العضوة: 35148 , 9 years ago

@user-42214 شنو سبب قطرات دم؟

العضوة: 42214 , 9 years ago

@user-35148 مادري لما نزل علي ماي نزلت معاه قطرات دم عاد انا كنت قاريه مادري اي برنامج حمل ان هالعلامات من علامات الولاده عشان جذي شلت قشي ودقيت على ريلي😂 ام خالد وينج كملي اندمجت😂😫 شكله خلوودي شاغلج

العضوة: 35148 , 9 years ago

@user-42214 لاتسوي لنا تشويق واثاره اي يمه يخرع ماي لانزل ولالا

العضوة: 42214 , 9 years ago

@user-35148 انا نزل شويه نفس الافرازات بس اكثر شويه واخف من الافرازات مبين ان ماي عشان جذي ما اخترعت بالعكس استانست بولد واشوف بنتي😍

العضوة: 27707 , 9 years ago

هلا هلا بنات هههههه اي تشوقو شوي 😂😂😂 لا والله صج خلودي ماخلاني احك راسي حبيبي بطنه غازات وبس يبجي ويعافر توني افضا 😩😭 الحين اكمل لكم

العضوة: 35148 , 9 years ago

@user-27707 في دوا غاز اسمه و دوا ديستفلايتي شي جذي و دوا هملايا هم حلو للغازات

العضوة: 27707 , 9 years ago

اقولكم صارت س١٢ بالليل وانا كنت ناطره زوجي ياخذني من بيت اهلي وكان بالطريج يايني ولبست عبايتي ونزلت قعدت بالصاله والدمعه بطرف عيني وامي واختي الكبيره يطالعوني يقولون ها تبين نوديج الطبيب قلتلهم لا لا مابي اتبهذل واقط فلوس على فحص يعوروني عالفاضي ومستحيل الرحم فتح لانه الصبح موفاتح ولا شي وزفوني وقالوا اني اتدلع 😭😭🙈 وقلت لامي لا بتحمل لي الصبح وكاهو زوجي واصل بياخذني ونطرت دقايق وابجي انهار هههههه صار العوار كل خمس دقايق جان تقول امي قومي قومي بنوديج محنا ناطرين زوجج وتقوم اهيا واختي يلبسون عبيهم ويودوني وادق على زوجي اقوله الحقني بيودوني المستشفى موقادره اتحمل 😅 ودخلوني الطوارىء بس حطو التخطيط السسترات اخترعوا من طلقي كان حااامي حيل ويت دكتوره مصريه بتفحصني وامسكها اترجاها شوي شوي وسبحان الله ايدها خفيفه حسيت بعوار بس شي محتمل وقالت مفتوح ٢ سم انه بعدي وتو الناس بس لما شافت التخطيط قالت لا ماتطلع صعدوها ولاده معنه ماكان نازل دم ولا ماي

العضوة: 35148 , 9 years ago

@user-27707 وناسه اكشن هههههههههههههه 😆😁

العضوة: 27707 , 9 years ago

ودخلوني غرفة الولاده والطلق حاامي ذبحني وقالوا بنعطيج الابره الشرجيه بعدها بينادون دكتور التخدير يعطيني ابرة الظهر ويبط الماي وانا مت خرعه قلت شلون بيبط الماي😩😭😭 وعلى طول حطولي الابره الشرجيه وعلى طوول ركضه للحمام بس راحت الطلقه🤣 خلصت طلعت بسرعه قبل لاترد الطلقه وامي واختي قاعدين داخل غرفتي وزوجي راح يخلص اوراقي وبهاللحظه قلت بمشي بالغرفه مابي انسدح قبل لا يجيني دكتور التخدير ومشيت خطوتين وكنت احش بوحده غاثتني مع امي وخواتي ورايحين نحش فيها ههههههه فجأه حسيت نزل شي بسرعه قعدت عالسرير واطالع تحتي ولا ماي ودم 😩 يمه مت من الخرعه بس استانست انه الدكتور ماراح يبطه وحمدت ربي ونادوه بسرعه خدرني عطاني ابرة الظهر وهني كنت واصلة ٤ سم كانت س٢ بالليل وبعدها ارتحت شوي وهني قلت لامي واختي يردون البيت يرتاحون لانه اهما صيام ومساكين اتعبوا معاي وبالغصب راحوا قلتلهم ناموا ارتاحوا انا تو الناس علي وتعالولي الصبح ومشو بعدها قلت لزوجي يروح يجيب اغراضي وجنطتي انا والبيبي وراح وصرت بروحي بالغرفه حتى السسترات اذا ابيهم اطقلهم جرس محد عندي وجدام ويهي معلقين ساعه عالطوفه وعيني ماوخرتها عن الساعه ابي الوقت يعدي وقمت ادعي لكل شخص طرا فبالي

