السلام عليكم كروشات
انا صارلي متزوجه اربع سنوات وانا حامل ببداية السادس وهذا اول حمل وكارهه زوجي من بداية زواجي مب قادره اتحمله اكرهه كره فضيع واتمنى اتطلق وماعاد اتزوج ابد زوجي مو مقصر معي بالكلمه الحلوه وترتيب البيت ومتفهم بس انا ماطيقه تعذبت وتعبت نفسيا مرات اتمنى اموت وارتاح لاني عجزت اتقبله ومهما سوا لي ما اقدر احبه صح احس بتأنيب ضمير وارحمه لكن ماطيقه ولاطيق الجنس بخيره وشره حاولت اتقرب منه واحبه بس عجزت والله اني يجيني غثيان وصياح من اشوفه وبس متنكده ماعشت يوم براحه كل وقتي ابكي وبس ابي اهلي واهلي بعيد مره بالخبر وانا عايشه معه بقريه بالشمال وماشوفهم الا من عيد لعيد تكفون انصحوني وش اسوي ماعندي احد غيركم خصوصا اني اكبر وحده بخواتي وخواتي كلهم صغار ومابي اعلم امي وانكد عليها وهي على بالها اني مستانسه بحياتي وماعندي صديقات ولا بنات عم او خال كبري عشان اشكي وافضفض لهم ماعندي غير الله ثم انتم
العضوة: 140541 , 8 years ago
حبيبتي عليك بسورة البقره ارقي نفسك وارقي بيتك وربي يحنن قلبك على زوجك ويجعل السعاده دايمه بحياتكمالعضوة: 132244 , 8 years ago
الصبر هدا من الوحام لما راح تولدي ان شاء الله راح يرجع كلشي متل ما كان الله يسهلك اموركالعضوة: 138521 , 8 years ago
حاولي تشغلين قرآن بالبيت وكوني دايم على وضوء وعليك باذكار الصباح والمساء انتي معترفه ان زوجك مو مقصر وطيب حاولي تتقبلينه .. يمكن هذا وحم ؟ او من قبل الحمل انتي كذا كارهته؟العضوة: 139400 , 8 years ago
@user-150235 ما أعرف صراحة ايش اقول بس هذا الشي غلط منك إنتي صابرة ٤ سنوات وساكتة وبوم حملتي انتبهتي انك موقادرة تتحملي ؟ القبول من الله وكان من البداية المفروض توضحي شعورك ناحيته وتشرحي لاهلك المشكلة عشان اذا فكرتي تنفصلي كان افضل لك من قبل مو وانتي على وشك تجيبي طفل ايش ذنب الطفل دا وترى وجود ناس من عمرك تفضفضي لهم عن مشاعرك تجاه زوجك غلط ماتعرفي الطيب من البطال فيهم هذي نعمة وفضل من ربي عليك عشان لاتقابلي ناس تستغل الوضع .. تعوذي من ابليس واطردي الافكار دي من راسك ودام زوجك مو مقصر معك فهذي نعمة ثانية لاتتبطري عليها لان النعم زوالة .. ولو في شي كنتي راح تسويه كنتي سويتيه قبل تحملي وتنتظري طفل جاي بالطريق لان الكلام دا فات وقته خلاص يمكن كلامي يزعلك بس هذا الحق اذا قلنا لك انفصلي فراح نكون غلطنا بحق زوجك وحق الطفل اللي من حقه يعيش وسط اسرة مجتمعة ولو كنتي تبغي تنفصلي اصلا كنتي انفصلتي عنه قبل ٤ سنوات مو دحين تفكري بالانفصال بالنهاية ما احد راح يقول لك غير اصبري وتحملي وهذا الحل العادل واللي المفروض يصيرالعضوة: 139400 , 8 years ago
@user-132244 المشكلة انها بتقول هذا شعورها من بداية الزواج يعني مو شغلة وحامالعضوة: 139400 , 8 years ago
@user-138521 حسب كلامها من بداية زواجها دا احساسهاالعضوة: 105274 , 8 years ago
@user-139400 كلامج صح كفيتي ووفيتيالعضوة: 132244 , 8 years ago
@user-139400 حتى لو كان شعورها قبل لا تحمل لازم تصبر مادام زوجها ابن ناس و بهدا الزمان صعب تلاقي ابن ناس و يمكن بعد الولادة بيفوت عليها الحال و ترجع تحب زوجهاالعضوة: 150235 , 8 years ago
@user-140541 ماقصرتي عيني وسورة البقره حافظتها وملازمه عليها يومياالعضوة: 150235 , 8 years ago
@user-132244 مو من الوحام من اول يوم تزوجت هو طيب وماعليه وهذا اللي مخليني اصبر واتحملالعضوة: 132244 , 8 years ago
@user-150235 وليش ما بتحبيه تزوجتي غصب عنك ؟العضوة: 150235 , 8 years ago
@user-138521 والله اني عارفه ماراح الاقي نفسه بطيبته وحنيته وتفهمه لكن انا تعبت والله اني صابره ومتحمله مابي اظلمه ومتاكده يستاهل افضل مني لكن اتعب نفسيا لاني ماني مستمتعه معه بحياتي ابي اعيش وانبسط بالطلعات والسفرات معه بس ماش مهما رحت وجيت معه مكتئبه وساكته وانتظر متى العيد يجي عشان اروح لاهليالعضوة: 138521 , 8 years ago
@user-150235 هل هو حاس بذا الشي منك ؟ اقصد هل تكلمتي معه عن شعورك هذا ؟العضوة: 150235 , 8 years ago
@user-139400 والله ياقلبي ساكته لاني مابي اظلمه وخايفه من ربي لانه ماظلمني ولا قصر معي بشي حاولت اسوي اللي علي وماحسسه بشي لكن فوق طاقتي وارادتي والله ان الغصه تذبحني احيانا واتماسك عشان مابين له شي وانكد عيشته وهو طاير فيني ويحبني ويمدحني عند الكل لكن انا تعبت نفسيا وجسديا اتمنى بس اموت وارتاح من عيشتي كرهت الزواج كله مو قصة متقبلته او لاالعضوة: 150235 , 8 years ago
@user-132244 محد غصبني وتزوجته بإرادتي كنت مفكره بحبه بعد الزواج لكن للاسف ماقدرت اتقبله نهائي وعايشه معه اجامله بس