يا جماعه والله حرام عليكم اذا انتو نسوان وتحكو هيك شو نحكي عن الرجال حاسه حالي بعصر وأد البنات خلص يا جماعه الي حامل ببنت تنزلها وتخلص من المشكله موضوع قاهرني الي راحت للدكتور وحكالها بنت تنزل معقول يغلط السونار او الي تقول عندي بنات وبدي ولد بحجة اخ للبنات والي بكريه وبدها ولد لحتى تفرح ابوه والي وحامها على ولد وحكولها بنت يا حرام مصدومه وبدها حل والي تنزل صور على امل البنات يحكولها ولد على اساس البنات هون خبيرات سونار ودكتورات مع احترامي للصبايا والي بجاوبو بطريقه مهذبه والي بدها ولد عشان الورثه والي تقول يحمل اسم ابوه ليش ما في بنات يرفعو الراس هياتنا نسوان ودكتورات ومهندسات وممرضات وحتى عالمات احنا النعمه مو الولد كل هذا الحكي ما بيعطيكي مبرر انه تزعلي حتى لو عندك عشر بنات يا جماعه يا مسلمين ويا مسيحيه كلنا بنامن بقدرة رب العالمين وهذا خلق ربنا مو احنا الي بنتشرط شو نخلف انا بحكي من حرقتي من خجلي من رب العالمين عالي بعملوه بعض نسوان والله والله نفسي ببنوته خاصه اني حملت مره ونزلت وخلفت ولاده مبكره عالسابع وعاشت بنتي اربع ايام وتوفت حسيت بكسرة خاطر وتوجعت كثير على فراقها شعور الله لا يذوقو لحدى بتعرفو شو شعور الوحده تحمل وحملها يكون صعب ومتعب وتجهز احلى الاواعي والالوان لبنوته وبس تنولد تموت انا حزينه على بنتي وبعيط عليها كل يوم وبعض ناس بتمنو انهم ما يخلفو بنت سامحوني بس والله مقهوره من هالتصرفات وربنا اعلم بالحال والحمد لله على كل حال وربنا يعوضني ويعوض كل وحده بتمر بضرفي