9 years ago
  • المرحلة الأولى ( اول 3 اشهر)
اليوم عندي سابع اسبوع من الحمل و في الصباح لقيت قطرات دم بدون وجع او الم انتضرت لكن تواصلت نزول قطرات الدم ...ذهبت للدكتور قالي حمل متوقف بنسبة 90% اصبري اسبوع اذا لم يسقط الكيس ارجعيلي نعطيك دواء يساعدك والله الخوف والقلق والتوتر والاكتئاب متملكني كنت فرحانة و ماقمت باي عمل ممكن ياثر على حملي .. ارجو توضيحات او نصائح او اقتراحات من الي مرو بنفس الحالة وما الذي استطيع فعله الان وشكرا

76 تعليقات

العضوة: 37372 , 9 years ago

@user-26323 يا اختي انصدمت الصباح و تمنيت نزيف عادي وحتى الطبيب ماعطاني حتى دوا قالي منا على اسبوع ونعطيك دوا ربي يجيب الخير و خلاص وشكرا لدعمك و دعائك

العضوة: 32084 , 9 years ago

انا زيك انا في الاسبوع العاشر وعرفت امبارح بس ان هرمون الحمل نزل والدكتورة قالتلي اجهاض وبرضو خايفة من السقط ده المفروض هو ينزل لوحده او اروح المستشفي هما يتصرفو ربنا يصبرنا بس

العضوة: 37372 , 9 years ago

@user-25143 على اساس الأشعة و ادخل جهاز من المهبل اكرمكي الله و قالي عندك اسبوع اذا ما سقط نعطيك ادوية

العضوة: 37372 , 9 years ago

@user-32084 حاسة بيك ربي يعوضك .. انا قلت نسقط فالبيت احسن من الأدوية والله اعلم مادام الجنين مجرد كيس صغير لكن خايفة مووووت

العضوة: 33243 , 9 years ago

انا مافهمتش ارجوكم فهموني اذا توقف الحمل ما هي عوارضو هل في الم في دم في اي شي...

العضوة: 39341 , 9 years ago

ربي معاك وربي يعوضك ويخلفلك خير والله غير احساس صعيب انا راه فايت عليا لاني خسرت بنتين والله احساس رهيب تضيع الفرحة والامل ولكن الحمد لله حتي يبلغ الحمد منتهاه

العضوة: 37372 , 9 years ago

@user-33243 انا كان عندي الم اسفل البطن والظهر لمدة أسبوع تقريبا رغم اني ما مارست اي مجهود واليوم صباحا عند دخولي الحمام لقيت دم نازل صبرت قلت يتوقف مين زاد رحت للطبيب وقالي عندك توقف حمل... انت يلا شاكة روحي للطبيب وربي يهدي خاطرك

العضوة: 37372 , 9 years ago

@user-39341 صحيتي ربي يعوضك خير عمري انا خسرت بنوتي بعد الولادة خلاوني نزفت و حتى وحدة ما رضات تولدني بحجة اني من ولاية اخرى ... وهاد الحمل فرحني بزاف بصح الحكمة لله سبحانه الحمد الله

العضوة: 39341 , 9 years ago

اه والله حسبك الله ونعم الوكيل فيهم كاين اللي ميخافوش ربي ويشمتو ولكن الامر مكتوب والله عنده حكمة من كل هدا المهم حافظي علي صحتك وربي يخلفلك خليفة الخير

العضوة: 37372 , 9 years ago

@user-39341 امين شكرا ليك والله كل يوم نوكل ربي عليهم عنصريين في دولة وحدة المهم قدر الله ما شاء فعل

العضوة: 33243 , 9 years ago

@user-1188 لا ما ني شاكة لانو و حمد لله ما عندي ولا الم حمد لله و لكن كي عاد حملي لول مانعرفش قلت بلاك في فرق بين علامات الاجهاض و علامات توقف الجنين

العضوة: 33243 , 9 years ago

و اذا جنينك توفاه الله قولي ان لله و ان اليه راجعون و ربي يعضك بغيره وبدوام العمر و اذا ربي كتب يكون ٽابت حملك فالله لا يعجز مع الصابرين قولي الحمد لله.

العضوة: 37372 , 9 years ago

@user-33243 الحمد لله حبيبتي وربي يثبت حملك ويفرحك يا رب تهلاي في روحك انا ثقتي بالله كبيرة هي الخسارة مؤلمة لكن قدر الله ما شاء فعل

العضوة: 25143 , 9 years ago

@user-37372 على كل حال انشالله يكون غلطان و انتي حاولي تروحي دكتور ثاني و اذا إجهاض الله يعوضك

العضوة: 37372 , 9 years ago

@user-25143 ان شاء الله نرجع للدكتور والله شكيت من كثرت ما سمعت من الاخطاء الطبيه وحتى الالم اختفى لكن الدم مازال ينزف عقلي مشوش ربي يعين