العضوة: 84969 , 9 years ago

@user-27707 يوووه دربالج وماتشوفين شر يارب

العضوة: 31561 , 9 years ago

@user-27707 هههههههههههههههههههه طلعو كلهم صراااخ😂 سلامتج ياحياتي ديري بالج على نفسج وحاولي ماتشيلين فيها شي ثقيل تعودي تريحينها .. انا المعصم بأيدي اليسار قبل وطلع من نقص الحديد والحمدلله خف علي .. وعندي عظمه الترقوه عرفتيها اللي عند الرقبه هذي مولعه علي😢💔 قبل سنتين كنا طالعين مخيم ودخلني هواا بارد جسمي راح فيها من العوار مت ما اعرف انام وبين فتره وفتره تعورني .. والحين من اشيل سعودي تذبحني ولا اعرف شسوي 💔😔

العضوة: 27707 , 9 years ago

@user-31561 الله يسلمج حياتي وانتي بعد ماتشوفين شر حبيبتي روحي سوي اشعه تطمني الا عاد الرقبه لانه هالمنطقه وارد يحصل فيها ديسك مع الوقت وينزل بعدها عالظهر والاكتاف وانتي في غنا عن هذا كله يمكن تحتاجين كريم او مسكن بسيط

العضوة: 31561 , 9 years ago

@user-27707 الله يسلمج ياعمري💕 انا شاكه فيني دسك ظهري ذبحني قبل امس قعدت ابجي من العوار انا من قبل ما احمل ظهري الله بالخير .. الحين شلووون يذبححححح الله يعين 💔 احس ظهري متيبس خشبه حتى وانا اصلي مو قادره اسجد عدل 💔😔 احس عمري مو ٢٧ احس ٨٠ ٩٠ 😂

العضوة: 27707 , 9 years ago

@user-31561 ههههه امبي طلعتي كبري 27 🙈🤣 شتبين تقلدين بكل شي انا مرات من عوار عظامي اقول جنه وحده عمرها ٨٠ سنه وسلامتج ياقلبي سوي اشعه مرات والله شي بسيط او ممكن علاج طبيعي قبل لاتزيد المشكله عليج لانه حراام الا الظهر ترى اهوا اللي يشيل الانسان لاتهملين

العضوة: 31561 , 9 years ago

@user-27707 هههههههههههههه احبج شسوي 😂😜 كل مره اقول بروح وانسى مخ تيبااان 😂

العضوة: 35148 , 9 years ago

انا اكبركم ٢٩ صج مرات احس عمري بال٧٠ من حملت ببجري قبل ادري بحملي مسكني عوار بظهري ولين ولدت وياي يمه يعور القلب صار يروح يرد بعد بنتي ثانيه قمت اسوي رياضه و اخفف اكل ابي اضعف رد لي الالم بس مسكني لي ركب ومن دكتور لي دكتور الحين قد ماقدر اتدفي ماقدر البس ع راحتي لان يزيد مع هواااا احس عجيز بس ناقص سروال ودراعه 🤣 سلامتج ام خالد و شيخه لازم تراجعين والي داشج هوا ١٠٠ لان بنفاسي حاشني نفس مكان

العضوة: 42214 , 9 years ago

ماتشوفون شر بنات طلعتو سكراااب🙈💕😂 انا كل يوم اقول باجر اروح حق امراض النسا عشان الافرازات وأجلها😢 ودي اروح قبل الدوام بجرب امراض النسا اللي بالمستوصف

العضوة: 31561 , 9 years ago

@user-35148 بحاول اروح هالفتره 🚶‍♀️ إن شاءالله ما انسى😂💔

العضوة: 31561 , 9 years ago

@user-42214 الشر مايجيج 😂 وانتي شناطره روحي الطبيب ترا يمكن تزيد لاسمح الله وتطول على ماتروح 😖

العضوة: 35148 , 9 years ago

انتو مكسورات وتبردون كل وحده تتشكي

العضوة: 42214 , 9 years ago

@user-31561 اليوم وانا طالعه بمر المستوصف اسأل عن الايام ملوت امراض النسا لان لهم ايام معينه بالاسبوع

العضوة: 42214 , 9 years ago

@user-35148 هههههههه صااجه لااا واول بيبي عيل لو نييب ٣ ٤ 😂

العضوة: 27707 , 9 years ago

واااي ام لولو ضحكتيني تعيبين علينا وانتي معانا مكسوره وتبرد هههههه ولا المشكله كل وحده تقول للثانيه روحي الطبيب راجعي موزين وحق نفسها ماتتحرك🤣🤣🤣 حليمه انا معاج عالافرازات الحين ماحس فيها لانه صارلي ١١ يوم للحين دوره تبن بالقطاره مانظفت بعدي ناطره انطف واروح اراجع وفكرت بامراض النسا مال مستوصفنا التخصصي بس اللي ردني عنهم اذا بسوي مسحه للافرازات على ماتطلع النتيجه بعد شهر وانا شينطرني على هالحال قلت بروح رويال بيوم واحد تطلع النتيجه واخذ علاجي وافتك باسبوع انا مخلصه

العضوة: 42214 , 9 years ago

@user-27707 صححح ام خلوود كل وحده تنصح الثانيه وناسيه عمرها🤣🤣 انا اذا بروح خاص بشوفلي غير رويال حياة نصاابين جم مراجعه اودي بنتي اقط ٧٠ و٨٠ على ولاشي