العضوة: 159806 , 8 years ago

رحت لها مرتين بحملي ذه توني انا بدايه حملي رحت لها اول مره بالاسبوع ٧ ووراتيني الجنين ونبضه @user-139659

العضوة: 161039 , 8 years ago

السلام عليكم مساء الخير حوامل الحسا💝💝💝💝 انا بالشهر الثامن ولاداتي اللي قبل ولدت في مستشفى الولاده صحيح مافيه عنايه واهتمام مبالغ فيه بس لاني اخاف تصير لي مضاعفات ويتوهقو فيني الخاص فاروح للولاده وودي اجرب هالمره الخاص شلون الولاده فيه فيه وحده جربت حسين العلي؟؟؟

العضوة: 54622 , 8 years ago

@user-68073 اول ولاده لي كانت بمستشفى الولاده وقالوا لي وزنه ضعيف ماراح يعيش بس وخلوني يوم كامل وهو في بطني والماي ناشف يتنظرونه يموت بس ولدته وهو حي وقلبه ينبض ولمن سالت بنفس اليوم قالوا اصلا مات على طول الحمدلله على كل حال ولادتي الثانيه بالموسى تابعت عند رندا وكانت حليوه بس عيبها مو دقيقه بالمتابعه يعني لازم تسحبين الكلام منها واذا ماسالتي ماتعطيك كل المعلومات وان شاء الله ولادتي الثالثه بالموسى ويارب يرزقني بدكتورة حنونه بالنسبه لدكتوره زينب انا اشوف روحها حلوه بس مادري في بنات ذموها وغيرتها لدكتوره لواء وان شاء الله تكون على قد المدح

العضوة: 54622 , 8 years ago

@user-139659 زينب تقريبا لي وياها ٣ مواعيد وبكل المواعيد تسويلي سونار وتعلمني شنو جنس البيبي بس غيرتها لدكتوره لواء لقيت عليها مدح كبير و هي استشاريه ادفع زياده ٥٠ على كل موعد وياها

العضوة: 54622 , 8 years ago

@user-161039 انا جربت الولاده ماعندهم اهتمام ولا نظافه ويع ولا افكر ارجع لهم بالنسبه للخاص انا ولدت في الموسى اهتمام و نظافه و غير كذا انا جاني نزيف بسيط وقت الولاده و جاني نقص حديد حاد واهتموا فيني لين قمت بالسلامه والحمدلله وان شاء الله هالولاده تمر بدون اي مضاعفات

العضوة: 162166 , 8 years ago

السلام عليكم كيفكم حوامل انا في بداية حملي مين تنصحوني اتابع عندها حملي وولادتي مع ذكر الاسعار بالتفاصيل

العضوة: 147040 , 8 years ago

هلا هلا بحوامل الأحساء انا بحملي الأول رحت الأحساء احسن دكتورة غاده بس مو دايم في الأحساء موجوده بس سحر وأمل نفسييييييات وتسحبي الكلام سحاب منهم وحملتي هذي في الموسى اول موعد رحت عند غاده ياربي كريهه ولا تتكلم والموعد الي بعده رحت عند زينب فرق والله روحه حلوه وكله تقول اذا عندك سؤال اسألي والولاده أن شاء الله عندهم 🙂

العضوة: 144085 , 8 years ago

اناا من الاحساء وحامل في الشهر الرابع اتابع في مستشفى الموسى عند الدكتورة زينب اي سؤال تسأليها تجاااوب لكن ماتقول الشي من نفسها اللي تقوله انتي بأي اسبوع و وضع الجنين بس ان شاء الله موعدي بعد اسبوعين عشان اعرف جنس الجنين ومادري اذا شاطرة في هالشي ولا لا

العضوة: 68073 , 8 years ago

@user-54622 حسبي الله عليهم مدري ليه مايهتمون دايم عندهم ان عادي يموت وهو صغير ولدي كان وزنه نص كيلو تقريبا ويقولون لي عادي هو نازل خليه يموت ويسمعوني قلبه ويقولون اذا ولدتيه بيموت مع ان ظل عايش فتره حتى بعد ماتركوا الاجهزه من عليه سبحان الله مكتوب لنا يكون طفل الاول شفيع شفت اهتمام بالموسى بعد الولاده اكثر من قبل الولاده وكنت انزف قبل الولاده واثناءها واستغربت عطوني ابره سيوله وكل ماسأل مايعرفون ليه الابره سألوني جراحه قلت لا الله يكتب اللي فيه خير 💕 بروح عند زينب واذا لواء او همسه ماعندهم زحمه رحت لهم وربي يسخر لك الطيبات بولادتك ويجعلها سهله بإذنه بسألك كيف بالولاده الاولى وقفتي الحليب عن طريق شفط ولا حبوب تنشيف لان متعب الصدر والطوارئ رحت لهم قالوا ماعندنا الا نعطيك مسكن ومرهم والحبوب لازم عياده موعدي مطول الاربعاء ونصحني اخلص من الحليب بسرعه قبل يجيه التهاب وحراره ويضرني وعذرا على هالسؤال بعد كم صار حمل يعني قالوا لك فتره يهيأ الرحم ولا

