العضوة: 57843 , 9 years ago

امس رحت السينما دشيت فلم تامر حسني .. على ان الفلم حلو بس شنو عذاب وصلت بيتي مكسره ظهري وتحت كله الم😣 وكل ماشفت احد قالي ايه بعدج لما تدشين التاسع بتتالمين اكثر ( اكتر من كدا ايه ) انا المشكله بسم الله عليه قاعد يمين مايبي يغير مكانه ف متعبني حيل كل حركاته يمين ترفس ويتمغط وكل شي جنبي اليمين كله صار يعورني حتى جتفي

العضوة: 57843 , 9 years ago

صج على الطاري بنات بقولكم شي 🌝 ومادري طبيعي ولا فيني بلا عاد بشرح واحاول اصير ذربه بشرحي 🙊 عندي عظمة المنطقه الحساسه المكان اللي فوق يعني تحت بطني على طول لما انام وقت على جنبي اليسار مثلاً و ابي الف لجنبي اليمين تطق عندي المنطقه نفس لما اطق ظهري ولا اصابعي ونفس الشي اطول على الجنب اليمين وايي بلف يسار وتطق 🌝 صار لها اسبوع تقريباً بالبدايه كنت اتعور وانا امشي ابعد ريولي عن بعض الحين عادي بس للحين تطق لايكون قاعد ينكسر شي بس 😂

العضوة: 86593 , 9 years ago

قوووه خواتي شلونكم،بدش عرض بسؤالي بس اتمنى اللي عندها معلومه او مرت عليها الحاله ماتبخل علي بالرد،،،،سلمكم الله عندي ولدي تو كمل سنه الله يحفظه،،لاحظت عليه أن اطرافه مرنه خص رجوله اهو يحبي ولي وقفته ياقف بس مو هني المشكله ،،الاحظ لي قعد يفتح رجوله حيييل ومرات يصفق برجوله ويحط رأسه بين رجوله ومرات يتربع واهو قاعد ويحط رجل ع رجل بصراحه حيرني معاه من هالحركات،،ابوه مستانس يقول ولدي بيطلع من اللي يسوون حركات وجمباز يعني عنده لياقه أما امي تقول فحصي ولدج واخواتي بعد يمكن رخاوه ومن هالكلام،، وعنده خوف مو طبيعي من المشي لما امسك أيده وامشيه يقعد يبجي ويفرق رجوله لي مشى يعني رجوله تلعب وحده تروح يمين وحده يسار ،،تكفون ردو علي

العضوة: 35148 , 9 years ago

@user-86593 مافهمت بس وديه طبيب يعطيه فيتامين دال جاهل مانحكم ع مشيته الا لأكمل سنتين

العضوة: 42215 , 9 years ago

@user-57843 اي نفسي انتي حامل والا ولدتي ؟ انا حامل و جذي اتوقع هذي عضلات الرحم عادي بدت تثقل

العضوة: 42215 , 9 years ago

@user-57843 انتي وليدج يمين انا امس صار بمعدتي والله مادري شلون صعد للحين بنص الثامن شكله ناوي يطلع من حلجي

العضوة: 57843 , 9 years ago

@user-42215 لا باقي حامل دشيت الثامن

العضوة: 57843 , 9 years ago

@user-42215 هههههههههههههههههههههههههههه ضحكني الوصف والله المشكله صارت حركتهم قويه تعور شزينهم بالخامس 😂 والله انا خلاص ساعات احسه بيخترق الجلد ولا يطلع من السره الوضع مصيبه 😂

العضوة: 42215 , 9 years ago

@user-57843 اي عيل طبيعي هالاصوات انا من نص الثامن رحت بيت اهلي بنام عندهم للولاده مع اني ضعيفه وولدي ضعيف بس جد جد احس حركتي صارت صعبه مابي اخدم احد حتا نفسي

العضوة: 42215 , 9 years ago

@user-57843 اييي السره امس قامت تنبض اخترعت جنها قاع تتنفّس سبحان الله الله يعدي هالاسبوعين علا خير اول يوم بالتاسع بسلّم نفسي للمستشفا يشقوني قيصري ومع السلامه مابي انصدم اكثر

العضوة: 57843 , 9 years ago

@user-42215 نفس الوضع بطني مو كبير وايد وانا ضعيفه بس سبحان الله الثقل والالم متعب بس قاعده بيتي لان اهلي بالسعوديه وانا بالكويت 🙆🏻 اليوم قلت ابدا ارتب جنطة المستشفى لان حسيت لو ااجل شوي بعد ماراح اسويها خلاص 😅

العضوة: 42215 , 9 years ago

@user-57843 اي تعالي صج لازم نغسل هدوم البيبي ؟ رفيجة امي تقول نقعيهم من الحين لانهم يدّد

العضوة: 57843 , 9 years ago

@user-42215 من صجج ليش قيصري 😳 نطري لين ماتولدين طبيعي احسن لج انا توني باول اسبوع بالثامن يعني شهر وادش التاسع 🙆🏻

العضوة: 57843 , 9 years ago

@user-42215 اممم انا اسمع وايد الملابس الداخليه لازم تنغسل بس الملابس العاديه مادري ماقد سمعت و صراحه حطيتهم بالجنطه بدون ماغسلهم 🤔

العضوة: 42215 , 9 years ago

@user-57843 لا صليت استخاره يمعوده مابي انطر شي . مستحيل طبيعي بحيل الله بنطر التاسع و اروح لهم