يسعد اوقاتكم صبايا حابة احكيلكم قصتي انا تزوجت سنة ٢٠١٥ .. وبعد ٥ شهور صرنا نراجع عند الدكتورة نشوف ليش مش صاير حمل وخاصة انو الدورة عندي مش منتظمة كانت كل فحوصاتي منيحة والحمدلله بس زوجي عندو نقص بالحيوانات المنوية مع ضعف بالحركة وما خلينا علاج ولا دواء ولا وصفات طبيعية الا عملناها بس ما راد ربنا انو يصير حمل وحكولنا ما بيصير حمل الا بارادة ربنا والعملية مش راح يصير طبيعي 😔 طبعا كان الخبر صادم حكينا راح ناجل الحمل لنجمع مصاري العملية بس ارادة ربنا شاءت انو احمل شهر ١٢ سنة ٢٠١٧ يا الله شو افرحت والعيلة كلها فرحت ما كنا متوقعين بس الفرحة ما تمت ونزل بعد شهر لانو كان ضعيف 😞 طبعا نفسيتي صارت زفت وصار الكل يتفلسف ويحكيلي طريقة شكل وانو ادعي واقراي قران وتصدقي ع اساس اني ما بعملهم... يعني لازم احكي للكل شو بعمل... المهم اجلنا فكرة الحمل لاخلص جامعة عشان الزراعة بدها راحة وحكينا للسنة الجاي ان شاء الله ع الصيفية بس هاد الشهر كان غير كان احلى شهر 😍 احساس مختلف وراحة تااامة ورضا من رب العالمين ما قطعت الاستغفار وقراءة سورة البقرة والدعاء واليقين انو ربي ما راح يكسر بخاطري😍 اخر دورة الي 17-2 عرفت اني حامل ب 19-3 واليوم رحت ع الدكتورة وطمنتني ع كيس الحمل وحكتلي ارجعي بعد اسبوعين عشان نسمع النبض باذن الله ما بتتخيلو الصدمة والفرحة 😍 الخلاصة يا جماعة انو ما تفقدو الامل بالله.. الله فوق الجميع المهم اليقين والتوكل على الله لما يريد ربنا انو يعطي بيعطي دون تدخل طبيب او دوا بس الصبر 😍 والله يتمم فرحتي ع خير واشوف ابني بين ايدي والله لا يحرم هالفرحة لحدا 😍