العضوة: 84969 , 9 years ago

@user-42214 تطعيم الدرن يهبل ماتجيه حراره البيبي احلى تطعيم بنسبه لي التطعيم اللي صج يعور مال 3 سنين ونص برجوله ولدي ثلاث ايام يبجي مايتحرك من رجوله

العضوة: 84969 , 9 years ago

@user-27707 انا بعد ولدي عنده تطعيم شهر 11 عمره سنتين 😭

العضوة: 42214 , 9 years ago

@user-27707 لااا لا تحاتون عجيب هالتطعيم اصلا لو قارصتها جان بجت اكثر كلش ماحست فيه وصح الياهل كل ما يكبر يتأذى واحنا الحين نتحلطم عليهم😂

العضوة: 27707 , 9 years ago

@user-42214 يالله زين لانه ابوه جبان ويخاف اكثر مني هههههه

العضوة: 27707 , 9 years ago

@user-84969 وااي حبايبي اليهال بكل الاعمار يعورون قلبي والله ماحب احب اشوف ياهل يبجي😭💔 الله يعينا ويعينهم

العضوة: 27707 , 9 years ago

@user-84969 نونه انتي جم عمرج وجم عندج عيال ؟ خنشوف نضمج لاي ترتيب 😂 اكبر وحده فينا كانت منال والله يذكرها بالخير من زمان مادخلت القروب شكلها لهت مع عيالها

العضوة: 84969 , 9 years ago

@user-27707 عمري 29عندي ثلاث صبيان الله يحفظهم 🙃

العضوة: 27707 , 9 years ago

@user-84969 ماشاءالله الله يحفظهم ويخليهم لج ❤️❤️ انتي كبر منال كانت ٢٩ وعندها ٣ عيال ويابت الرابع انا عمري ٢٧ وعندي ولد واحد الله يحفظه ويرزقني باخوان وخوات له والله يرزق كل محروم بالذريه الصالحه

العضوة: 84969 , 9 years ago

@user-27707 الله يرزقج بأخوان له وخوات والله الحمل تعب بذات لا كان ثالث حمل ولا رابع يزيد التعب اكثر والمشكله الزوج مايحس من تولدين يقولج يلا احملي 🤣 انا هالمره مفكره اوقف 3 سنين ابرتاح وابي عيالي شوي يكبرون معناته ولدي الكبير عمره 6 والوسطي 4والصغير 2

العضوة: 106031 , 9 years ago

مرحبا عندي سوال انا يويت تحليل منزلي وطلع لي خطين واضح مراااا. بسوي تحليل دم هل اسوي تحليل هرموني والا تحليل دم عادي ؟!؟؟

العضوة: 84969 , 9 years ago

@user-106031 تحليل دم عادي يبين

العضوة: 27707 , 9 years ago

@user-84969 اللهم امين حبيبتي انا تاخرت بالحمل اول ماتزوجت قعدت سنه وحملت طبيعي وطرحت ماكمل وبعدها قعدت سنه ونص يالله حملت مره ثانيه بولدي حبيبي نظر عيني عشان جذي ودي احمل واييب له اخوان كله تفكيري انه حمالي صعب واخاف اطول اكثر والايام تركض والعمر يركض بس حملي ثقيييل ثقيل ومتعب بدايته نزيف ومشاكل صحيه ولي التاسع نساة وترجيع وولادتي صعبه والله على ماحملت وولدت يوم ولادتي امي كانت معاي تبشر الناس تقولهم انها اهيا اللي ولدت مو انا 🤣🤣 حبيبتي من كثر تعبي اهيا تعبت معاي وعلى قولتج الرياييل ابدا ابدا ولي اخر يوم بعمرنا ماراح بحسون بمعاناتنا😩

العضوة: 84969 , 9 years ago

@user-27707 حبيبتي عسى ربي يرزقج بأخوان وخوات لخلودي صح كلامج دام حملج يطول لا خليها ع ربي والحمدلله حلو تجيبينهم ورا بعض وتربينهم مره وحده وصح كلامج الحمل تعب ولوعه وترجيع وثقل ونزيف وكل شي بس الحمدلله كل شي بأجره بالنهايه يجينه بيبي حلو من رب العالمين

العضوة: 27707 , 9 years ago

@user-84969 ونعم بالله وصح كلامج حلو تربينهم مع بعض❤️

العضوة: 35148 , 9 years ago

@user-27707 ام خالد خليها ع الله لاتاخذين شي والله يكتب الي فيه خير ولاتسوين حتي عزل طبيعي دام كمل ال٣ اشهر نعمه لو حملتي الحين شي مكتوب ويربون ويا بعض ولاتفكرين ان كل حمل نفس الي قبله