العضوة: 27707 , 8 years ago

@user-105274 دامج دخلتي الثامن ليش ماخذتي مجلس طبي احسنلج يعطونج على طول لي الولاده بلا مرضيات انا والله اليوم انقص ظهري من تنظيف المطبخ الله يلعنهم هالخدم على كثر ما اسوي جدامها واعلمها وهم ماتنظف تحرني وانا نوعي احب اخلص شغلي بيدي والله بطني جدامي ومجابله ولدي بعد على ماخلصت ياني شد قوي بظهري لي الحين كل شوي انقز واصرخ من العوار بس نفسيا مرتاحه من ترتيبي ونظافة المطبخ ودي انام فيه هههههه

العضوة: 27707 , 8 years ago

ماشاءالله صوت المطر يرد الروح❤️

العضوة: 27707 , 8 years ago

@user-42214 ام مريومه شلونج حبيبتي وينج مختفيه هاليومين عسى خير يارب❤️ بسالج للحين تعطين مريومه قطرات فيتامين دال ولا وقفتي ؟ انا اذكر اول ماولدت دكتوره اسيا مالت رويال وصفتلي ياه قالت عطيه وماحددت المده ولما سالتها قالت لي ٦ شهور وانا عطيته لي ٦ شهور بس مشكلتي ما التزمت فيه يوميا وخواتي خوفوني قالو مامنه فايده لازم كل يوم تعطينه وبعدها ماوديته ولا سويتله تحاليل دم فمادري الحين اعطيه يحتاج فيتامينات

العضوة: 42214 , 8 years ago

@user-27707 أهلين حبي بخير الحمدلله ماكو والله لهيت مع تقارير الجامعه خبرج آخر كورس😍 تصدقين نبهتيني ودي اسويلها تحاليل خاصة حق الفيتامين لأن انا مثلج عطيتها جم شهر ووقفت بس ام خلود انا اللي اعرفه ان الصناعي فيه فيتامين دال وعشان اتأكدين اقري على العلبه بس انا كتبلها الدكتور وقت اللي كنت ارضعها طبيعي اذكر قالي حليب الام كل شي فيه الا فيتامين دال

العضوة: 42214 , 8 years ago

@user-27707 وااي ديربالج لا تشتغلين خيولي التنظيف خليها تشتغل عنج وخليها تنظف مره ثانيه وثالثه ورابعه عشان اتعلم تشتغل عدل مره ثانيه انا ولدت مبجر من التنظيف والشيل والحط نزل علي الماي ديربالج لاحقه عالشغل انتي نفسي ارتاح نفسيا لما اعدل شقتي وانظفها

العضوة: 27707 , 8 years ago

@user-42214 عسى ربي يوفقج وتخلصين وتتوظفين الوظيفه السنعه يارب اي صح انا قالولي مثلج كلامج بالضبط👍🏻 وصح العلبه فيها فيتامين دال بس مادري بعد احاتي وعالتنظيف والله عيزت اعلم واسوي بيدي اخليها تشوف ومع هذا ماكو فايده عله عله على قلبي بس تبي تاكل وتبي معاشها مرات احس مفروض اهيا تعطيني معاش لانه حتى خلود انا مجابلته انا اسبحه والبسه واغيرله واسوي اكله وارضعه واجهز جنطته لي بغينا نطلع تخيلي والله مابالغ اهيا بالضبط اللي تسويه تمسكه عني لي بغت ادخل الحمام وانتي بكرامه عشان اتسبح وبطلعاتي ما اخذها انا اعابل فيه وبعربانته واغراضه اهيا بس بالزوارات اخذها معاي وطبعا وجودها وعدمه واحد لانه كل من يتخامطه مني فكلش ماكون بحاجتها اهيا تروح تسولف مع الخدم وتبلع 😐 مقهوره حدي مابي استاثم فيها فلبينيه اهيا بس باقيلها عندي تقريبا سنه ابيها تخلص مدتها بسلام من غير لاتضرني ولا اضرها وبطلب ثانيه جنسيه غير لانه اكتشفت انه الفلبن مو حنونين عاليهال وشايفين نفسهم عاد على شنو مادري وقذاره بس الشكل الخارجي مرتب ولا اهما مو نظاف وفكرت اطلب نيباليه وايد يمدحون هالجنسيه للتنظيف وهم حنونين عاليهال وعالولاده شكله بولد مبجر لانه طلوقي من الرابع والحين زايده علي فجاه مرات اصرخ من العوار 💔🤦🏻‍♀️

