9 years ago
  • المرحلة الأولى ( اول 3 اشهر)
السلام عليكم ورحمه الله وبركاته كيف حالكم يا بنات ليبيا يلاا نبو اكبر تجمع خاص باليبين وانشاء الله نكمل حملنا علي خيير وصحه يارب جميعا واللي مش حامل الله يرزقها ماتتمني ويفرح قلبها وأهلا وسهلا بغير الليبين انتظركم يا بنات ليبيا وغير بنات ليبيا

20614 تعليقات

العضوة: 174744 , 8 years ago

@user-162851 احسبي حملك بالاسابيع احسن راهو وادق

العضوة: 74386 , 8 years ago

@user-162851 ان شاء الله خير يارب....ماتوسوسيش... انتي مش ماتحسيش بوجع وبعدين اني في بنتي ماحسيتش بالحركة الا بالسادس.. وفي حملي هذا حسيت بيه بالرابع لكن حتي اني الايامات هذينا معاد كسيت بيه يستر الله وحتي نفسيتي بكل...

العضوة: 146327 , 8 years ago

وسعو بالكم ربي يفرح قلوبكم ماتوسوسوش ربي يحفظكم ويكمل عليكم بالخير 😗😗😗😗

العضوة: 174744 , 8 years ago

@user-74386 انا قارية في موقع اجنبي ان لازم تعودي الجنين على حاجات معينه باش يتحرك يعني تسمعي اغنية تحبيها هلبه وتفرحي لما تسمعيها هو حيتحرك او تضعطي علي بطنك وتراجي يدير ردت فعل وتتفرجي على حاجه اضحك او تشربي حاجه مصقعه وكل هده الحاجات اديريها في اوقات معينه متلا قبل نومك حيقعد ديما متعود على هكي

العضوة: 207452 , 8 years ago

السلام عليكم ورحمة الله وبركاته..كيف حالكم صبايا ..انا أختكم ف الله من ليبيا الحبيبه 💞 وربي يحفظكن جميعآ..وحامل ف بداية الشهر التاني 💕

العضوة: 174744 , 8 years ago

@user-207452 ربي يكملك حملك على خير يارب

العضوة: 207452 , 8 years ago

شكرا أختي أمل ع انتباهك وترحيبك بي.

العضوة: 174744 , 8 years ago

@user-207452 العفو اهلا وسهلا..من وين من ليبيا..كم عمرك؟ لو ما فيش احراج

العضوة: 207452 , 8 years ago

انا مواليد 91من مصراته..وانتي من وين وقداش عمرك،😊😊

العضوة: 174744 , 8 years ago

@user-207452 من طرابلس ومواليد92

العضوة: 174744 , 8 years ago

@user-207452 بالجودة العمر كله ان شاءالله

العضوة: 207452 , 8 years ago

يا بنات نبي اوصيكن ع حاجه ..والله مجربه وسبحان الله..أكثرن من قرأت القرآن الكريم وانتم حوامل والله والله ليها فائده كييييييري ع الجنين ..واول فائده أن طفلك عندما تولديه ع خير ..وعند تسواعبه وأدراكه للأشياء سيكون حفظ القران وتلاوته أول أولوياته ..وللعلم فقط حت رسولنا الكريم صلى الله عليه وسلم كان يوصي ف أبنته فاطمه رضي الله عنها بهده التوصيه لما فيها من خير ع الأجيال..

العضوة: 207452 , 8 years ago

وإياك أن شاءالله 😊

العضوة: 207656 , 8 years ago

يا بنات بالك فيكن وحده تقدر تساعدني والا ماره بنفس تجربتي....انا ولدى عمره توا 3 سنين و نص بيهبلني مباش يتعلم علي الحمام حشاكم ...كل الطرق جربتهن مفيش فايده يعرف كل شي ويفهم لكن الحمام ميبيش يقضي الحاجه فيه معرفتاش عناد او انا اتبعت طريقه غلط مع انه كله بالمسايسه و بالشوي ما اتبعتش اسلوب الضرب ابدا تعبني وبديت نفقد في الامل الا عندها شي تنصحني بيه ياريت

العضوة: 174744 , 8 years ago

@user-207656 في دكاتره اطفال يقولو لو الطفل ما تعلمش علي طول وسعي بالك معاه اعطيه وقته ممكن العضله المسوؤله مزال مش مستعده..ما نفقديش الامل وحاولي معاه بنفس الاسلوب