العضوة: 51636 , 9 years ago

مرحباااا تقبل الله طاعتكممم ومبارك عليكم الشهر متأخره 😢💔 ماتشوفووون شر يا حلوات والله يهونهااا عليكم يارب .. ادري انا صايره ادش يوم واقطع ١٠ ايام 😔 مرات ادش اقرا وودي اكتب بس ت ع ب ا ا ا ا ن ه 😭 اللهم لك الحمد ، احس حتى الكتابه تتعبني ماقدر 😰 الحمدلله راح الكثير وما بقى الا القليل انا تقريباً فالاسبوع الثاني من السابع ١٦/٦ ادش الثامن ويارب تسهلها يااارب امس كل من شافني قالي بطنج نازل شكلج بتولدين مبجر وشكلج تعبان جنج بالتاسع 😢 فوق الخوف اللي انا فيه خفت زياده 😭💔 طبعاً ما يدرون اني حامل بتوم .. ابتسم واسكت وانا من داخل قلبي يرقع 😢 ام خالد وحليمه ومنال الله يهون عليكم هالايام وان شاءالله تعدي بسهاله ❤ وام لولو الله ييسرلج الباقي من حمالج ويمر خفيييف لين الولاده يارب ❤ ويسسسهل على الجميع ❤

العضوة: 57843 , 9 years ago

@user-51636 الله يعينج وتعدي الفتره على خير ويقر عينج بشوفتهم عاد ١٦/٦ يوم ميلادي 🤣 وقته غلط برمضان 🙆🏻

العضوة: 51636 , 9 years ago

@user-57843 امييين حبيبتي 💕 ههههههه الله احلى شهر 😍 انا ١٢/٦ ميلادي 🌝❤

العضوة: 57843 , 9 years ago

@user-51636 كفك يالجوزاء 😂✋🏻 صادقه احلى شهر

العضوة: 27707 , 9 years ago

@user-51636 هلا حبيبتي ماعليج من كلام الناس اولا انتي ماشاءالله حامل بتوم اكيد بتثقلين اكثر من اللي حامل بواحد وبعدين وايد بنات اعرفهم حمل من السادس بطنهم نازل وخلصوا شهرهم وزود وانا بطني مرتفعه حيل زين ماتطق بحنجي ومع هذا عندي طلوق والدكتور قالي حدي اسبوعين من شهري وراح اولد معنه كل من شافني يقولي بطنج مرتفعه لازم تنزل😒😒 واخذي الاحباط فلا تسمعين لحد وربي يهون عليج وعلينا😘😘

العضوة: 27707 , 9 years ago

@user-70479 هلا حبيبتي مبروك انضمامج للتاسع😂 تصدقين انا بعد يوم موعدي كنت داخله التاسع على حسبة البرنامج بس دكتوري قالي بعد يومين تدخلين ومنعني من الصيام لانه دخلت التاسع وقال احتمال اسبوعين واولد ووزنه قليل قال لازم تاكلين وتزيدينه محتاج تغذيه

العضوة: 35148 , 9 years ago

انا نازل بطني من شهر وشي بس ماله شغل عاد يستعبط ينزل ويضايقني اخرتها قيصري يستعبط هههههه انت مناعتي صايره خايسه كل شوي لوز

العضوة: 27707 , 9 years ago

@user-35148 سلامتج حبيبتي شربي سوايل دافيه وبرتقال وترى اكل الثوم فرش حيييل حيل يقوي المناعه وترى مفيد اخذي فص ثوم حطيه مع روب واكليه يوميا وبخري بيتج بشبة وحرمل راح تطيبين بسرعه

العضوة: 73355 , 9 years ago

@user-57843 لاتهملين نفسك روحي لاي دكتوره تشوف حالتك والسفر ممنوع والمشي الكثير لان الافرازات البنيه مرات تحتاج مثبتات

العضوة: 35148 , 9 years ago

@user-27707 حرمل مايجلب جن؟ ذكرتيني والله بثوم باجر باكله مع روب

العضوة: 51636 , 9 years ago

@user-27707 الله يسمع منج يارب عاد انا الوسواس عندي على طريف 😢 حبيبتييي ريحتيني والله شكراً جداً 😘❤❤

العضوة: 51636 , 9 years ago

@user-42214 امممين ياارب 🙌🏼 ايي زييين يعني احتمال كبير يرد يرتفع بطني شكله واهو نازل يخرع 😢 احس اني مهدده ان شاءالله يرتفع وربي يسهل مشكووره حلوومه ❤❤

العضوة: 76991 , 9 years ago

بنات انا حامل بنص الرابع ومرا وجع ظهري وكتفي اليسار ماقدر اوقف واطبخ وتجيني دوخه مين صار لها مثلي☹️️💔.

العضوة: 27707 , 9 years ago

@user-35148 ههههه استغفرالله والله مادري مابي افتي بهالامور انا اطالعها من الجانب الايجابي وما اتعمق بالجانب السلبي بس عموما الجن موجودين بينا بكل مكان فأنا متعوده وخاصه اذا شبه وحرمل ببخر فيه بيتي بعد زفره الاكل او اذا احد مريض عن الفايروسات والامراض ابخر بس لااااازم افتح الدرايش لانه في معتقد وامي تقولي بعد انه اذا في شي بالبيت يطلع 😅 وبعدها احب ابخر فبخور عادي ريحته حلوه😍

العضوة: 57843 , 9 years ago

@user-27707 نفس كلام امي دايم تقول اذا بتشغلون قران وتحطون بخور لازم تفتحون الدرايش .. شكل هالمعتقد راح يتوارث لباقي الاجيال 😅