختي ويعوضهالك بالصبر . اه اختي الوالدة عيانة شوية عليها بغيت نمشي نبقى عندها واحد السيمانة غير نرتاح شوية ونجي لداري حيت حنا هنا عندنا غير كتولد المرا كيدخلو عندها العيالات كيباركولها وانا معندي اللي يقابلني

العضوة: 309783 , 7 years ago

@user-415103 لابأس على الوالدة الله ايزيد فراحتها والله يخليها لك ياربي. بالنسبة لعيلات أختي علميهم حتى تولي شوية لباس إن شاء الله و عرضي عليهم بمرة ماشي كل وحدة تجي بوحدها وديك الساعة شوفي لك خواتاتك وشي مراة أو 2 يعاونوك وحيدهم عليك بمرة