9 years ago
  • المرحلة الأولى ( اول 3 اشهر)
صبايا المنشور تعدل لانه في شوية خربطة صارت معي ازا فردي ولد وازا زوجي بنت بتطلع طريقة حسابية لحتى تعرفي شو جنس الجنين ازا كنت حابة تعرفي لو حامل بالشهور الاولى طبعا كله بارادة ربنا ويمكن يطلع مش مزبوط معك ! بس بالنسبة الي جربت عحالي ونص عيلتي وطلع مزبوط معي ركزوا معي انت اجتك الدورة فرضا ب 1 /12 مثلا وبتخلفي بشهر 9 بتروحي عالرزنامه بتشوفي شهر 12 كم يوم فيه 30 ولا 31 يوم وبرضو بتروحي على شهر 9 بتشوفي برضو كم يوم 30. ولا 31 او 28 ممكن وبدك تجمعي عدد حروف اسمك مع حروف اسم امك مثلا يعني فرضا ___ شهر 12 فيه 31 يوم وشهر 9 فيه 30 يوم وعدد حروف اسمك مع حروف اسم امك سعاد + جنا 4 حروف + 3 حروف = 7 احرف بتمسكي كل الارقام اللي هم عدد ايام شهر 12 مع عدد ايام شهر 9 مع عدد احرف اسمك واسم امك يعني هيك 31 + 30 +7 = 68 المجموع 68 يعني انثى بالنهاية ازا طلع رقم زوجي بيجي بإذن الله انثى وازا فردي باذن بيجي ذكر كمان مثال دورتك اجت بشهر 26 / 3 بتخلفي فرضا بشهر 1 هلا فترة الاباضة عندك بدها تكون ب اول شهر 4 صح ! انت هون بدك تحسبي الشهر اللي فيه الأباضة مش الدورة لاحظي هون الدورة اجتك اخر الشهر من شهر 3 ازن الاباضة فرضا ب 5/ 4 المهم شهر 4 فرضا فيه 30 يوم وشهر 1 فيه برضو 30 وعدد حروف اسمك واسم امك يساوي 9 بتجمعي هون عدد أيام شهر 4 وشهر 1 ومجموع حروف اسمك واسم امك يعني هيك الناتج 30 + 30 + 9 = 69 هون انت بتجيبي باذن الله ولد لانه فردي وهيك احسبوا انا حبيت افيدكم واتزكروا كله بارادة ربنا! لو الحساب كان غلط او طلع العكس ! هاد ربنا هيك بكون بده واهم من هيك الخلفة الكامله والصحة والعافية سلام حبيباتي

160 تعليقات

العضوة: 36614 , 9 years ago

انا حملت بشهر مايو٣١ وراح اولد بشهر فبراير ٢٨ وحروفي وحروف امي ٨ ٣١+٢٨+٨= ٦٦ طلع رقم زوجي والي فبطني بنت ماضبطت 😂😂

العضوة: 38143 , 9 years ago

طلع معي رقم فردي يعني بنت وانا معايا ولد 😂غلط مش صح الحسبه خالص

العضوة: 32525 , 9 years ago

طلع معاي 70 شو يعني 10+30+30=70

العضوة: 30709 , 9 years ago

لا ضبطت معي ولا مع اختي 🙄😅

العضوة: 26831 , 9 years ago

زبطت معى والله وكلو بارادة رب العالمين فينى بنت وطلع معي بنت 😉😂

العضوة: 41531 , 9 years ago

صبايا انا حكيتلكم انه مش دايما صح ! بس انا جربت الي ومع اللي بعرفهم طلعت مزبوطه صبايا زي ماهو مكتوب احسبوا طبعا بالميلادي ما بعرف بالهجري ! وصعب علي احسب لكل وحده لا تزعلوا صبايا انا برضو عندي عيلة وبيت وحامل كله فوق راسي ما. عم بلحق اشوف شو اجاني

العضوة: 41531 , 9 years ago

@user-32525 انشالله ولد لانه زوجي الرقم 70

العضوة: 41531 , 9 years ago

@user-38143 حبيبتي متل ما كتبت فوق مش دايما بتزبط مع الكل والف مبروك

العضوة: 41531 , 9 years ago

@user-43989 حبيبتي الله يعطيكي شو ما بدك لا تنسي هاي الحسبة مش دايما بتزبط مع كل وحده يمكن فيكي ولد باذن الله

العضوة: 41531 , 9 years ago

@user-38421 30 +31 + 10 = 71 مبروك فيكي بنوته

العضوة: 41531 , 9 years ago

@user-39409 حبيبتي انا ما جبت شي من عندي وشوفي عالنت بحكوا هاي طريقة حسابية دينيه والله اعلم بالنسبة الي جربت في كل احمالي وطلعت مزبوطه

العضوة: 41531 , 9 years ago

@user-34578 حبيبتي انا ما بعرف بالهجري ازا بتقدري تحولي لميلادي بكون احسن انتو اهل السعوديه بتستخدموا الهجري احنا اهل فلسطين والاردن بنستخدم الميلادي معلش اعزريني حولي للميلادي وبجاوبك باقرب وقت

العضوة: 41531 , 9 years ago

@user-30091 هههه مشكلتك مشكله هههه بمزح عادي فرضا بشهر 7 بتخلفي وكان الحساب ولد بدو يكون شهر 6 فرضا يا بنت او ولد حسب شو حسبتي والله يقومك بالسلامه

العضوة: 41531 , 9 years ago

@user-42472 حبيبتي حولي على الميلادي ما بعرف للهجري

العضوة: 41531 , 9 years ago

@user-15523 31 + 28 + 7 = 66 مبروك فيكي ولد