تجربتي السيئه مع زيت الخروع

المواضيع

9 years ago

المرحلة الثالثة (الأشهر 9,8,7)

الحمد لله اولا وأخر والله يسهل علينا الولاده ويعجل فيها انا في الاسبوع 37 بس الم عظم الحوض والاربطه متعبتني جدا وابي اولد وكل ولاداتي اخذ الاسبوع 41 وزياده وقلت هالمره من اول يوم بالتاسع انا بحاول وبجرب اشياء توسع الرحم كل اللي مكتوب بالمنتدى صلحته ولا نفع (حلتيته شم حلتيته ومره تبخرت بها قرفه دهنت زيت زيتون وحبه سوداء هيل عسل يانسون ميراميه) ولا نفع شي مع انه عندي توسع 2 سم واخر شي قلت مايجيبها الا زيت الخروع واشرب من الصيدليه اللي بنكهة الموز واخلطه بعصير برتقال واشرب العلبه كامله😤عقبها ماعرفت نفسي علي الحمام ومغص شديد وسهال لمدة ساعتين متواصله بالحمام جالسه وبدت طلوق خفيفه منتظمه كل 30 دقيقه بس خفيفه واستغربت خفتها وحسيت اني ابغى اتبرز الله يكرمكم فقلت خلاص هذا الراس واروح للطوارئ واخر شي قالت الرحم 1سم تقفل وهذا طلق كاذب وجلس بعدها ساعتين واختفى وتحطمت تحطم بس الم على الفاضي وتعبني السهال وهدني عقبها حرمت اشرب هالخرابيط خلها تجي في وقتها اللي كاتبه الله على قولت امي خليه يجلس في بطنك لييين يستوي راسه 😥 بس والله انا اللي استويت يارب عاجلا غير اجلا وبالسلامه وسهاله يارب ادعولي بظهر الغيب

25 تعليقات

العضوة: 72176 , 9 years ago

@user-50585 انا من تحب اربطة الحوض شي فضيع المها

العضوة: 72719 , 9 years ago

الله يسهلها علينا جميعا يا رب

العضوة: 50585 , 9 years ago

@user-72176 بكتب لك تجربتي ببنتي اللي قبل : ‎1- توكلي على الله اولا واعملي الاتي:- ‎2- سوي كبو =( بخور قشور بصل مع مرة ورق شجر الاثل مع كمون ) وتبخري فيه وتدفي واعرقي وبعدها تروشي عادي بموية دافية. ‎3- سوي كاس عصير برتقال وحطي معاه زيت خروع غطاء واحد مو اكثر واقري اوراد الولادة عليه (في الصيدلية للشرب ) ‎4- عليك بالتمر ثم التمر ثم التمر ..... مذكور بالقرآن وقت المخاض . ‎5- لا تتعبين نفسك بالمشي .امشي بالمعقول فقط ! ‎6- واذا بدأ الطلق يجي ورى بعض .. حطي رجولك بموية دافية قوة تميل للحرارة ودهني بطني زيت زيتون. ‎ ولازم يكون معك بوادر ولادة طلق خفيف و الرحم مفتوح 1سم وما ينفع زيت الخروع للبكرية !!!! او اللي ما ولدت طبيعي قبل !!! وهذي تجربتي أنا شخصياً مو منقول .. ‎ وبإذن الله ما يعدي يومك الا وانتي مبشرتنا الله يهون علينا جميعاً .