9 years ago
  • المرحلة الثالثة (الأشهر 9,8,7)
السلام عليكم بنات حابه اتكلم عن موضوع يمكن مضايق اغلبنا أنتم عارفين الوضع السنه ذي والازمة الي تمر فيها الدوله كل مالها المصاريف تكثر والوظايف م يحصل الواحد والله يرزق المسلمين اغلب الي متزوجين ومش في وظائف حكومية تلقيهم يعانون من الماده شوي وانا اولكم نتكلم عن تجهيز الولاده وم بعد الولاده انا بكريه وطبعا كنت بأول شهري حاطه ببالي بسوي استقبال وم اعرف ايش حمدلله من الله علينا وجهزت للبيبي من والى الحين بس ناقص لي اجهز لي كم شغله وخلاص والله يا بنات لما فكرت بعقل شفت ان الله امر باليسر مو بالعسر وان الاستقبال اقل شي واذا كان بسيط مره بيكلف ١٥٠٠ بالميت عشان ايش اكسر ظهر زوجي عشان حريم يجون وياكلون ويطلعون ويتكلمون فيني ؟ لا والله الله امر باليسر وحرام ورا الريجيل عقيقه ومصاريف فا الي بوصله لكم باختصار اَي وحده وضع رجالها مو ذاك الزود تمشي حالها بالاشياء البسيطه اول شي كل شهر تاخذ منه الي متيسر معاه من بداية حملها لو ٣٠٠ ولا ٥٠٠ وتشتري للنونو لحد م تخلص كل اغراض لا تشتري الكثير والماركات المبالغ فيها ولا تبخل على جنينها وتشتري الرخيص مره والقليل وسط يعني انا اشوف سنتر تخفيضاته جدا مناسبه وخاماته ممتازه بالنسبه للنونو والقطن حقهم تشتري الي يكفي طفلها من الولاده الى ٣ أشهر بس تخلص تجهز البيبي تجهز لنفسها تاخذ قميصين نفاس حقت استقبال حلوه عن نفسي رحت فلور وغيره من الماركات وشفت انها غاليه ع الفاضي ومبالغ فيها ومو حلوه محلات المواليد العاديه فيها قمصان استقبال حلوه مره وثلاث قطع مع الطرحه وكل شي الواحد ب١٨٠ وتكتفي بثلاثة ولا اربع قمصان عاديه لبيتها بطرحتها تاخذ لَبْس داخلي الي تجي ٦ كلوتات مع بعض وستيانين وخلاص خلصنا اذا حابه انها تسوي سفره مرتبه محلات ابو ١٠ و٥ فيها اشياء روعه ومرتبه فيها التماثيل المغلفة لو هي حابه مره انها تسوي توزيعات خذي منها سفره سادة ع حسب لون غرفتك خذي مفارش صغيره تنحط تحت الصحون ومناديل سفره وفازة بالموسط حقت الورد وشموع بسيطه وخلاص ٣٠٠ تخلص لك أغراضك كلها حقت السفره منها م احرمتي نفسك ولا شقيتي عليه مراجعاتك حاولي تخليها في حكومي اولا أفضل ثانيا حق المراجعات بدال م تصرفيها بالخاص شيليها كل شهر وخلصي لك غرض للولاده

30 تعليقات

العضوة: 64806 , 9 years ago

فعليا كلامك صحيح.. انا يوم فكرت بالاستقبال بالذات وخصوصا التوزيعات حسيت مالها داعي لو تلاحظون اول ماكانت فيه هالاشياء الحين الناس خلوها شيء مهم! 🤔 أول كانوا الزوار هم اللي يجيبون حلاهم وقهوتهم وكل شيء معهم.. والحين صرنا حنا اهل النفاس نجيب كل شيء. بس انا اشوف اهم شي التقديمات من الشوكلاته والاشياء اللي بتزين الطاولة من شكولاته وورد وفازات لا أكثر. اهم شيء في النهاية المكان يطلع مرتب وأنيق وصلى الله وبارك🙌🏽

العضوة: 56299 , 9 years ago

@user-64806 والله المفروض هم يجيبون الشوكولاتة مو احنا وفعلا ذَا الي قاعده أسويه سفرة تكون مرتبه مره وذوق وخلصنا .

العضوة: 38225 , 9 years ago

لايكلف الله نفس إلا وسعها بالفعل كلامك وموضوعك بمكانه

العضوة: 39706 , 9 years ago

@user-56299 ف هذي صااادقه بسس ان شاءالله فيهن الخير البكريات .. وكل وحده تصرف حيااتها ع اللي عندها و اللي عندها شي بدل الاستقبال والخربيط ترفعه لنفسه ولبيتها بعد النفاس اقل حاجه بفلوس الاستقبال تساافر به لو لمكه او المدينه تزورها مع طفله الجديد 🎏 ولاحد يقول بدري ع انك تشتري لاطفلك من اول شهر اشتري وارفعي .. انا اعرف وحده من قبل تتزوج كانت دبش لنفسها وبعد فرحها فتره بدات تشتري للبيبي اللي لسسع ماحملت فيه وربي طريقتها اعجبتني فيها تفاائل 🍃🌻🍃 الله يسسهل لنا جميييعنا 🍃🌻🍃

