العضوة: 263055 , 8 years ago

مرحب الساع شحالكن بنات انا اول حمل لي وانا بالأسبوع الثامن بس احيانا اييني ويع صوب اليمين جي نغزات حد يعرف من شوه والا عادي 💗

العضوة: 70475 , 8 years ago

عادي انا جي كنت الله يتمم حملج ع خير

العضوة: 163201 , 8 years ago

❤️🌸

العضوة: 246277 , 8 years ago

اووه واخيرا حصلت وحده ويايه نفس المستشفى ونفس الشهر 😍 هيه حبيبتي عادي السونار الحين انا في بدايه حملي كان ينزل مني دم وما خليت خاص ما سرتلهم وتقريبا في الاسبوع ٣ مرات سونار بس الحمدلله ما استوى شي وانا الحين ف الشهر السادس ونفس الاسبوع ٢٤

العضوة: 69360 , 8 years ago

هلا بنات شخباركم ان شاء الله بخير بخبركم عن معاناتي ف مستشفى القاسمي سرت امس اول مره افتح ملف وكنت يايه ع الموعد الساعه 11ودخلت وتميت اتريا المشكله اني اتعب بسرعه وما اروم اتنفس المهم سرت عند موظفه الاستقبال اقولها انا تعبانه ومدوخه وما اروم اتنفس اتقولي اوكيه اصبري شوي اقولها بس رقدوني ما ابا اشوف الدكتوره احس بطيح وفعلا ما حسيت بعمري وسيده طحت وما كنت اروم اتنفس ضغطي نازل ونبض قلبي وصل 166 والله يبارك ف الحريم الموجودات والله حسيت انهم خواتي وشي وحده ما قصرت تمت وياي وانا مب رايمه اتنفس وخلتهم يزقرون ريلي والحمدلله ع كل حال المشكله برغم اللي استوالي ما دخلوني عند الدكتوره اتخيلو تميت لين الساعه ٣ الظهر ف المستشفى على الفاضي ولا بس شافو ضغطي والسكر وعقب قالولي خلاص خلص دوام الدكاتره تعالي باجر حسبي الله ونعم الوكيل حتى ما جيكو بالسونار علي وانا ف الطوارئ اون ما يحتاي سوم بتيين باجر بنفحصج.. السموحه ع الاطاله بس والله من القهر اللي فيني 💔😭

العضوة: 129063 , 8 years ago

غريبه ... أنا أتابع في مستشفى القاسمي من بداية حملي والآن بالأسبوع ٣٩ .. بصراحه وووووايد مرتاحه معهم ومن النظام والعنايه والاهتمام ،، بصراحه اللي صار لك شيء غريب 🤔❗❗

العضوة: 69360 , 8 years ago

والله انهم فضيعين وهذي اول مره اسير وجي استوالي وعقب من كلمهم ريلي وفتن عليهم عطوني موعد وقالوله من اتيبها بندخلها ع طول ويمكن هم ما يعرفون بحالتها عسب جي استوالها هالموقف .. احسن عقب اللي استوالي ابدا مب مرتاحه اني اكمل وياهم

العضوة: 69360 , 8 years ago

والله انهم فضيعين وهذي اول مره اسير وجي استوالي وعقب من كلمهم ريلي وفتن عليهم وتمو يتأسفون وعطوني موعد وقالوله من اتييبها بندخلها ع طول ويمكن هم ما يعرفون بحالتها عسب جي استوالها هالموقف .. احس عقب اللي استوالي ابدا مب مرتاحه اني اكمل وياهم

العضوة: 129063 , 8 years ago

لا تحاتين .. كملي معهم الحمد لله أموري وايد طيبه معهم ومرتاحه 😊👍🏻

العضوة: 69360 , 8 years ago

@user-129063 وانا اتابع عند رئيسه قسم الولاده عندهم ف عيادتها الخاصه وهي اللي قالتلي تعالي افتحي ملف ومن سرت جي استوالي وريلي سيده خبرها وهي روحها انصدمت من اللي استوالي

العضوة: 69360 , 8 years ago

ان شاء الله خير .. الله ايسر بإذن الله

العضوة: 129063 , 8 years ago

ما من عادتهم والله .. ولا دووووم أموري معهم طيبه .. تخيلي من الأسبوع ٦ وأنا أتابع معهم .. قبل ٧ سنوات كنت أتابع معهم في المبنى القديم .. كان كاااااااارثه ،، معامله زفته وتوصلي الساعه ٨ تخلصي الساعه ٢ والله ،، الحين في المبنى الجديد والإدارة الجديده واااااايد حلو الوضع .. تغير كثير ،، بس شوفي لما تسألك متى تبين موعدك الجاي.. دايما اختاري أول المواعيد مال ٩ أو ١٠ ،، اريح شيء ،،

العضوة: 69360 , 8 years ago

ان شاء الله هيه انا اختار موعد جريب لان بيتي جريب من المستشفى يعني 10 دقايق

العضوة: 129063 , 8 years ago

ما شاء الله ،، أهل زوجي ساكنين بالشهباء .. ونا عمانية زوجي من الشارقة .. وساكنين بمويلح 😊

العضوة: 69360 , 8 years ago

ما شاء الله تشرفت بمعرفتج حبيبتي 💕💋