العضوة: 55569 , 9 years ago

@ أم سعود الحمادي صباح الانوار

العضوة: 64052 , 9 years ago

سلام بنات

العضوة: 59603 , 9 years ago

سلمكم بنات يلي نشدتو عليا... انا رميت توا كيف روحت من العياده ادعولي بنات ربي يعوضني خير... 😭😢😢😢

العضوة: 58049 , 9 years ago

@user-59603الله اكبر صدمتيني😱ليش حبيبتي شنو السبب هل رفعتي شيء ثقيل او شنو يارب يعوضك خير يارب وانا قبل سنتين اجهضت نفس الشيء نوضت لقيت دم😔بس الحمدلله اهم شيء الصحه قعده صغيرونه انتي لاحقه ع الحمل

العضوة: 58049 , 9 years ago

@user-59603حبيبتي انتي مشيتي للدكتوره شوفتي البيبي و النبض و كان كل شيء تمام معاك و احسها عين قويه مانعرفش علاش ربي يحفطك

العضوة: 59603 , 9 years ago

@user-58049 انشاء الله يارب😢والله فرحت بحملي هللللللبه ربي يعوضني خ ييير يارب.... قصتي😣 نوظني راجلي نصلي الفجر نظت كيف نظت ومش حاسه بشئ لقيت الفراش كله دم😯لبست قطن ورجعت اتكيت ع سرير حتي تضوي الدنيا ونمشي لعياده وتتحمل في الوجع زي ليه بتماااام في ولاده الطبيعيه مع تسعه خشيت للحمام تنزل عليا طروف كبار دم عرفت روحي اني رميت قعدت نبكي 😣😭😢😢😢 مشيت للعياده اعطتني حبوب ميزوتاك باش يطلع بواقي الحمل ... انا يمكن عشان ساعدت زوجي في رفع غرفه النوم صغار بس ماتوقع مكتوب وخلاص😢

العضوة: 59603 , 9 years ago

ايه شفت الكيس كيف بنخش لتالت وعلي أساس موعدي بعد اسبوعين باش نشوف النبض الله غالب😖😔

العضوة: 59603 , 9 years ago

يمكن عين الله أعلم اللي يشوفني يقول صغيره وعندك تلاته صغار وحامل ربي يهديهم

العضوة: 55569 , 9 years ago

@user-59603 الحمدالله على سلامتك وربي يعوضك خير ان شاءالله كل شي من ربي كويس قولي الحمدالله بس وبإذن الله هو يعوضك بالاحسن منه اهم شي صحتك وسلم عويلتك اللي جنبك❤

العضوة: 58049 , 9 years ago

@user-59603ياروحي ربي يعوضك حبيبتي والله العين ادير احرف انا نتفكر فها ولدي خمس شهور عمره ولاده قصيصري سمعو بيا حملت و كلها تعيط تقول ولدها صغير وكيف والده 😔واخر الشهر التاني اجهضت نفس موعدك بزبط و كان الاجهاض صعب احرف من ولاده و فوقها ف غربهبس الحمدلله و انتي توا ف الحمل الجاي ما تقوليش ل حد لين تكملي الشهر الثالت والله حسد كاثر يا اوخيتي يحسدوك حتى ع صغارك و راجلك ويارب نسمع بيك السنه جايه عندك بنوته و ما تزعليش حبيبتي

العضوة: 59603 , 9 years ago

@user-55569 الله يسلمك حبيبتي .... الحمد لله علي كل حال بس شويه وجعتني نفكر حتي في ترتيب الحوش وتجهيز للبيبي وفي يوم 😶 اجهضت الحمد لله ربي يعوضني خير

العضوة: 55569 , 9 years ago

@user-58049 صدقتي اختي العين ادير كل شي اهم شي الواحد ديما يرقي نفسه وعويلته نصيحه لكل وحده تحمل مانقولش لين يثبت حملي

العضوة: 55569 , 9 years ago

@user-59603 الله غالب حبيبتي هذا امر الله ولعله خير حتى انا اجهضت قبل حملي هذا وتأثرت واجد لكن الحمدالله ربي عوضني وان شاء الله حيعوضك خير بس اهتمي بصحتك وتوكلي على الله

العضوة: 59603 , 9 years ago

@user-58049 صح كلامك حبيبتي العين حق.. لالا ماعاد نقول مره أخري حامل وربي يعوضني خير والله توا نكلم فيكم وبطني وجع زي الولاده

العضوة: 59603 , 9 years ago

@user-55569 سلمها ياربي استريحت شويه لما هدرزت معاك ومع وداد ربي يحفظكم وتكملو حملكم علي خير يا كريم .....