العضوة: 54622 , 8 years ago

@user-68073 حسبي الله عليهم الله يجازيهم على اهمالهم ( بروح عند زينب واذا لواء او همسه ماعندهم زحمه رحت لهم ) زينب انا ماشتكيت منها ابد روحها حلوه و ضحوكه ومن ناحيه الاسئله لازم انتي تجرين الكلام منها ماتقول من نفسها لواء و همسه لانهم استشاريات دايم عندهم زحمه ماتدخلين لهم الا بموعد وتدفعين زياده ٥٠ ريال ( وربي يسخر لك الطيبات بولادتك ويجعلها سهله بإذنه ) اجمعين يارب ( بسألك كيف بالولاده الاولى وقفتي الحليب عن طريق شفط ولا حبوب تنشيف ) بحملي الاول / اول شي سويته شفطت الحليب لان صدري تحجر وجاتني حراره وبعدها رحت لدكتوره وعطتني حبوب تنشيف عشان احمل ومايأثر علي هرمون الحليب ( وعذرا على هالسؤال بعد كم صار حمل يعني قالوا لك فتره يهيأ الرحم ولا ) ابد خذي راحتك واسالي الي تبينه صار حمل بعد ٣ شهور بس انصحك تروحين تتدهنين عند وحده اسمها ام ابراهيم الراجح وكثري ميراميه عشان ينشط المبايض ويصير حمل باذن الله

العضوة: 68073 , 8 years ago

@user-54622 مو حلو تسحبي منها الكلام حلو تقولك عن وضعك كامل ربي يطمئن قلبي ونعرف سبب بالموعد كنت قبل ابي همسه بس لان زحمه وماكانت متواجده باجازه ومواعيد محجوزه بعد الاجازه رحت لنيللي ونيللي بشوشه واسألها تجاوب وتقولي وش موعدنا الجاي وتضحك. بس اخر مواعيد صار زحمه عندها واحسها تضيع من كثر المراجعات بس اشوف مدح لزينب اكثر من نيللي وان شاءالله تكون معي كويسة قد قريت عن الشفط تدر الحليب فأخذ مرهم يخفف الاحتقان وادلكه وخذت من صيدلي حبوب لان مطوله ع موعدي وقال لي نص حبه كل 3 ايام ، يمكن لو كانت حبه كنت ارتحت من صدري ماشاءالله، قالوا لي عن ميراميه ان تنشف الحليب وتنشط المبايض خفت اخذها وانا اخذ حبوب تنشيف وتخرب هرموناتي وين موجوده هالممرخه بإذن الله احمل بدون ممرخه بخليها اخر فرصه لان هالفتره انا ادهن نفسي مااعرف بس قبل احمل كنت اسوي كذا جزاك الله خير وربي يتمم لك على خير🌹

العضوة: 144326 , 8 years ago

@user-159806 كلش مايمدحوه لانه ع طول بيسوو عمليه انا كنت ابي اولد فيه وماحد نصحني فيه ولا ف عنايتهم والله اعلم

العضوة: 72510 , 8 years ago

@user-54622 لواااء استشاريه كبيره وماشاللله عليها شاظره وروحها طيبه وجداااا مريحه💜

العضوة: 159806 , 8 years ago

@user-144326 اي انا ماتعامل معههم

العضوة: 54622 , 8 years ago

@user-72510 من جد انها شاطره رحت لها اول موعد وعلمتني بحالتي وقالت لي فيه مشكله بالجنين وان شاء الله ربي يشافي لي جنيني مع من قبل سويت سونار تفصيلي عشان التشوهات وكلن يقول سليم دكتوره نيلي ودكتوره زينب والحين سويت سونار عندها واكتشفت المشكله والحمدلله على كل حال انصح في لواء بقوه بعد