العضوة: 42214 , 9 years ago

بنات مريومه اخر فتره صايره ما تكمل حليبتها شوي تمصمصها وعقب تبجي يعني لي يمعتهم اخر اليوم بغسلهم واعقمهم كلهم نص نص 😓

العضوة: 84969 , 9 years ago

@user-42214 يمكن الحليب ماينزل عدل من الرضاعه او شي يعورها عشان جذي ماترضع شوفي شنو السبب

العضوة: 27707 , 9 years ago

@user-42214جيكي عالحلمات هالعمر افضل شي لهم سايز سمول واخاف ملوتها مابدلتيهم اول ما شريتي المميات او اذا كلهم سمول مع الاستعمال توسعو شوي فالحليب يصب بحلجها وايد وماتقدر تبلعه ولا تاخذ راحتها فتكره الرضاعه هذا ممكن سبب وممكن الحليب مضايقها او اسمله عليها فيها شي مضايقها لازم تعرفين السبب اممممم ممكن انج ترضعينها كميه زايده عن حاجتها للي بعمرها وبوقت قصير عشان جذي ماتكمل رضعاتها

العضوة: 42214 , 9 years ago

@user-27707 لا والله غيرت الحلمات كلهم خليتهم سمول وقبل لا احطها بحلجها اجربها على ايدي وتقعد فتره ماتشرب يعني ساعتين ثلاث ولما اعطيها تشرب شوي وماتبيها مادري تشبع ولا فيها شي😣 لا وعالعلبه حاطين حق عمرها ١٨٠ شدعوه اهيا ١٢٠ وما تكملها😂

العضوة: 42214 , 9 years ago

شكلي بغير السيميلاك واعطيها ابتامين وايد مدحولي ياه

العضوة: 27707 , 9 years ago

@user-42214 اممممم شوفي اهيا بعمر خلودي وصح اللي بعمرهم الحين مفروض ١٨٠ يشربون عاد انا ملتزمه بالحرف ههههه لدرجة حتى عدد الرضعات ملتزمه فيه فما اعطيه حليب الا كل ٣ او ٤ ساعات حتى لو بجا واختي وامي لما درو زفوني زف قالولي خلي عنج سوالف الاجانب ههههه واختي قعدت تقولي حرام عليج ربج راح يحاسبج 😣😣 حسستني بتأنيب الضمير وقالت مالج شغل بالمكتوب متى ما ياع الصبي عطيه يعني عادي لو كل ساعه😐😐 وعلى سالفة ١٨٠ من يومين سالت اختي المرجع 🤣 قالت انها ماعطت اكثر من ١٢٠ بس مو ملتزمه بوقت ولا بعدد رضعات فخلود للحين ١٢٠ مازدتله ومرات مايكمل رضعته وتبرد ويمر عليها ساعه وبعدها ايوع يبي يكمل فاظطر اسويله حليبه ثانيه ٦٠ ويشربها ودي مريومه الطبيب يفحصونها اذا مافيها الا العافيه تابعي وزنها اذا قاعد يزيد و الوزن بحدود الطبيعي لعمرها فلا تحاتين معناها قاعده تشرب وتاخذ كفايتها

العضوة: 54693 , 9 years ago

يا جماعه الله يباركلكو .. عايزه حد يقولي و يرد عليا .. انا خلاص اخر يوم ليا ف االتاسع كان انهارده و الرحم لسه مافتحش و الدكتور هيستناني اسبوع و بعدين هروح علي المستشفي اذا محصلش طلق خلال الاسبوع دا .. هروح المستشفي و يدوني دواء يتاخد عن طريق المهبل عشان يحفز الطلق عشان اولد طبيعي .. سؤالي هنا الدواء دا عباره عن ايه و انا لما دخلت علي جوجل لقيت مكتوب انه لبوس محفز للطلق بيتاخد عن طريق المهبل .. هل هو دا ولا حاجات تانيه غيره و هل هي بتوجع وقت ما باخدها ولا ايه طمنوني بالله عليكو و جاوبو علي سؤالي .. و اخر حاجه هو قالي عليها لو طلبت منه مخدر و اداني الحقنه اللي ف الضهر اللي اسمها ايبديورال عشان تسكن الالم و هتخضر المنطقه اللي تحت بس هيركب قسطره دي بتوجع برضو عند التركيب

العضوة: 31561 , 9 years ago

@user-27707 هلا ام خلود والله الحمدلله انتي شلونج شلون خلودي💛 لهيت مع سعود وطلاعتي ما افضى الله يصلحه ماكو وقت وتعبان من الغازات هالايام كله بجي ولا ينام ولا انا انام وارتاح تعبااانه وتعبت معاه😣😢

