العضوة: 31561 , 9 years ago

@user-35148 اخخخخ احس انجنيت 😣 المصيبه مو معودته على الحضن بس لما يقعد وقت النوم احاول ما اشيله عشان مايتعود وهم جنني

العضوة: 31561 , 9 years ago

@user-27707 هذي ان سواها سعودي اضحك اقوله صكر حلجك وتحصلها 😂 امين الله يصلحهم 😫

العضوة: 27707 , 9 years ago

@user-35148 شوفي خل اقولج شنو لاحظت وقلت لامي اليوم اهوا من يبته ينام طول النهار ويقعدلي بالليل يحن ويزن والكل قال عادي باهل نفاس جذي بس اليوم قعد س٣ العصر ولا رضا ينام ولا يغمض عينه لي س٧ نام اقل من نص ساعه ورد قعد لي قبل ربع ساعه غمض عينه ولا بعد شبه نايم كل دقيقتين يحن مو غرقان بالنومه 😭😩 امي تقولي قريب تطلعين من الاربعين الحين يبدي يعدل نومته 🤔

العضوة: 27707 , 9 years ago

@user-31561 لا والله انا من بعد تعب ٦ او ٧ ساعات ارضع واغير حفاظ واتاغر واشربه ادويته يعني اخلص من شي ابدي بشي كل هالوقت وبدون ولا دقيقه راحه اخر شي انفجر وودي اطقه😭😩💔💔💔 احس اني ام شريره😔

العضوة: 27707 , 9 years ago

حبايبي عن اذنكم بريح لو نص ساعه دام خلود شبه نايم ويتبجبج عالخفيف بس يبدي حنته اقوم اسولف معاكم وتخففون عني شوي قبل لا استخف😩

العضوة: 31561 , 9 years ago

@user-27707 ياقلبي عليج والله كلنا نفس الحاله كنت بطقه الاسبوع اللي فات بس طقيته طقه خفيفه عالكتف ومسكته وحضنه وقعدت ابكي معاه يمكن الساعه ٥ الفجر وسويت له كل شي ولا يبي يسكت ولا يبي ينام😭 والله تعب تعب عشان جذي ربي خلى الجنه تحت اقدامنا من التعب اللي نشوفه من نحمل فيهم لي يكبرون 😢

العضوة: 31561 , 9 years ago

وفوق هذا ماعندي احد يساعدني اختي واصغر مني وتنام من ١ او ٢ واقعد انا بروحي مجابلته لي العصر 😥

العضوة: 31561 , 9 years ago

@user-27707 اذنج معاج ياقلبي ريحي نوم العوافي 😘

العضوة: 42214 , 9 years ago

ام خالد انتي قاعده تشرحين وضعي بالضبطططط😂💔 انا اطقها على حفاظتها عشان ماتتعور بعدين قلبي يعورني ابي اقعدها من النوم😫😢😢😢 اليوم صبغت شعري بني فاتح طلع ايننن ما شاء الله الكل يقولي وقصيته كاريه طويل يعني على حد الرقبه وحطيت مكياج مع حمره عنابيه ونفنوف اسود قصير ناعم ورحت العرس😍 عاد توني راده وبو الشباب مقفل سحب علي ونام😂😫 انزين والكشخه يالحبيب ههههههه

العضوة: 86593 , 9 years ago

متابعه بصمت,,,, مراحب

العضوة: 84969 , 9 years ago

ياحلووو البيبي لما يكون 4 شهور وفوق نومه يتعدل 😩 انا للحين ماولدت واحاتي يارب يعينه

