العضوة: 593751 , 6 years ago

لاني ولدت وعشت برا قريب جيت السودان ان شاء الله بحاول اتكلم سوداني

العضوة: 593751 , 6 years ago

الحمد لله كيف ولدك مصطفى ان شاء الله بخير

العضوة: 564762 , 6 years ago

تمام الحمد لله كويس والله

العضوة: 621963 , 6 years ago

يا جميلات ادعو لي والله تعبت من الاستفراغ والطمام والزهج قرفتا اول ما اخش غرفه النوم بتجيني حاله نفسيه عديل اقسم بالله ماعارفه نفسي عايزه شنو بس كل البحسو اني عايزه ابكي واتفقع صحباتي لما اقول ليهم تعبانه يقولو لي بختك احمدي ربك عرستي وحملتي مايعرفو انو انا الحاسداهم على عيشتهم الصافيه دي ياريتني لو كنت بت لسه

العضوة: 519661 , 6 years ago

سلامات بنات بلدي انا باقي لي ٣ يوم واخش التاسع وح اولد اول اسبوع في التاسع عمليه ان شاء الله منو معاي نفس التاريخ

العضوة: 605573 , 6 years ago

@user-595262 كيفك انتي معاي في نفس الشهر سبحان الله ربنا يتم علي خير

العضوة: 512264 , 6 years ago

@user-621963 قولي الحمد لله ايام وبتعدي وكل شئ بهون وح تتعودي علي المسؤليه اصلا الحياة بدون هدف واهم هدف في حياة الانثي انها تربي اولاد صالحين ويبقو ليها سند حتي لو اشتغلت وعملت ماستر ودكتوراة حياتك ح تكون فاضيه بدون عيال وماعندها معني . لاحظو ماقلته بدون راجل لانو ممكن تعيشي معاهو وتكوني انتي محور البيت والبيت بدونك مايسوي حاجة وهو آله ضخ قروش وبس . يتذكر لما كنا بنقرأ في الجامعه كان معانا ولد ناس من المسؤولين كان بقول ابوي مابنشوفو ربنا يخلي لينا الحاجه حتي زمن امتاحاناتنا قال مابعرفو . وبعدين انتي ممكن تعيشي حياتك بدون راجل عادي وتكوني اب وام وتتطلعي احلي عيال واحسن اسرة .

العضوة: 605573 , 6 years ago

@user-624921 اصلا حبوب الطمام ماللطمام بس فيها فيتمين انا شغالة فيها لمده شهر ماعندي طمام الحمد لله

العضوة: 512264 , 6 years ago

صعب عليها بس شويه شويه بتتعود. اصلا يا اتعلمو لهجة ناس الخليج يا اتكلمو كلام حبوبات 😂

العضوة: 605573 , 6 years ago

والله سبحان الله كنت في سلطنة عمان اصلو ابيت اتعلم كلامهم طيب نحن نقل ثقافتنا للغير كيف حتي المصرين يقولو لشنو تتكلمي معاهم بالسوداني قلت ليهم لازم يعرفو لغتنا حتي الفلبينيات بقو عرفو كلام سوداني والله كانت احلي أيام هناك

العضوة: 512264 , 6 years ago

@user-605573 بس هي اتربت هناك وعاشت هناك ما مشت كبيرة . انا اخوي عاش في لبنان أكتر من ٢٠ سنة وما اتعلم لغتهم بتكلم معانا عادي بس سافر وهو كبير .

العضوة: 564762 , 6 years ago

ااي صاح كلامك من صغيره م زي كبيره حتي في المدرسه بدون قصد ح تلقي نفسها اتعلمت لغتهم لكن الزول الكبير ح يقدر يتحكم في نفسو

العضوة: 564762 , 6 years ago

كيفكم ام زوبه وقبويه

العضوة: 564762 , 6 years ago

الله يكون في عونك فعلا الوحم صعب بس فتره وتعدي لكن دي سنه الحياة والله بكره تلدي وتنسي الوحم والاستفراغ البيبي بنسيك اي حاجه وتلقي نفسك تفكري متين البيبي يكبر شويه عشان تجيبي ليهو اخو وبعدين الولاده دي نعمه من ربنا احمدي عليها الله وم تضايقي منها والله الناس تمشي مصر والهند عشان تلقي ليها طفل يملا عليها الدنيا ممكن تتحولي لغرفه تانيه او الصاله برا انا برضو كنت بتضايق من ريحة الارياح

العضوة: 475270 , 6 years ago

من السودان مرحبتين