العضوة: 35148 , 9 years ago

@user-31561 الله يبارك فيج شوي تعبانه ووليدي هم تعبان ان شالله يطلع من حضانه

العضوة: 31561 , 9 years ago

@user-35148 الحمدلله على سلامتكم .. عسى ربي يحفظه ويطلع بالسلامه حبيبي❤

العضوة: 27707 , 9 years ago

@user-35148 سلامتج حبيبتي شفيه حبيبي منصوري عسى ماشر

العضوة: 27707 , 9 years ago

@user-31561 شلونج حبيبتي شخبار جرحج

العضوة: 27707 , 9 years ago

@user-51636 ان شاءالله حبيبتي الحين انزلهم

العضوة: 31561 , 9 years ago

@user-27707 الحمدلله يا حياتي .. انتي شلونج شلون خلودي 😍 الايام اللي فاتت النفسيه 0 تعبت تعبت .. وكل ما احد جاب سيره الولاده شي اسكت شوي وتهل الدموع 😣 اتذكر الموقف وشكلي كنت بحاله غريبه خواتي تعبو مني 😭 تعبت نفسيا وجسديا لا نوم لا اكل لا اقدر اتحرك .. بس الحمدلله هالايام احسن .. ودي تخلص الاربعين بسرعه احس تعبت ابي ارد بيتي 😧..

العضوة: 82956 , 9 years ago

السلام عليكم

العضوة: 35148 , 9 years ago

@user-31561 هذي صدمه الولاده لان بالج طبيعي عادي لاتحاتين لافضيتي قولي شصار وياج ام خلود ماعليه بس تنفس تعبان وحطوه بالعنايه الله يشفيه يرب ويفرحني فيه

العضوة: 31561 , 9 years ago

@user-35148 اي والله صدمه 😢 ماعليه شر حبيبي وعسى ربي يقر عينج فيه ❤❤❤❤❤❤❤❤

العضوة: 35148 , 9 years ago

@user-31561 اميين يرب

العضوة: 27707 , 9 years ago

@user-31561 عسى دوم وانا بخير حبيبتي دامج بخير والله انتي نفس وضعي بالضبط من ناحية العوار والنفسيه والحركه صعبه وماكو لانوم ولا اكل بس الفرق بينا انتي قيصري وانا طبيعي عاد لي يومج اعاني من الجرح ولادتي كانت صعبه وجرحي كبير بس الحمدالله الايام تمشي وننسى 😘❤️

العضوة: 35148 , 9 years ago

@user-27707 قيصري مرات رحمه والله واريح من طبيعي بس قهر انا اطلق 😑

العضوة: 27707 , 9 years ago

@user-35148 الف لا باس عليه حبيبتي ماعليه شي بسيط وان شاءالله مايكمل اليوم ويطلعونه اذكر اختي ولدت قيصري بالاسبوع ٣٦ او ٣٧ وبنتها حطوها بحضانه عشان التنفس بس يوم وطلعوها ومافيها الا العافيه فلا تحاتين وطمنينا عليكم 💋

العضوة: 31561 , 9 years ago

@user-27707 الحمدلله على كل حال ❤❤❤

العضوة: 31561 , 9 years ago

قصه ولادتي الله يسلمكم انتو عارفين من كم يوم واطلوق معاي وضغطي مرتفع الدكتوره صبرت علي ٣ ايام وقالت إذا قعدت جذي بيولدوني بيحرضون وتالي طلق صناعي وحددت يوم السبت الساعه ١١ باليل ادخل المستشفى ودخلت دايركت على غرفه الولاده 😢 حاشني خوف .. ومن ١ باليل لي ٥ الفجر وانا اطلق ويرتفع الطلق الناس تصلي صلاه العيد وشيخه بحال ثاني 😧 .. ونطرت الدكتوره مالت الطلق الصناعي عال٦ الصبح تقيس قالت ٣ سانتي بعطيج نص تحميله بعد وراس البيبي نزل قاعده المسه .. ويلا يا شيخه قومي لفي بالغرفه فوق الساعه وانا امشي وزادت الطلوق وتعبت وانسدحت .. وتجي الدكتوره ٨ جذي وقالت وتقيس قالت ٤ ونص وراس البيبي صعد بحرض زياده وبفتح الماي عشان انتي تعبتي وضغطج يرتفع .. وحرضت وفتحت الماي وعال١٠ قاست فتح ٥ وحطو قسطره ومتتتتتت منها صرااخ وبجي انهرت من العوار 😭 وقال زوجي عطوها ابره ظهر خلاص ارحموها .. قالت بس تصبر ساعه ونعطيها .. ماقدرت ابددد الطلق حامي عندي والبيبي راسه فوق رد صعد من الحوض.. متتت وحيييت وانا بالغرفه .. كلهم يقولون انتي شلون مستحمله خلاص حولوها قيصري الضغط ارتفع حيل خطر عليها وعالبيبي وطيران حولوني لغرفه العمليات وبدت مناحه ثانيه هههههههه والله ماكنت احس بعمري حتى اسال زوجي انا شكنت اسوي يقول ماصار شي .. صراخ بغرفه العمليات بسبه البربيش وضايقوني مسكو ايديني وربطوني 😣 انا هني مت اخر شي اذكره الكمام كنت اقولها وخريه عني ههههههههههههه وولدت الظهر عال١ ولا قعدت الا ٤ وصعدوني عالجناح 😭 وهذي اهي قصتي وجبته بالعيد مثل ماقالو خواتي هههههههه