9 years ago
  • المرحلة الأولى ( اول 3 اشهر)
السلام عليكم ورحمه الله وبركاته كيف حالكم يا بنات ليبيا يلاا نبو اكبر تجمع خاص باليبين وانشاء الله نكمل حملنا علي خيير وصحه يارب جميعا واللي مش حامل الله يرزقها ماتتمني ويفرح قلبها وأهلا وسهلا بغير الليبين انتظركم يا بنات ليبيا وغير بنات ليبيا

20614 تعليقات

العضوة: 146327 , 8 years ago

@user-174744 الحمدلله راجلي يعاون فيا يغسل في البساطاط هوا ويحك في الزواق من السيراميك والزليز ابدي بالشويه بالشويه حتى الدنيا غاليه ماتقدريش مع بعضه ووراك حمل ومجيبه وانتي تبي حاجات وحاجات البيبي وكان بديري سبوع يكلف ربي يسهلك ويعاونك😗😗😗

العضوة: 174744 , 8 years ago

@user-146327 لا لا مش مدايره لا سبوع عندي حاجات في الحوش اهم..لازم نبني مخزن وعندي تربيعه في داري نبي ندير فيها دلاب في الحيط....لان عندي دار كبيره مزال ما درت فيها شي معبيه بشناطي الحوايج وبضاعة راجلي.. باش تترتب الدار ضروري ندير مخزن ودلاب

العضوة: 146327 , 8 years ago

@user-174744 ربي يسهلك لاكن حتى ماتبيش اديري سبوع الناس بيمشو ويجو عليك حطي عصير وشكلاطه وحلويات و الدي منو كل شيء يكلف 😥😥

العضوة: 174744 , 8 years ago

@user-146327 ما عتقدش حيجيني حد...كلهم يتسبلو بالبعد.. عائلت راجلي صغيره وما عندهمش كترت مواصله..وانا ماليا ما حد يندري عليا كان انا اتصلت باهي كان ما تصلتش ما حد يسال..وعلاقات كلها مبنيه على نفاق

العضوة: 174744 , 8 years ago

@user-146327 زي ما اجهضت بروحي وما حد سال عليا اكيد في جيابي ما حدش حيسال عليا

العضوة: 230385 , 8 years ago

كيف الحمل معاكن ...انا فسابع ونحس في روحي فتاسع من كثر الليه وضيق النفس

العضوة: 146327 , 8 years ago

@user-174744 يا حلوه الإجهاض شيء والمجيبه شيء تاني😣😣😣 ماعندكمش منهم النوعيه يللي تحب تاكل أو النوعيه يلي تحب تقصقص أو النوعيه يلي تحب تشوف حوشك وحالك 😒😒😒 مش كلهم بيجو لانهم فرحانين أو على سواد عيونك كل واحد وفي نفسه غايه حاشى البعض طبعاً😀😀

العضوة: 146327 , 8 years ago

@user-174744 صباحك ورد حبيبتي ⚘⚘😚😚 امس النت فصل عليا

العضوة: 225452 , 8 years ago

سلام كيفكم كلكم وشن أخباركم اني بنحكيلكم شن صار معاي اني حامل في التالت وخاطري في البحر ومشيت طبعا علي اساس منبيش انعوم بس شفت لبحر والجو يهبل والبحار بش غارق وبش هايج وزحمه وكلهم يعومو جي خاطري انعوم علي رغم انه قالولي بش اكويس في الشهور الاوله بس وخشيت علي اساس اشويا وبنطلع ولما خشيت معاش اعرفت نطلع ولقيت انسوين تعرفت اعليهم وهدرزه في وسط لبحر الجو يهبل بس بعدين حسيت بوجع في ظهري وخفت روحت طول دوشت ورقدت علي ظهري بس محسيتش روحي خايفه نرمي لانه مستودعه جنيني ربي وسبحان الله انحس في روحي مطمنه وتوا انفكر نمشي مره تانيه شن تقترحو اعليه لو كنتو مكاني والله جوا معاي لا يقاوم وخايفه المره لفاتت مصار شي المره هادي لقدر الله تصلي حاجه بس اني اهل زوجي ديما يمشو ولو بنقعد بنضايق

العضوة: 225452 , 8 years ago

سلام كيفكم كلكم وشن أخباركم اني بنحكيلكم شن صار معاي اني حامل في التالت وخاطري في البحر ومشيت طبعا علي اساس منبيش انعوم بس شفت لبحر والجو يهبل والبحار بش غارق وبش هايج وزحمه وكلهم يعومو جي خاطري انعوم علي رغم انه قالولي بش اكويس في الشهور الاوله بس وخشيت علي اساس اشويا وبنطلع ولما خشيت معاش اعرفت نطلع ولقيت انسوين تعرفت اعليهم وهدرزه في وسط لبحر الجو يهبل بس بعدين حسيت بوجع في ظهري وخفت روحت طول دوشت ورقدت علي ظهري بس محسيتش روحي خايفه نرمي لانه مستودعه جنيني ربي وسبحان الله انحس في روحي مطمنه وتوا انفكر نمشي مره تانيه شن تقترحو اعليه لو كنتو مكاني والله جوا معاي لا يقاوم وخايفه المره لفاتت مصار شي المره هادي لقدر الله تصلي حاجه بس اني اهل زوجي ديما يمشو ولو بنقعد بنضايق

