العضوة: 111737 , 8 years ago

@user-124853 يبارك فيك اختي غير كتبلي التطبيق باقي 0يوم على الولادة بداني سطر خفيف فليل حتى صبح هو حبس وترتقا السقيا رحت للسبيطار شدوني و بقيت تم حتى عشية دارولي انتي بيوتيك وسباسفون قوالي سطر 😵😵😵 و كل خطرة كانو يزيدولي يزيد كل خطرة ديرلي لاتوش يزيد غير بشوي حتى تاع صباح2 رحت ليها دخلتني لاصال و الحمد لله جاتني صعيبة شوي مع كنت بلا رقاد بصح الحمد لله ربي عاوني و كيما يقولو تشوفي عويناتو تنساي وجيعاتو سميتها ايناس 😍😍😍

العضوة: 124853 , 8 years ago

@user-111737 الحمد لله اللي ولدتي طبيعي رآه نعمة كبيرة،متنسايش سجود الشكر،واذبحي كبش اذا قدرتو،حنا الحمد لله ذبحنا ،وهداك المثل هايل،ودك كاين اللي راهو معاك ولا راك وحدك؟ مام أنا ولدت ع2:45تع الصباح ومرقدتش بصح جاتني سهلة كنت مجندة روحي ههه،

العضوة: 111737 , 8 years ago

@user-138639 ان شاء الله ربي يسهل على كل وحدة انا كنت مقلقة و خفت نفوت شهري بصح كل مايجيني هداك التخمام نستغفر ونخلها على ربي و الله لحق نهار الزيادة المحدد على 00h بداني السطر و الحمد لله خليها على ربي جاية جاية

العضوة: 111737 , 8 years ago

@user-124853 الحمد لله ماما راهي هنا تعاوني هاد السمانة والزيادة لولة صعيبة شوي حشاك عندي شويا بواسر مع الخياطة تعبوني بسيف الا نود متعرفيش كاش حاجة تخففهم و الكبش ان شاء الله كي نريح شوي و ندير عشا

العضوة: 124853 , 8 years ago

@user-111737 أنا ترتقتلي السقيا عال8تع الصباح وقعدت فالدار غسلت الحوايج ونفضت الزربية ودرت شغلي ورحت عالزوج ونص للسبيطار مع الغاشي ودرت الراديو تع القلب تع الجنين اومبعد حتى 9تع الليل باه طلعت للصالة وين يتوجعو النسا بصح أنا خلاوني مداروليش دكلونشمون على خطك درت سيزاريان من قبل وانا غير نذكر ربي وندعي باه يجيني السطر اومبعد عال23:30تع الليل باه بداني سطر خفيف وبدا يقوى اومبعد عالزوج ونص تع الصباح رحت لعندهم كطلعوني فوق الطابلة لقاتني كومبلي تع الزيادة والحمد لله زحمت زوج مرا ت وخرج الجنين مطوتلش فوق الطابلة باربي 10دقايق

العضوة: 111737 , 8 years ago

@user-148001 شكرا لعقوبة ليك ربي يفرحك بشوفتهم 😍😍

العضوة: 148001 , 8 years ago

@user-111737 انشاء الله ولدتي في سبيطار تمنراست

العضوة: 124853 , 8 years ago

@user-111737 شفتي ربي يشافيك،منعرفش للبواسر شوفي الطبيبة تعك واش تقولك

العضوة: 159105 , 8 years ago

@user-141201 اه يا حبيبتي وحمك زي وحمي و انا تاني حامل للمرة ثانية و راني نرجف من الوحم ربي قدرنا و علاه دارلك مشاكل مع راجلك علاه نتي ديريها بالعاني ربي وحدوا الي يعرف معناتنا ت

العضوة: 159105 , 8 years ago

انا هذا واين راني حامل مزال مرحتش عند الطبيبة المهم هذا التطبيق حطيتلوا اخر موعد للدورة يحسبلي بالي عندي شهر و يومين مي هنا ميحسبوش هكا يعني انا على الأقل عندي أسبوعين الي عندها تجربة حساب الحمل تفدني اخر دورتي هي 23 فيفري 2018

العضوة: 159105 , 8 years ago

@user-111737 يعني هذا التطبيق يحسب مليح أرجو منك الرد

العضوة: 111737 , 8 years ago

@user-159105 ايه يحسب مليح بالاسابيع بصح الاشهر مافونصي على الاشهر بحساب الطبيبة

العضوة: 136960 , 8 years ago

لبنات حبيت نصقسيكم صح لكلوميد يؤدي الى انجاب توأم انا حابة نجيب توام وبشده مع العلم ان جدتي وعمتي انجبتا توأم واذا في طريقة قوليلي

العضوة: 138639 , 8 years ago

@user-111737 مبروووووك عليك ختي عقبالي يارب اليوم قبل غدوة خلاص شهر لاخر يعي معاناة تع ثقل تدير بواسر و سطر يجي و يروح و زيادة مزال ربي يفرحنا كي فرحك بالبيبي ديالك ختى

العضوة: 111737 , 8 years ago

@user-138639 يسلمك اختي متقلقيش روحك انا تان تقلقت سورتو شفت كاين مورايا و زيدو مي لحق وقتها زادت و الحمد لله