العضوة: 27707 , 9 years ago

@user-54693 انتي وين بتولدين؟ اول مره اعرف طلق عن طريق المهبل احنا عندنا عادة يكون الطلق الصناعي دوا عن طريق درب بالوريد وفي شغلة طلق صناعي يتسمى بالون مثل كره تنحط عن طريق المهبل قريب من الرحم ويحقنون الكرة دوا تنتفخ وتفتح الرحم واللي اعرفه انه في طريقه قديمه ياخذون تحاميل مهبليه للطلق الصناعي وبخصوص ابرة الظهر مرييحه وخاصه للي تاخذ طلق صناعي بتريحها والقسطره ماعندي خبر لانه انا وقت الولاده اخذت ابرة الظهر بس كنت من الطلق الحامي مو مركزه شنو ركبولي

العضوة: 42214 , 9 years ago

@user-27707 الحمدلله الوزن زيادته طبيعيه الاسبوع اللي طاف كان موعدها وتطورها تمام ربي لك الحمد تصدقين انا كنت نفسج وايد دقيقه بعدين من نفسي قمت اسويلها رضعه كل ما ياعت مرات كل نص ساعه ومرات تقعد اربع ساعات ومرات الرضعه ما تنجاس

العضوة: 27707 , 9 years ago

@user-31561 هلا هلا بالزين والله ولهت عليج احنا بخير دام انكم بخير😘 والحمدالله على سلامتج طالعه من الشر❤️ متى خلصتي اربعينج؟؟ سعودي سويله ينسون قفشه وسط صبي فوقه ماي مغلي وغطيه لمده ربع ساعه بعدها صفيه وحطيله سكر نبات وشربيه واذا معاه مغص حطي حبة حلوة انا افك روحي واخلطهم مع بعض واشربه كل يوم رضعه ٦٠ مل تريحه طول اليوم ومن الصيدليه جربت دوا اسمه كولوكيز فضيييع للغازات خلودي ما ارتاح الا عليه اشربه قبل الحليبه بربع ساعه يرتااااح فجربيه اشتريه حق سعودي ونوميه على بطنه ومسحي على ظهره بشكل دائري وماعليه شر ان شاءالله😘 وفي طريقه جربتها هم فادت خلود فضيييعه تخلي يطلع الغازات ورا بعض مسكي ريوله الثنتين وحركيهم عكس بعض يعني جنه يسوق قاري وعدي للخمسه بعدها فردي ريوله الثنتين سيدا وبعدها جفسيهم لي بطنه يعني خلي ركبه صوب بطنه وظغطي شوي حيل وعدي للخمسه وردي فردي ريله سيدا ريحيه وعيدي الحركه مرتين راح تلاحظين وانتي تضغطينهم على بطنه راح يطلع الغازات ان شاءالله تكونين فهمتي قصدي بالشرح او دخلي يوتيوب شوفي مساجات تطلع غازات البيبي

العضوة: 42214 , 9 years ago

@user-27707 ام خلوود ما عليج امر شرحي النقوعه بشكل مفصل اكثر بسىيها حق مريومه يمكن تخفف من حنتها شوي😣

العضوة: 27707 , 9 years ago

@user-42214 الحمدالله دام وزنها طبيعي وامورها تمام ودام انج مو ملتزمه بالرضعات عشان جذي البنيه اذا ماكملت رضعتها مو شرط يوعانه اهيا تلاقينها تبي تشرب شوي انتي مثلا عطيتيها ١٢٠ وشربتها كامله وفرضي بعد ساعه ياعت سويلها بس٦٠ لا تسوين ١٢٠ لانه ماراح تشربها كامله لانه ماطاف الا ساعه من شربت حليبتها كامله وبجذي لو بتحسبينها عطيتيها ١٢٠ وبعد ساعه او اقل من ساعه بجت وعطيتيها ٦٠ راح يطلع الناتج ١٨٠ ووضعها طبيعي لانهم بهالعمر يبون اكثر

العضوة: 42214 , 9 years ago

@user-54693 الله يهون عليج حبي انا اخذت الطلق الصناعي عن طريق الدرب ماعندي فكره عن اللي قصدج وابرة الظهر فيها عوار بس بالبدايه اول ما يدخلونها شي عادي بسيط مو العوار اللي فبالج بعدين ماتحسين بشي وسبحان الله كله تعب بتعب ما تحسين بالعوار

العضوة: 42214 , 9 years ago

@user-27707 اهي احسها تعاندني🙈😂 لما اسويلها ٦٠ ماتشبع اطلعها غصب من حلجها ولما اعطيها ١٢٠ تشرب نتفه😫