العضوة: 140422 , 8 years ago

@user-139300 يختلف اوقات في الشهر الرابع واوقات في الخامس ..

العضوة: 139300 , 8 years ago

@user-140422 هلا افنان انا مثلك في الاسبوع 22 بس انا قصدي متى زوجي يحس بالحركه ☹️☹️

العضوة: 140422 , 8 years ago

@user-139300 مثلي من كم يوم وانا بالاسبوع 21 جربت اشوف يحس او لا وقال ابد ما حسيت بشي .. للاسف ما اذكر يوم ولدي قبل متى حس زوجي .. اعتقد يختلف من وحده لوحده ..

العضوة: 140422 , 8 years ago

@user-139300 كأني سحبت كلمتي .. تو تتحرك البنوته ببطني .. شديت لبسي عشان اشوف يبان او لا .. والله نط بطني معناها لو زوجي موجود ولمس بطني بيحس ..

العضوة: 139025 , 8 years ago

@user-140422 اي بالخامس او السادس يبدا يحس. انا كنت كذا

العضوة: 139025 , 8 years ago

@user-140422 كيفك وكيف الصيام معك انا المدلعه. تقعد الصبح كلو اخلاقها قافله عليه ما اصدق تنام ما تنام الا وانا هلكانه. اول مرا يجيني رمضان وعندي نونو كذا ماينام مثل نومي الله يصلحها بس وتنام اليوم

العضوة: 140422 , 8 years ago

@user-139025 ياقلبي قلبك الله يعينك .. ان شاء الله تصير تنام الصباح وتريحك ..

العضوة: 139300 , 8 years ago

@user-140422 ماشاء الله ربي يحفظها انا ولد مدري حركته مثل البنوته 🤓🤓

العضوة: 140422 , 8 years ago

@user-139300 اذكر البنات هنا،يقولون حركة البنت اقوى من حركة الولد .. عاد ما ادري ما اذكر يومي حامل بولدي ..

العضوة: 133323 , 8 years ago

يسعد مساكم ياحلوات شلونكم مع الصوم بنات انا بنهاية السابع وحركة بنتي خفيفه مره ممكن تتحرك مره باليوم ومو باينه أقرب للنبضه منها للحركه ومن بداية حركتها كانت هاديه مو نفس مايقولون البنات ركل وحركه مزعجه مدري بنتي كسوله ولا وش فيها بالضبط

العضوة: 140422 , 8 years ago

@user-133323 مو شرط كل البنات مثل بعض ولا حتى كل العيال مثل بعض .. لا تدققين راس ماله كلام حوامل مو شي طبي .. دامك اذا رحتي لموعدك الدكتورة تقول كل شي سليم وزين فالحمدلله .. اهم شي لا توسوسين ..

العضوة: 135245 , 8 years ago

مساء الخير بنات ، وحشتوني كثير و كل عام وانتم بخير متأخر 😓 غبت هالفتره لان صارلي تطورات للاسف سيئه في حملي ، رحت موعدي قبل رمضان بيوم حللت طلع عندي التهاب بول وصديد اخذت مضاد حيوي ، بس من اول رمضان احس بمغوص تروح وتجي ماني عارفه اش طبيعتها و ثاني يوم اشتد لدرجة صرت اصارخ وابكي واتلوى وقتها كنت عند اهلي و اختي قالت شكلها آلام بسبة التهاب البول عاد انا شديت حيلي بالمويه والبيره قلت عشان يخف الالم ، وقرأت بالنت ان الالتهاب يسبب هالنوع من الآلام الشديده قلت بس ! اكيد انه هذا هو السبب ، طبعاً وقتها كان يوم جمعه ومافي الا طواريء وانا ما ابغى الا دكتوري قلت خلاص بتحمل لين يوم الاحد لان السبت ممايستقبل حالات طارئه ، رحت الاحد عنده وانا ميته من الالم و حتى مدري وش كان يقول لي ماسمعت الا عندك طلق مبكر !!!! وقتها دارت الدنيا بعيوني وزاد لي الالم والتعب من الخوف بس طمني وقال خذي تحاميل مثبته وبكتب لك ابر كمان ويومين تعاليني ان شاءالله بتخفين بنسبة ٦٠ بالميه اقل شيء عاد انا اثق بكلامه و تطمنت شويه قاللي الزمي الراحه وابداً لا تقومين الا للحمام الله يكرمكم والصلاه ع الكرسي . فعلاً تميت ع السرير يومين ومن يوم الاثنين حسيت اني احسن و خف عندي الالم يارب لك الحمد ورحت اليوم للدكتور وطمني ان الالم والطلق راح الحمدلله بس اني لازم اكون حريصه اكثر وما اقوم بأي مجهود وافضل منسدحه الين موعدي نهاية الشهر واستمر ع تحاميل وابر التثبيت النونو الحمدلله طيب بس فعلياً كنت منهاره خفت عليه كثير ادعوا لي بنات ربي يفرح قلبي بشوفته بصحة وسلامه ويتمم حملي بخير 😭♥️

العضوة: 135245 , 8 years ago

ومن اليوم ورايح طز بالسوق واللي اخترع السوق هههه كل شيء بطلبه اون لاين بإذن الله ماجاب لي البلى الا نزلاتي للسوق 👎🏻😓

العضوة: 130076 , 8 years ago

@user-135245 الله يفرج همك حبيبتي ويتمم لك حملك على خير وتشوفين البيبي وتفرحين فيه والف سلامه على قلبك

العضوة: 125377 , 8 years ago

@user-135245 بسم الله عليك ي عمممممري يوه ان شاءالله م تعبتي كثير كيف الالم قوي ؟! خفت يوم قلتي طلق مبكر اهم شي راححح ي بنت ريحييي نفسكككك مررررره اهم ماعليك صحتك وصحة الي بببطنك والسوق كله خليه اونلاين اهم شي ارتاحي وطمنينا عنك