العضوة: 58896 , 9 years ago

@user-56299 باذن الله ابدا اجهز وربي يسرها من عنده من جد الوحده ماتعتمد على اَهلها لانه بعض الازواج اتكاليين على الأهل زوجي يقولي انا ودي اشتري لعيالي كل شي ونفسي ماينقصهم شي بس شوي شوي لين تتوفر الفلوس بذات انا معي توائم ربي يجيبهم بالسلامه ورزقهم بيجي معهم يارب لك اهم شي الصحه والعافيه

العضوة: 54492 , 9 years ago

جد يابنات المفروض نجهز من بدري بس كل شهر شي او اثنين ومو لازم تكون غاليه وماركات ومدري ايش لا شي معقول والملابس مو لازم نكثر لان فيه ناس اصلا مايجونهم ضيوف الا مره او مرتين الاحسن انا نحط فلوسنا في شي مفيد في الاعشاب وعلاجات الام والبيبي وبامكاننا نخبي مبلغ لبعد الولاده عشان نحتاجها اكثر بعد الولاده وكل مااحتجتي شي عندك حقه انا كل ما حملت اسوي كذا والله لا افكر في استقبال ولا شي كفايه اهتم في الضيافه بس

العضوة: 51150 , 9 years ago

الله يعين الا بنات بسأل الحين لازم في غرفة استقبال الضيوف اكون حاطة سرير ومفرش والا لا او اجلس معهم ع الكنب عادي وبالنسبة اليوم اللي يجون فيه اهل رجلك كلهم لازم تعشينهم والا لا بكرية والكبيرة وماعرف شي

العضوة: 54492 , 9 years ago

@user-51150 اذا لازم منه عندكم حطيه والا العكس وبعدين بذمتك بتسوين عشا وانتي نفاس ماتقدري بعدين اذا فيه امكانيه زوجك يجيب عشا جاهز يكفيهم كلهم تدرون ان المفروض النفاس ماتقوم تمشي اذا عندها ضيوف لان العين حق والله ندمت لاني ماكنت اجلس لما يجوني الضيوف بس الله يسهل وتحملي تهلكين نفسك وراك بيبي يبي رعايتك

العضوة: 31215 , 9 years ago

نحن ماعندنا هيك شي

العضوة: 26923 , 9 years ago

معاكي حق انا نفسك كنت افكر بس قلت اوفر الفلوس لمتعتي بعد النفاس اروح تمشيه فترة نقاهه يعني والله احسن من كذب الحريم 😹 حسيت اني رجال

العضوة: 51150 , 9 years ago

@user-54492 ياعمري انتي ماتشوفين شر لا وين اسويه انا ههههه اقصد نجيب من برا

العضوة: 43675 , 9 years ago

كلامك صحيح ، فعلا حالنا صاير مظاهر وتصوير وخرابيط والدنيا ممكن تتغير علينا بأي لحظة بالنسبة لي مافكرت باستقبال وخرابيط واشياء تجهيزي لنفسي جدا بسيط وبعد للبيبي ما احب اشتري كثير لان البيبي يكبر بسرعة واخلي لبس الماركات والغالي له بعد ٦ شهور بإذن الله إذا الله عطانا عمر الاستبقال والهدايا راح تكون جدا بسيطه وراح يكون في بيتي لأن اهلي بعيد عني وعيالي عندهم مدارس فطبعي احب البساطة

العضوة: 42199 , 9 years ago

للنونو ماجبت غير الملابس والمهاداات >لاسرير >لا اغراض صيدليه >لا طقوم استقبال ولا حلويات ومخاسير مع العلم ان ماديتي حدا كويسه وهذا ثاني طفل لي بعد 4سنوات من محاولات الحمل والتسقيط ولاسويت هالخمبله كلها، اللي بجيبه هو بوقت ولادتي حفايظ للنونو ولي وحفايظ صدر بسسسسسسس >والباقي المستشفيات ماتقصر فيه من ناحية هدايا المولود اللي هي شامبوهات وبودرات، صح انها حجم صغييير لكن تفي بالغرض الشهور الاولى

العضوة: 42199 , 9 years ago

شريت لنفسي 3قمصان عاديه للنفاس وكلوتات وسنتيانتين قماش وقميصين كشخه لاستقبال الضيوف وطقم مفرش ب100 ريال بسسسس، اما الاعشاب والخرابيط هذي على خواتي المتزوجات الله يخليهم لي.. وانتهى الموضوع .. الحريم بيجون بعد ويجيبون معهم قهوه وشاي وينقطون بزرك وضيافتهم وقهوتك معهم بعد وش اللي لازم حلويات ومدري وش ، احس ماله داعي ذا كله خصوصا لو زوجك ضروفه زفتتتت

العضوة: 41322 , 9 years ago

كلام سليم وليش هاذي الخسائر 👏👏