10 years ago
  • المرحلة الأولى ( اول 3 اشهر)
البنات السلام عليكم انا وفاء في الشهور الاولى ديالي و بغيت نستافد او بالاحرى نستافدو جميع من تجارب بعضنا خصوصا بنات كازا بخصوص المصحات و الاطباء و التحاليل الله يخليكم اي وحدة بنت كازا تكتب لينا في اي شهر كانت و نستافدو و شكرا

81 تعليقات

العضوة: 4774 , 10 years ago

هادي را 600 درهم و نفاخة و اصلا انا بغيت لا شديت في وحدة منفوتها حتى ربي يسهل علينا جميع و حتى كلينك يكون زوين راكي عارفة اختي بغينا نفرحوا بلا عصاب

العضوة: 2058 , 10 years ago

بزاف ا اختي هادي راها تقتلك غير بالتحاليل

العضوة: 4774 , 10 years ago

اختي انا ديما السكر عندي مقاد و لكن حيت رمضان كلنا يضطرب لينا خصوصا الطبيب ديال المختبر قالي في رمضان حتى 1.30 يعتبر طبيعي ياك و حتى لا بغيت ندير الريجيم خاصني نحبس الاكل بكري و نحلل الخزان حيت لا درت الريجيم و طاح لي السكر صعيب الله يستر كيجهض الجنين انا من هنا قررت نغيرها

العضوة: 2058 , 10 years ago

بدلي طبيبة و توكاي عاى الله يكون غير الخير ما زال انا ما كنحس بتحركات الجنين

العضوة: 4774 , 10 years ago

شحال عندك دابا

العضوة: 2058 , 10 years ago

هاد سيمانة نكمل الرابع

العضوة: 4774 , 10 years ago

باقي الحال اخر الخامس او اول السادس كيبدا يتحرك عارفة فين غتولدي ؟؟

العضوة: 2058 , 10 years ago

ما زال مسولت حيت يﻻه مشيت عندو اول مرة مي كرشي بدات تبان

العضوة: 4774 , 10 years ago

هي الصراحة الاطباء عندهم شجاعة اكثر على الطبيبات و لكن مكتاخديش راحتك و خصوصا في الولادة و راجلي قاليك والو امراة احسن انا كنت حيدت كيس بالمظار بكلينك الشفاء تبارك الله رائعين شيك و حتى الغرف زوينة و التعامل زوين ماشي باغين التدويرة ههههه

العضوة: 4779 , 10 years ago

ترحب بيك جنة اخت وفاء

العضوة: 2058 , 10 years ago

حتى انا راجلي كان كيكرل ليا امرأة و لكن مني شاف التعامل ديلهم بزوج فضل راجل حيث عندي الفتيح مع الضغط

العضوة: 4774 , 10 years ago

اه يا اختي انا اليوم ياالاه فتحت مرت خالي و الله ماتخافي تبارك الله متكون اي بنت بحال العروسة و هي اللي قررت تفتح بيخير مرتاحة و شوية ديال الحريق عادي و ناضت متخافيش

العضوة: 4774 , 10 years ago

اختي قراي اللي فاتك و قولي لينا رايك و واش الطبيبة ديالك مزيانة و شنو مشاكل اللي عندكimane nour

العضوة: 4779 , 10 years ago

انا صراحة مازال ما تبعت عند ختصاصية في الحمل كنت عند طبيبة عامة كنت كنعاني من الوحم لدرجة اني كنت الما كنرجعو وهذا الطبيبة هي الي نفعاتني من بعد الله

العضوة: 2058 , 10 years ago

اه راجلي حتى هو باغيني نفتح ماقدش يشوفني كنتوجع و ماباغيش الغراز قال ليا نعطيك 2 مليون و ولدي فتيح ا اختي و مالي منولد هههههههه