العضوة: 42214 , 9 years ago

الحمدلله على سلامتكم ام خالد ومنال حبيبات قلبي 💞💞 حاسه فيج ام خالد صج انا عند امي بس بنتي مجابلتها بروحي ارضع واسهر وغيره واكلمج الحين والله من امس مو نايمه شي وعلى قولتج غير اكتئاب النفاس والنفسيه صفر يالله الحمدلله ايام وتعدي اهم شي طلعتو بالسلامه حبيبتي منال ارتاحي وسولفيلنا بعدين بما ان كلنا صرنا نفاس وماعندنا شي غير الحكره بالبيت😂💔 الفال حق ام لولو يارب

العضوة: 42214 , 9 years ago

اليوم يبت رداده صينيه طبعا انا لان اول مره فا كنت متخيله شي ثاني🙈😂 عبالي مساج بس يكون قوي مو ريلاكس ولا الحبيبه مادري شحطت على بطني وخرج وشبت نار طبعا انا ويهي😶😶😶😂 وباذني بعد تقولي عشان يطلع الهوا وبعدين سوتلي حجامه مادري حجاره ههههه وااي تعور بس مادري حسيت مالها داعي للحين جسمي يعورني ماتغير شي يمكن مايبين الحين يبيلي مساج قبل لا اطلع من الاربعين ان شاء الله ايي وصح عطتني شي اتبخر فيه من تحت وااي بنات قاعده اعد الايام ابي اطلع من الاربعين باقي اسبوعين😢

العضوة: 35148 , 9 years ago

@user-70479 ونستيني هههه حمدلله يارب قبل ساعه طريتي علي قلت ماعندها سالفه تنطر تصكر اربعينها ننطر قصتج الف مبروك حمدلله ع سلامتج ادعولي اولد اول تاسع ماقمت اتحمل حتي ماقدر اتنفس والدكتور يبي اعدي ٣٨ اسبوع بنجن ههه

العضوة: 35148 , 9 years ago

@user-42214 انتي دقيتي علي عطيتج رقمهم ولا ؟؟ و تري مايبين مساج نفس يوم ثاني يوم تحسين في فرق

العضوة: 42214 , 9 years ago

@user-35148 لا والله هاذي امي يابتلي ياها مادري لان العوار اللي بآخر ظهري للحينه مو عوار المساج لا العوار نفسه

العضوة: 35148 , 9 years ago

@user-42214 مدري والله بس الي عطيتج يريحون بس باجر يبين ان شالله الي تبخر رفيجتي جابتها اذكر تبخر بخور غريب مالهم يمكن وكانت شوي بطيطه الي سوت لها وهي طلبت مساج ساعتين

العضوة: 35148 , 9 years ago

@user-31561 قوه شخبارج طمنينا ولدتي 😁🌷 ❤

العضوة: 31561 , 9 years ago

@user-35148 هلا والله من العصر انا بالمستشفى تخطيط ودربات البيبي النبض ضعف عنده وماقام يتحرك عدل مت البجي والله دخلت بحاله مايعلم فيها الا الله من الخوف والمحاتاه الضغط ضرب عندي .. باجر عندي تخطيط بعد و بشوف شنو بيصير ادعولي بنات تكفون ان الله يهون علي وتقر عيني فيه والله نفسيتي تعبت ..

العضوة: 35148 , 9 years ago

@user-31561 اسم الله عليج ليه ضعف شاربه شي ماكله شي خل يسوون لج توسعه يولدونج او طلق صناعي لاتنطرين اكثر الله يقر عينج فيه يارب وتولدين بسلامه يعمري لاتبجين اهم شي لايرتفع ضغطج موزين

العضوة: 42214 , 9 years ago

@user-31561 حبيبتي الله يكون بعونج وان شاء الله الدكاتره اكيد بيسوون لج شي بس خلج قويه وايمانج بالله قوي وان شاء الله ربي يقر عينج 💞💞💞

العضوة: 31561 , 9 years ago

@user-35148 مو مسويه شي بس قعدت عال٩ الصبح ريجي ناشف وحاشتني دوخه قلت ما اقدر اكمل صيام وشربت ماي وتالي وبعد نص ساعه حليب ابي شي بارد.. وقعدت لي ١ ورديت نمت ٣ انا قاعده ما احس بشي يمين يسار ابي يتحرك ماكو مت من الخوف نص ساعه وانا على اعصابي الدكتوره منبهتني تقول إذا ماتحرك بساعه تعالي طيران عالطبيب وكليت موز كاكاو شي ابي يتحرك كلش .. انهرت وعلى طول للطبيب النبض شوي يصير ضعيف والحركه يالله دربات عشان يشوفون يتحرك ولا لا وبدا يتحرك بس عالخفيف .. وحرمت اصوم توبه كلها ٣ ايام عسى ربي يهونها علينا .. وتعدي على خير

العضوة: 31561 , 9 years ago

@user-42214 حبيبتي اميين يارب والله موعارفه انام احس مقموته من المحاتاه..

العضوة: 35148 , 9 years ago

@user-31561 تصدقين اليوم نفس حالتج قلبي يرقع و كتمه خنقه و انا واقفه بغسل وجهي حاشني هبوط اي والله كله ٣ ايام فطري والله غفور حمدلله الله يتمم عليج يارب

العضوة: 42215 , 9 years ago

@user-70479 الف الف مبروك حمدلله علا سلامتج ياقلبي💙

العضوة: 42215 , 9 years ago

@user-42214 @user-31561 @user-35148 @user-27707 @user-70479 بنات حبيباتي منوجربت الولادة القيصرية بمستشفى لندن ؟؟