العضوة: 27707 , 9 years ago

صباح الخير حبايبي منو قاعد يكمل سهرته معاي😂 شيوخه حبيبتي خل اهون عليج تدرين حتى لوعندج احد يساعدج بسعودي ماراح تقدرين تقطينه انا فبيت اهلي الله يحفظهم امي وخواتي كبار عندهم عيال وعندي اختي اللي اصغر مني اسمله عليها مو ياهل عمرها ٢٣ والبيت متروس خدم بس سبحان الله ماخليه عند احد وللعلم انا عندي خدامه خاصه فيني بس ماخليها تشيله الا الصبح لما اوصل مرحله الانهيار النفسي والجسدي ادق عليها تيي تاخذه ولا تشوفين التعليمات كل يوم اسمعها نفس الكلام واستودعه رب العالمين وتقعد بالصاله وانا ضامنه اهلي قاعدين حتى خدم اهلي يعرفون للبيبيات وعينهم عليها ومع هذا قلبي ينشغل بالغصب انام حدي ساعتين او ٣ ساعات بالكثير وافز من نومي ركض حق خلودي واحس بتأنيب الضمير 😂 يعني وراي وراي هالاحساس حتى لما ابي اريح يعني اخاف عليه ويظل بالي مشغول واشتاقله ولا جنه مطلع عيني وهذا قلب الام 😍❤️ حلومه تخيلت شكلج ماشاءالله حسيته يشوق 😍 وعادي عادي عالسحبه انا ياااما سحب علي واللي يحرج مو السحبه اللي يحر يعني ماسحب الا وقت وانتي كاشخه وفبالج شي ومستعده له واييلج بيوم انتي مو مستعده لا نفسيا ولا جسديا ويمكن حتى توج خالصه من المطبخ🤣🤣🤣 والحمدالله طلعتوا كلكم مثلي امهات شريرات😈👻 ريحتو ضميري هلا كرز حياج الله❤️ ❤️نونه والله انج صاااجه اصلا انا اموت عالياهل من يصير ٤ شهور يبتدي يسوي حركات ويتضحك ويصير متختخ تقرصينه على راحتج ههههه الله يبلغنا ونشوف عيالنا يكبرون بصحة وعافيه ❤️

العضوة: 42214 , 9 years ago

@user-27707 اي والله صاجه هههههه بس الحمدلله عجبه النيو لووك يقولي صرتي وحده يديده👰🏻😂

العضوة: 27707 , 9 years ago

@user-42214 يالله اهم شي اعجبه ونعيما حبيبتي😘😍 شوقتيني اصبغ بس انا شعري قبل كان كثيف حيل ولعبت فيه قبل لا احمل وصار خفيف ويتساقط وبعدها اهتميت فيه ورجع كثيف والحمدالله مع الحمل ظل كثيف ماطاح والحين من يومين بس لاحظت داري بكل مكان شعري طايح وللعلم انا خذيت حديد بعد الولاده وللحين مستمره عليه وفبالي قبل لا اطلع من الاربعين بسوي لشعري بروتين وهالسوالف شوي تطيح شعري فخايفه اصبغه بعد ينعدم ويحت واصير ديايه منتفه😂😂

العضوة: 51636 , 9 years ago

صباح الخير بنوتات الحمدلله ابشركم عبود طلع بالسلامه امس العصر ومن امس وانا حايسه مع توأمي الله يصلحهم احس على كثر ما انا مستانسه بشوفتهم مع بعض على كثر ما اني ضايعه معاهم ، يالله قدرت استقر شعور غريب مادري شلون 😢 لو مو امي معاي جان صج توهقت فيهم 😭 اللهم لك الحمد ربي ما يعطي الانسان الا اللي على قد سعته وان شاءالله ربي بيعيني على تربيتهم ومقابلهم ومداراتهم .. ياااااربي الحمممدلله هالشي قبل كنت اتمنى ربعه كنت اتمنى بيبي واحد بس يملي علي حياتي وربي من علي بفضله وكرمه ورزقني بثنين بدل الواحد وياا عساهم يارب يعينوني على طاعته وعبااادته وشكر فضله علي شكراً يا الله على هالنعمه ♥️♥️♥️♥️ توني اللحين فضيت 😭 من امسس الحمدلله رضعتهم وبدلتهم ونومتهم وتفرغت اللحين حق نومتي 😭 ادعولي ربي يقويني ويعطيني طولة البال ♥️