العضوة: 27707 , 8 years ago

@user-35148 كلام سليم وجميل يزاج الله خير والحمدالله يارب على كل النعم وشوقتيني انا احب اللي دارسين علم نفس ويحللون اسلوبي وشخصيتي 😍😃 انا لويرد الزمن ادرس شي غير الحقوق مو عيب بالكليه بس العيب بديرتنا وبوظايفنا اللي تدفنا وتدفن اللي درسناه وكل الاماكن اللي تستاهلنا حق عيال الواسطات وبعد مو اي واسطه شي يحرر ويخليج تنقهرين على دراستج وتعبج

العضوة: 35148 , 8 years ago

@user-27707 اي والله الحقوق ان تخرجتي في اماكن يبيله واسطه نفس الفتوي ناس قاعده مليون سنه معييه تتقاعد ههه و انا لو يرد زمن فيني ادش اي مكان لو تطبيقي بس مادش علم نفس😐 صح دراستنا حلوه و كانت شوي صعبه بس تخرجنا يا اخصائيه بمدرسه وجني فراشه مالي دور او عند معاقين او طب نفسي انا قلبي رهيف مقدر عليهم رحت ميداني تعبت

العضوة: 84969 , 8 years ago

@user-27707 الحمدلله انا والنونو بخير ماعليه ماتدرين يمكن يخف وحامج برابع او الخامس

العضوة: 105274 , 8 years ago

شلونكم عساكم بخير القروب صاير صخه

العضوة: 42214 , 8 years ago

قوه بنات شلووونكم 💕💕 وااي عطلت واخيرا💃🏻 صج كان اثقل كورس مر علي من دراسه ومجابل بيبي وبيت وريل😩 باقيلي الكورس الثاني اللي ياي واتخرج☺️ من زمان ما سولفت معاكم الحين فضيت بقعدلكم😂 شلونج ام خلوود مع الحمال حبيبتي والله كله على بالي ادعيلج الله يكون بعونج❤️ انا مادري شحقه شريت غرفه حق مريومه وحاطتلها سرير بداري وصايره ما تنام الا يمي بالفراش ولازم المها بعد واذا هديتها قامت☹️💔

العضوة: 27707 , 8 years ago

هلا بنات انتو شلونكم شخباركم انا والله احوالي ماتسر حمل ونساة وثقل ودوام وبيت وطباخ وبيبي صغير والخ 💔😩 الله يكون بالعون مرات ابجي امي حبيبتي تهون علي تقولي كل شي بأجره حتى خالتي ام ريلي لاول مره تشوف حالتي شلون تعبانه اكسر خاطرها وحنت علي قدمت مجلس طبي وناطره موعدي حلومه عادي انا بالضبط مثلج خلودي غرفة جاهزه كلها وسرير كبير انا انام عليه وغير سريره اللي بغرفة نومي ومع هذا ينام يمي بالفراش ودي انقله سريره بس مشكلة الثقل والتعب اتعيز كل مابجا اقومله وهم اسمله عليه كبر وصار ثقيل شوي وانا مع الحمال مافيني شده اشيل واحط فأخليه يمي لو يبي يرضع اسهلي بس احاتي لي كبر بطني شسوي

العضوة: 42214 , 8 years ago

@user-27707 الله يعيييييينج والله بس يا حلوهم على تعبهم❤️❤️❤️ اقولج عالنومه اخاف مرات انام عليها ولا تختنق بينا خاصة بنتي نتفه حيل تضيع وانتي لا تطبخين كل يوم والله من صجي تعب عليج يعني يوم طبخي يوم طلبو وويكند يمعات انا كنت اخذ غدا من بيت اهلي اخليهم يحسبون حسابنا انا وريلي ليما خالتي يعطيها العافيه يابتلنا طباخه اللهم كنت اسوي ريوق وعشا ماقدر اوقف طول حمالي دوووخه

العضوة: 35148 , 8 years ago

تعب طبخ وحمال انا بسوق وكله خصم يمه ودج بقرض بنفس وقت ودي بشي يصحصح صايره خمول من دايت

العضوة: 27707 , 8 years ago

@user-42214 الله يكون بالعون اي اكيد تخافين في فرشه تصير متفخه شوي عللاطراف او اسفنجه صغيره حق اليهال ممكن تنحط داخل السرير الكبير عشان تشيل حجمهم كمواليد انا هذي انوم خلودي عليها احط على فراشي واخليه صوبي مو صوب ابوه وبجذي اضمن ما نقلب عليه ولا حتى انا لانه هذي مثل حاجز جنها مخده تحسين فيها ومنها اهوا بعد ما احاتيه لي قلب مايطيح اخذيلج جذي وبترتاحين وعالطباخ والله مو كل يوم مرات اكون مطلعه يدام ويخترب ما اسويه واطلب مطعم من التعب واللوعه ما اشتهي اشم ريحة بصل وثوم وطباخ💔😭 وقبل كنت اخذ من بيت اهلي بس الحين قمت اتثقيل اروح اخذه واستحي بعد الحين عندي خدامه تاكل الخضر واليابس لازم احسب حسابها قبل علي انا وريلي لقمتنا ولا شي

العضوة: 27707 , 8 years ago

@user-35148 اي والله حده تعب ربج يفرجها اذا دايت اكيد تتعبين بس اهم شي تاكدي ماعندج نقص بفيتامينات واذا عندج لازم حبوب عشان لا تتعبين وايد وتقوين جسمج

العضوة: 35148 , 8 years ago

@user-27707 رحت شريت حبوب فيتامين وشريت برايورين عطوني علبه مجاني 😍

العضوة: 27707 , 8 years ago

@user-35148 زين تسوين وديري بالج تاخذين برايورين اذا انتي مو محتاجه واذا شعرج يطيح ومحتاج علاج اخذيه وضروووووري تكملين علبتين بعد عشان يصيرون ٣ ويعتبرون كورس ولا راح يصير رد فعل عكسي ويتساقط اكثر كلاب هذول يعرفون شلون يسوقون ويخلونج تردين تشترينه عشان يوقفلج التساقط عالعموم هذي نصيحة ومن دكتور حدزني ابلش فيه واقطع من غير ما اكمل الكورس وشوفي بعد صلاحيته خوفج قريب ينتهي قبل لا تبدين فيه

العضوة: 35148 , 8 years ago

@user-27707 يطيح حيل وصاير ناشف حطيت دهن حطيت حمام زيت نفس شي جنه ميت وقصيته ونفس شي تحسين صاير مثل عرفج هه مافيه حياه

العضوة: 42214 , 8 years ago

@user-27707 اذا عندج صورتها دزيها ام خلود ومن وين 💕 وااي الخدم بديرتهم ما ياكلون شي وايوولج عصاقييل وعندنا زين ما ياكلونج ولي بغت تسافر تصير شمتنها

العضوة: 27707 , 8 years ago

@user-35148 عادي ماعليه يمكن بعد الولاده تعب شعرج حيل يبيله فتره يتعدل انا من ولادة خلودي للحين يتساقط