العضوة: 27707 , 9 years ago

صباحكم ورد بنات بعيد عن المواضيع التعب والشكوى🤣 بما اني قربت أصلع من التساقط الفضيييع بشعري شنو احسن اشياء استخدمتوها من ماسكات او علاجات او منتجات والخ انا هاليومين متشيشه استخدم السدر مع الحنه قبل وانا صغيره امي تحنيني كل اسبوع او بالكثير اسبوعين مع الزيوت وتعجف شعري والله كان يهبل وماشاءالله طويل لي ركبي وكثيف كثافه مو طبيعيه ماشاءالله بس العاده واتوقع كلكم مثلي بس كبرنا صرنا مانهتم شعورنا تنتفت 😭😩 بطلب حنه وسدر من وحده تبيعهم وبخلي خدامة بيت اهلي كل زواره تحنيني😅 بقعدلهم بحنتي واخرع اليهال مادري ليش يخافون منها🤣🤣

العضوة: 104482 , 9 years ago

@user-27707 هلاا فيج شوفي انا استخدم زيت جنان للشعر صراحه حلو يوقف التساقط ويطلع البيبي هير بسرعه بس يقولون اذا هديتيه يرجع يطيح فا لازم الاستمرار واستخدم بعد خلطات وحنه من هدول صراحه شغلها بعد حلو ومضموم لانها تبي تطلع له رخصه من الوزاره بس انا قاعده استخدم صارلي اسبوعين مسويه مكس بين هدول وجنان ولي الحين النتيجه ان شاءالله مرضيه والله يتمم على خير لاني خايفه يطيح شعري اكثر فا بهتم فيه من الحين لي بعد الولاده ان شاءالله

العضوة: 104482 , 9 years ago

@user-27707 اذا مالج خلق تسوين خلطات وتونيك وحنه اشتري منهم بس اذا لج خلق والله بالنت في شكثر سوالف انتي تسوينهم بالبيت وتستخدمينهم

العضوة: 27707 , 9 years ago

@user-104482 مشكوره حبيبتي يزاج الله خير انا قبل الزواج ٢٤ ساعه احوس بخلطات لجسمي وشعري واحب هالسوالف والاهتمام بكل شي بس بعد الزواج قل هالشي وايد معنه مفروض العكس🤣 بس والله ماصار عندي وقت دوام ومجابل زوج وشغل البيت ماكان عندي خادمه والحين بعد عندي بيبي زين مني اتسبح🤣🤣🤣 بس قررت اهتم بشعري لانه قلبي عورني عالكميه اللي تطيح وسويت تحليل دم وناطره النتايج باخذ حبوب فيتامينات بعد بعوض النقص اذا في شي عندي ناقص والله كريم انا لاحظت التساقط فجأه بعد شهرين من الولاده وصج شي حلو تهتمين من الحين عشان بعد الولاده حتى لو طاح شعرج يكون شي بسيط

العضوة: 104482 , 9 years ago

@user-27707 انا احط حنه عند اهلي لان ماقدر احطها فبيتي انا مع حموله غير جذيه الزيت والخلطات اذا زوجج مو موجود استغلي الفرصه وحطي يوو لا تقولين قبل الزواج والله يا شعورنا تجنن لان امهاتنا ورانا ومايخلونا بس احنا مافينا خير 😝

العضوة: 27707 , 9 years ago

@user-104482 اي والله صاجه 😂 وعلى قولتج ماكو الا لما ازور بيت اهلي احط حنتي وماسكاتي عاد احاتي الريحه وفكرت اشتري خمرية للشعر اعطره بس كله احس انه الخمريات وعطورات الشعر تضره وودب اطلب خمريه من سارة سيكرت توه مسويتلها خمريتين وشكلهم يشوقون عليهم طلب وايد

العضوة: 84969 , 9 years ago

@user-27707 انا الأسبوع اللي فات حطيت حنه لشعري وهالأسبوع مفكره اذا زوجي راح لدوامه احط بس اخاف تجيني الولاده وانا حاطه حنه 🤣🤣 والزيوت حطي دابر امبلا صح ريحته مو حلوه وقويه تصك الراس بس نتيجته تجنن بس كل شي يبيله طولت بال يعني عندج انا اهتم مره وبعدها طاف وهذا غلط المفروض كل اسبوع حنه وزيوت وغير هذا والأهم التغذيه من الداخل تاكلين خضره وفواكه وتكثرين شرب ماي

العضوة: 105274 , 9 years ago

@user-27707 انا استخدمت بريورين من بوتس عجيب استمريت عليه ٦ اشهر روعه بس اخر شي مليت وماكملت ورد شعري يطيح وشريت تونكات الشعر ومااستمر عليها اذا لج خلق صالونات يمدحون خلصان صالون سولت الي بلشعب اشوف البنات هناك لافين شعورهم وسالتهم بنفسي قالو وااابد استفادو منها

العضوة: 27707 , 9 years ago

@user-105274 اي بريورين ممتاز بس صح اذا قطعتيه يرد يطيح الشعر شنو خلصان؟؟

العضوة: 31561 , 9 years ago

@user-27707 تدرين ليش طاحت شعورنا بشكل يخرعع لان ٩ شهور فيتاميتات ومكملات وفجأه قطعناها المفروض من نولد نكمل على فيتامينات ومكملات بروحه لا نوم ولا اكل والنفسيه كلششش فهذا يزيدها ماكو شي يستفيد منه الجسم والشعر لا اكل ولا حبوب فعوضي انج ماتاكلين بالحبوب احسن صارلي يومين رديت على الحبوب 🙃

العضوة: 105274 , 9 years ago

@user-27707 عفوا خلطات شكو خلصان هخخخخخخخخ

العضوة: 105274 , 9 years ago

@user-31561 اي صح بس افضل شي تسووين تحاليل عشان تعرفين النقص وين بالظبط مو ناخد فيتامينات من كيفنا جذي قاللي دكتور جلديه لان اذا خذيتي فيتامينات زياده عن حاجه جسمك تروح تتخزن عالكبد وما عالجتي المشكله

العضوة: 31561 , 9 years ago

@user-105274 والله بيني وبينج مالي خلق مستشفيات وتحالليل وحاله لايعه جبدي 😖 ابي شوي شهر من غير طبيب😣 لو احلل بيطلع كل شي ناقص 😅😂 اعرف عمري عدددل🚶‍♀️💔

العضوة: 27707 , 9 years ago

@user-105274 @user-31561 ههههه اي خلطات وانا اقول شنو خلصان شي يديد هذا مو مار علي🤣🤣 شيوخه صح كلامج انا بعد ماولدت خلود على طوول وانا بالمستشفى قالولي كملي على بريقنابلان وكالسيوم وفيتامين دال وقلت ان شاءالله بس بقلبي اقول خير ان شاءالله 🤣🤣 ماصدقت اولد عشان اوقف ادويه خاصه انا مثبتات ابر وحبوب مسيله ومثبته لي التاسع غير الفيتامينات فخلااااص اكتفيت 😭😭 واول امس رحت حللت دم لوعو جبدي المستوصف جني يايه اطر منهم بس غصبن عليهم حللت وناطره النتايج عشان اركز عالنقص اللي عندي

العضوة: 105274 , 9 years ago

@user-27707 انزين لي متى نتم عل هالفيتامينات بعد الولاده؟