العضوة: 225452 , 8 years ago

الناس هادم عندنا منهم والله منحكيلك علي القرمه والدواء الزايده وتقيد لحوال واني طبعي نسمع كلمه نواجه ولاني هكي يخافو مني لاني منسكتش يخافو يدوعلي حد قدامي ولا يقرمو بمعني حد قدامي لاني منسكتش الحاجه يلي منرضهاش ليا منرضهاش لغيري وعلي سيرت الموضوع مره سلفتي تدوي علي جارتها ولي هيا سلفتي التانيه وقالت لعزوزتي ياعمي بكل الكانسه حطتها جنب حوشي وريحه مع النو بكل اخديتها وحطيتها بحدا حوشها قولت خل تزعل علاش حاطتها بحدا حوشي ورديت اعليها اني قولتله انتي اتنفضي في البخشه من روشن الكوجينه ويطيح الوسخ والنعمه في جنانها ومتكلمتش كناستكم من يرفع فيها غير سلفك عيب اعليك وفي النهايه طلعت الكناسه ليها ورجلها مطلعها غر حشمت روحها واني من هداك اليوم معاش اتهدرز امعاي علي حد

العضوة: 174033 , 8 years ago

ماتنشغلوش على حبيب ان شاء الله 😀😀😀

العضوة: 174033 , 8 years ago

مشيت وقلبي مقبوووض تخيلوا اني في نهاية الثالث ومازلت ماشفت الجنين ولا النبض غير كيس فارغ بس .... حتى بنتي خذيتها معاي كان سمعت حاجة تكون جنبي بلكي تصبرني 😢 أنا رقمي كان 5 وتنادي ع الأسماء اللي قبلي ومانبش دوري يجي .. بعدها توكلت على الله وقلت اللي فيه خير يجيبه لي ربي .. انا غلطت وحملت قبل ماننشفا وغلطت اني مادرتش عملية تنظيف وغلطت اني ماعاينت ع الإجهاض المتكرر المهم خشيت وحكينا شوي... وقالت لي هيا ع الصورة 😥😥😥 والله شعوووور خووووف رقدت ع السرير وغمضت عيوني وهي ع الجهاز طوولت ماحكت...قلت في عقلي خلاص شكلها ادور ع الجنين مش لاقيته وهذا شكله حمل كاذب كيس فارغ بس ... حتى النبض ماسمعتش وهي سااااااكتة😒😒 .. بعدها قالتي سارة🤔🤔 وبرمت الجهاز شوري وقالتلي اهو البيبي ماشاء الله عليه 😀 والله شهقت شفت راسه وايديه وكرعيه ويتحرك اخرى 😍😍😍 قالتلي وييين هالغيبة منطمر علينا وبعد مابان بان مرة الوحدة الحمد لله يارب اللهم لك الحمد والشكر ... شوفن لآخر الثالث والجنين لاسمعت نبض ولا شفته ... العبرة مافش وحدة تستعجل وتقول حمل ضعيف أو مش ساير منه .. المعجزات يسيرن نفس ما صار معاي .. يعني مابانش عليا بكككل لا الجنين ولا النبض ولما بان ...بان بشكله وآخرى يتحرك ... والله ماملي اجهضت من الحبوب وطلع جنين حي بسبب قلة وعي الدكاترة وجهل من الام الحمد لله ربي يتمملي على خير ولقيت روحي ناقصة 10 كيلو😓 قالتلي الدكتورة مفروض راك تزيدي مش تنقصي العقبالكن اللي اجهضن واللي يرجن في الحمل والحمولات ربي يتمم عليهن بخير يارب ويسهل عليهن قالتلي الزيارة الجاية نقولك جنس البيبي ....قلتلها مش مستعجلة الحمد لله باللي يجيبه ربي خية لبنتي أو خي كله واحد 😘

العضوة: 174033 , 8 years ago

انا كانت مانعة علي السيارة والدروج وناخذ في مثبتات لكن البحر خاااطري فيه مشيت وعمت نين شبعت وانا طبعي نعرف نعوم ونرقد على ظهري في المية عادي ونخش جوة بكل في أمية أعلى مني وهذا كله ماصارلي شي صح جتني لية في الليل وخذيت راااحة ثاني يوم والحمد لله ماصارلي شي

العضوة: 174744 , 8 years ago

@user-174033 ربي يكملك على خير يارب ويهنيك..ان شاء الله تجيبي على خير وتنوضي بالسلامه ويكون البيبي بصحة وعافيه يارب فرحتلك من وسط قلبي 😘😘🎆🎇🎊🎊