العضوة: 35148 , 9 years ago

@user-27707 ياعمري عندج وقت للحش حلاتج ام خلادين هههه واهم شي جنطه مووياج انا من الاسبوع الجاي بخليها وياي ههههه

العضوة: 27707 , 9 years ago

ووصل زوجي بعد ساعه من خلاني وناديت السستر انه متى تيي الدكتوره وتفحصني قالت س٧ ونص الصبح وتصبرت على امل اني وصلت حدي لاني طولت والصدمه كانت بعدي ٤ سم ونص😩😭 وانهااار وبعدها انادي السستر اقولها صدري يعورني تقولي عادي هرمون حليب وسكت تصبرت والساعه ٨ الصبح وصلت امي واختي وقعدو معاي وزوجي مسكين نام عالكرسي🤣 والسستر تجي تصبرني تقولي ابتسمي بتجيبين ولد حلو وينام نومه مثل ابوه🤣🤣🤣 وبعدها زاد عوار صدري احس موطبيعي ولما جت الدكتوره مره ثانيه تفحص قلت لها جان تقول بسرعه نادو دكتور التخدير ويجيني ولما شاف طلقي اعتفس واخترع قال بسرعه زيدوها جرعة ولا اثاري واعليا عليا انا متحمله وهذا عوار الطلق واصل لصدري فوق واحسه يكسر ظلوعي معني ماخذه ابرة الظهر وظلوا تقريبا كل شوي يزيدون المخدر تقريبا ٦ او ٧ مرات 😩😭 الطلق زين ماوصل خشمي ربي لك الحمد ومن الساعه ٩ فجأه صار الرحم يفتح بسرعه لي ١١ وشوي وصلت ١٠ سم ونادو دكتوري وجهزوا عدتهم وطلعوا كل اهلي برا وقالولي يالله دفعي وشديت حيلي والدكتوره تقول شطوره برافو عليج وتشجعني وانا مستانسه اني قاعده اسوي صح🤣 ومن كثر ماشاده حيلي ما اخذ نفس اثاري اذا راحت الطلقه لازم اريح ووقت الطلقه ادفع وعلى هالتعب اخر شي قال دكتوري اخر مجال اذا ماطلع بساعدج بشفاط وخفت وقمت اضغط بكل قوتي بس انا موحاسه بالدفع لانه متخدره وايد واخر شي شفطو ولدي حبيبي راسه شوي مشفوط للحين صعروره براسه🙈 وحطوه على صدري خلوني ابوسه وانا اقولها very small 🤣 ودخلو اهلي وزوجي شافوا ولدي بس بيني وبينهم ستاره ودكتوري قاعد يخيطني وانا ميته تعب ابيه يخلص وحتى لما خلصوا الدكتوره شافت طلقي للحين حار واني تعبانه قالت بنزيدج جرعه من ابرة الظهر وقلت لهم لا مابي لانه توه بدا يفج البنج عن ريولي لانه من البنج ريولي صاروا ثقال حيل ومتفوخين كانها ريول فيل😭😭 قلتلهم عطوني مسكن عادي وشالوا عني كل شي وبعد ساعتين نزلوني غرفتي كنت ميته تعب وريلي اليمين مشلوله من العوار اثاري هني مكان الشق صاير يمين وعانيت منه ٣ ايام ماقدر امشي ولا اتحرك الا بالموت لازم احد يساعدني

العضوة: 27707 , 9 years ago

طبعا الجرح التأم الحين بس لي يومكم احس بعوار واحس المنطقه كأنها مخدره ومادري شعور مو مريح بس ربي لك الحمد ايام وعدت والباقي تعرفونه يوم طلعتي صدموني بمرض ولدي وحجزت غرفة وقعدت معاه وماطلعنا الا بعد اسبوع من ولادته 😊❤️ والفال لج ام لولو ولكل الحمل تولدون بالسلامه يارب ويسهل عليكم😘

العضوة: 27707 , 9 years ago

@user-35148 ههههه شفتي ياقلبي داشه ولاده واطلق ميته تعب واحش احس واقفه غصه لازم اقول لامي واختي🤣🤣🤣🤣

العضوة: 27707 , 9 years ago

ماعرف اختصر هذي اطول قصة ولادة🙈😅🤣

العضوة: 35148 , 9 years ago

@user-27707 وناسه قصه تشووق هالزعبوط سوا مسلسل عوبه من حملج كان متعبج هههه اي والله يجي دوري اقول قصتي بس انا قصتي قيصريه ههههههه حمدلله ع سلامتكم الله يطلعج من شر وكلها فتره تشترين قميص ريش وتنسين 😂🤣