العضوة: 84344 , 9 years ago

@user-90978 توني اللاحظ اختي انك تقصدين كيس مو تكيس ماركزت استعجلت بالرد لان التكيس يختلف عن الكيس وقعدت اشرحلك وضعي مع التكيس عموما ربي يجعله سهالات بإذن الله ومايتأثر بالحمل والولاده 🙏🏼💕

العضوة: 87919 , 9 years ago

@user-84344 انا مثلك تكيس بسيط واخذت كلوميد شهر وصار حمل الحمدلله بس تعالي بسالك يطلع لك شعر زايد بسبته ؟ انا عندي نمو الشعر بجسمي مو طبيعي خاصه يوم حملت صار بزياده مع انه اللي فهمته التكيس يصير خامل اثناء الحامل واحتمال مع الولاده يصغرو ويروحو : (

العضوة: 84344 , 9 years ago

@user-87919 اييييه من طلعتلي التكيسات ملاحظه الشعر اختلف عن قبل ومن حملت زاد بس احف واقعد اسبوع احس بدا يطلع 😭 تعبت وكل شوي احف

العضوة: 84344 , 9 years ago

@user-87919 انا كنت استخدم جلوكوفاج والشهر اللي حملت فيه النيه الدكتوره تبدا معاي بالكلوميد وسبحان الله صار حمل قبل لااخذه

العضوة: 89147 , 9 years ago

@user-87919 المشكلة عندهم نشر الحمل ابي بس يعدي وقت الخطورة بالشهور الأولى جنس الجنين اختي علمت وتوفى طفلها بعد ماولدت عشان كذا صار عندي تخوف ابي اولد بصحتة وعافيته والله حلولك حلوة الله يجزاك خير ويسعدك 🌹❤

العضوة: 87919 , 9 years ago

@user-84344 نفس مشكلتي انا حتى فبطني يطلع : ( ومايمديني احف الا اسبوع وي الله بدا يطلع طفشت استنى بس اولد واسوي ليزر فل بدي وارتاح : ( اي افضل لك والله ماخذتيه انا غامرت قلت باخذه شهر بس والحمدلله من اول شهر صابت لاني تخرفت منه كثير يقولون تزيد التكيسات والحمدلله ياربي ماضرني

العضوة: 84344 , 9 years ago

@user-87919 شالحل مع هالشعر انا اشيل بالشمع الحبيبات هو حلو بس طفشت كل اسبوع لازم اشيل والمشكله مايطلع كل الشعر بوقت واحد على دفعات ومااحب اخليه لو اني ماني متزوجه كان عادي خليته يطلع كامل واشيل الجسم كامل بس الحين وهقه 😂😭☹️

العضوة: 87919 , 9 years ago

@user-89147 ايوااه منشان هيك ، الله يعوض عليها يارب عاد وش تسوين اذا هم تسذا الله يعينك : ) مالك الا تحصنين نفسك وتستودعينه والله يحفظه لك من كل شر يارب

العضوة: 84344 , 9 years ago

@user-87919 اول كنت اسوي ليزر وشفت بالعياده حرمه حامل واضح بطنها كبير ماشاءالله وهي نحيفه ونادوا اسمها عندها جلسة ليزر كنت متوقعه مضر للحامل بس يقولون عادي لانه سطحي بس مدري احس يخوف الامر

العضوة: 87919 , 9 years ago

@user-84344 هههههههه والله انا من حملت صرت ماهتمم اشيله اطنش احيان اخليه اسبوعين واكثر احيان لا بالاسبوعين بس اطفش والله الحبيبات ذا ودي اجربه احسه سهل وسريع بس ماطلعت للسوق والله : ( حتى للعيد ماطلعت قضيتلي لي شي اخاف اتعب ويجيني ظهري زي ذاك اليوم

العضوة: 87919 , 9 years ago

@user-84344 والله ماعرف يضر ولا مايضربس بالنسبة لي ليش اعرض جنيني للخطر على شيء تافه مايفيدني بكره ذا كله لاطلع جنيني مو سليم ولا مريض ولاعنده شيء فالوحدة تصبر لين تولد وتسوي كل شي وبعدين احس مايصلح وقت الحمل لان الهرمونات تتقلب وتتغير ويطلع الشعر وماتستفيدي شيء : / الافضل بعد الولادة الوحده تبدا تشتغل على نفسها لان اكيد ماراح تفكرين تحملين ثاني الا بعد سنتين ثلاث

العضوة: 84344 , 9 years ago

@user-87919 ايه والله سهل الاستخدام ريحني من الحلاوه تلقين مندوبات كثار يبيعونه مع الاله بس هالمره قلت دامني عند اهلي بحاول مااحف وابي اروح صالون انسدح وهي تحفلي الصراحه عجزانه مررره احف لنفسي تعودت عالتسدح بصير زوله وين مااروح اتسدح 😂 مثلك للحين ماشريت ولااااا شيء مو عشان عيد بس ابي اخذ لي ملابس تريحني مع الحمل بس مااقدر مشوار السياره صاير يتعبني لو مشوار بسيط والحين انا بوضع حرج صعبه الطلعه الله يعين😩

العضوة: 87919 , 9 years ago

@user-84344 اجل باخذه وبرتاح الحلاوه تزهق والله انا هذا اللي يزهقني الحلاوة بدور هالحين حسابات بانستقرام تبيعه تكون حولي اي والله دامك عند اهلك ارتاحي مو لازم تحفي 😅 ريحي حالك : ) لاجى العيد حفي انا طالع لي الحين ومخليته اخاف احف الحين واخاف مايجي اسبوع العيد مايطلع الا منابت صغار وماينشالو صعبه الله يعينك ترا حتى التسدح متعب جربته فبداية حملي على اني ماغير بتسدح وصرت اتعب والله احس عادي تلبسين ملابس عاديه اهم شيء مريحة مو شرط ملابس حمل انا بشوف اختي تروح تشتريلي اي شي مع اني ماثق بذوق اي احد : ( بس مابي اطب السوق فيني عاده اذا رحت السوق وشفت شيء عجبني ماخذه على طول لازم افر السوق كله اشوف يمكن احصل احلى : )

العضوة: 84344 , 9 years ago

@user-87919 ههههه نفس النظام والله امي تقولي دايم خلي خواتك يشترون لا تروحين انتي بس مدري ماتعودت احب البس شيء على ذوقي وبخصوص الحف المشكله وانا اختك ودي اخليه لين العيد بس زوجي يجي يزورني كثير وانا ببيت اهلي يعني فيني الحف فيني اااه ربك يعين منرفزني هالموضوع الصراحه 😭

العضوة: 87919 , 9 years ago

@user-84344 يلا ماعليه اهم شي ربي يتمم حملنا على خير لاحقين ع السوق والملابس والدنيا مع انو خلاص الحين راحت علينا بعدين كل مابتطلعي بتشتري للبيبي وبتنسي نفسك الله يعينك والله خلي اهلك امك ولاخواتك يسون لك اسرع لك واريح : )