العضوة: 42214 , 8 years ago

@user-27707 اللهم آمين💕💕 وااي لو قاعده بدون خدامه احسن لج تصدقين خليتيني اتردد اطلب مو بس انتي جم وحده اقولها بييب خدامه وارتاح تقولي من قالج بترتاحين يعلونج زياده🤦🏻‍♀️ النيباليات زينين صح بس جنه مافي طلبات من النيبال جربي السيلانيات صج بعضهم وصخين بس حنونين عاليهال وعلى التعود خليها تتعلم عالنظافه حتى طباخ خليها تطبخ

العضوة: 105274 , 8 years ago

@user-27707 قدمت بالشهر الثاني وواسطه عشان اقرب موعدي وعطوني شهر واجدد وتعيجزت مارحت واي انا كسووووله وملوووله ومااحب المعاملات الحكوميه

العضوة: 105274 , 8 years ago

بنات بسالكم منو تولد قيصريه تصدقون صرلي جم يوم ماانام من الخوف من الولادة وقررت استخير وافكر اولد قيصريه بس يمكن اولد بالصباح تهقون يوافقون؟ انا للحين مافتحت لي ملف بالحكومه لو اقول حق دكتورة الي بالمستوصف يوافقون؟ سوري قرقت وايد بس ماعندي فكره.ولادتي الاولى بالخاص وطبيعي

العضوة: 42214 , 8 years ago

@user-105274 ليش تبين قيصيري اذا حملج طبيعي الحكومه ما اعتقد يوافقون اذا وضعج ما يحتاج بس بالخاص اي عادي

العضوة: 105274 , 8 years ago

@user-42214 مرعوبه من الطبيعي ماانام بالليل من التفكير سبحان الله البجر تدش عل عماها 😁

العضوة: 27707 , 8 years ago

@user-42214 وااي اصلا الخدم ضيم وصج تعلج زياده بس شر لابد منه بس انتي وضعج احسن مني شوفي دام عندج خدم اهل ريلج اعتقد مره قلتي تييلج تساعدج بالتنظيف هذا اهم شي اذا في من يغسل المواعين ولوية المطبخ وعزج الله الحمامات بس الباجي سهاله وترى الحين اصلا ماكو طلب خدم ولا اي جنسيه اختي توها من اسبوع راحت بتطلب لها وحده ماكو كل المكاتب ولا جنسيه تخيلي🙂

العضوة: 42214 , 8 years ago

@user-27707 اي الحمدلله خدامة خالتي تدزها لي كل يوم تغسل المواعين وتنظف المطبخ والحمامات اهم شي الباجي سهالات انا بروحي الكويت الحين فيها ازمة خدم ترى انا طلبت يمكن ٤ فلبينيات كل مره وحده تكنسل وحده مادري شنوفيها وهالحجي من زمان ليما لاعت جبدي من حظي ويا الخدم قتله مابي خلاص تعودت بدون خدامه يمكن بالمستقبل اي أييب بس وضعج انتي لازم خدامه صح

العضوة: 42214 , 8 years ago

@user-105274 اخذي ابرة ظهر حبي شكلج ما اخذتي على بجرج عشان جذي خايفه

العضوة: 27707 , 8 years ago

@user-42214 الله يفكنا من شرهم ودام تعودتي والله نصيحه مني اهم شي بالج مرتاح على بنيتج وبيتج وريلج الخدامه عوار قلب تعب نفسي وجسدي تخيلي وصلت مرحله مرات احلم فيها هههه طبعا هذا كله من خوفي على ولدي والسوالف اللي نسمعها عنهم بسالج شلون خروج مريومه معاج انا احس خلود موطبيعي صارله فوق الشهر كله امساك ونادر مايكون طبيعي او اسهال وانتي بكرامه معني تجنبت كل شي يسببله امساك ما اعطيه عيش ولا بطاط وكذا شغله والملينات لازم اعطيه واوكله واشربه اشياء تمشي البطن وماكو فايده فخايفه عليه وودي اوديه طبيب اطفال يشوفه لانه تعب حبيبي كل مابيطلع اللي فبطنه لازم يبجي لدرجه انه يعرق ومرات يطلع دم من ورا معنه على طول ارطبله المنطقه بفازلين