9 years ago
  • المرحلة الأولى ( اول 3 اشهر)
السلام عليكم ورحمه الله وبركاته كيف حالكم يا بنات ليبيا يلاا نبو اكبر تجمع خاص باليبين وانشاء الله نكمل حملنا علي خيير وصحه يارب جميعا واللي مش حامل الله يرزقها ماتتمني ويفرح قلبها وأهلا وسهلا بغير الليبين انتظركم يا بنات ليبيا وغير بنات ليبيا

20614 تعليقات

العضوة: 156483 , 8 years ago

@user-146327 هذا عشاء يوم الاسبوع

العضوة: 74386 , 8 years ago

@user-156483 ماشاء الله حبيبتي حايسه ع جيابك بجهد ... ان شاء الله وليدك من قسمك وربي يحفظه ليكم ويجعله من حفظة كتاب الله...

العضوة: 74386 , 8 years ago

شنو العشاء رز بالخلطة صح...😋

العضوة: 156483 , 8 years ago

@user-74386 سلمك حبوبه العشاء في الاسبوع رز بالخلطه..ويوم اللمه مثروده بالمكسرات

العضوة: 146327 , 8 years ago

@user-156483 الله يبارك ماشاء الله العقبه لينا😁😁 انشاء الله ولديك من قسمك وربي يفرحك بيه وتشوفيه زي ما تبي واحسن وانشاء الله من حملة كتاب الله ربي يجعله قرة عين لك ويبارك لك فيه 😍😍😍 ناقصه صورة حمادي😂😂😂😂

العضوة: 146327 , 8 years ago

@user-156483 الله يبارك ماشاء الله العقبه لينا😁😁 انشاء الله ولديك من قسمك وربي يفرحك بيه وتشوفيه زي ما تبي واحسن وانشاء الله من حملة كتاب الله ربي يجعله قرة عين لك ويبارك لك فيه 😍😍😍 ناقصه صورة حمادي😂😂😂😂

العضوة: 146327 , 8 years ago

@user-174033 بالنسبه ليك انتي جاك الموت ياتارك الصلاه🤣🤣🤣🤣🤣🤣

العضوة: 156483 , 8 years ago

@user-146327 توا اندزه لك💟

العضوة: 174033 , 8 years ago

@user-146327 تعرفي انقولك مرات البعيد يكون اقربلك من القريب نحن حايسين في العشاء والتجهيز ... سلفتي اللي معاي مشت لهلها بايتة عندهم وعندي سلفتي الكبيرة ساكنة بروحها راجلها مش شقيق راجلي خوت من الاب وهم مايجوش واجد لعيت عمي يعني دايرين غيبة المهم امس راجلي قالي شن رايك نكلموهم... عيت عمي ماحتى يكلموا فيهم ديمة هم واخذين جنب ودايرين حاجز بيناتنا .... قتله والله كلمهم هذا خوك حتى وهو واخذ جنب .. وكلم مرات بوك وزوجة خوك كلمهم كلهم... يعني تكلم رجالة خواتك وماتكلم خوك؟ حتى وهو داير حاجز ومتباعد على حوش عمي لكن خوه في النهاية ... المهم كلمهم.... بعدها تتصل مرات عمي الأولى اللي هي ضرة عمتي ... تتصل بعمتي وتقوللها نحن دايرين عنكن العصبان والمبطن والله قلتها لي أعميمة فرحت بيها انهم شالوا عنا وصبياتي اللي هن حمواتي... وحدة عندها عيل ع جرة عيل ماتحرك في شي واللخرا شهرها منتفخة وثقيلة وتتحرك بالغصب ... وسلفتي اللي هي جارتي واختي .. شالت روحها ومشت لهلها ما في غيري انا وعمتي اللي كرعيها يوجعن فيها .... لحد ماجانا هضك الاتصال اللي حسينا بيهم فعلا وهم فرحوا لان كلمناهم لان عمي متجوز اثنين وقاعد مع عمتي في الحوش وساير مشاكل بينه وبين زوجته الأولى عشان هك دايرين حاجز ومافش اختلاط بيناتنا ... جاني راجلي توة قالي باهي اللي كلمناهم فرحوا بيها

العضوة: 146327 , 8 years ago

@user-174033 الحمدلله ربي يلايم بينكم وتصفى القلوب يارب 😀 شالو عليك هم ربي☝️ يفرج عليهم حق اللي بعيد مرات خير من يللي جنبك خزي عليها سلفتك انا سخفتيني وتمنيتك جنبي ونساعدك وهيا هربت🏃‍♀️🏃‍♀️