العضوة: 158592 , 8 years ago

@user-150487 احلي يومين عندي ...يوم نفطر فحوش اهلي نمشي من الظهر نكون موتية حاجة حلوة وحاجة حارة ...وتمر وياكو حليب او لبن ....ونفس الشي يوم عيالي نمشي بعد العصر ندير ففاصوليا وحاجة حارة وحلوة وتمر ولبن ....ونقعدو نسهرو لا 3 نتسحرو ونروحو ..احلي ايام الصيام ....كنت نجرب من النت وعادي تجي حلوة او لا مش اشكال ...بس فهالفترة وقلة السيولة ندير فالاساسي بس ..القديم يعني ..ويارب فرج علي ليبيا بجاه النبي محمد ...

العضوة: 156483 , 8 years ago

@user-150487 هلي في بنغازي ياربت اقريب نمشي ثاني يوم العيد وقبل رمضان باسبوع نمشي بس انقول السنه هذي باذن الله بنصيام نهايه رمضان في بنغازي عندي شقه في بنغازي بس راجلي رمضان ايحبه في راس لانوف ولمات ااخوات

العضوة: 158592 , 8 years ago

@user-156483 بالجودة بيك ....بنسال سؤال ...عندكم اعتصامات ...بس نبي نعرف ...

العضوة: 158592 , 8 years ago

@user-156483 بالجودة بيك ....بنسال سؤال ...عندكم اعتصامات ...بس نبي نعرف ...

العضوة: 158731 , 8 years ago

مرحبتين بيك يا عاشقه شاكر ...اني عندي انفصال في المشيمه وخايفه انا حملي يسقط

العضوة: 150487 , 8 years ago

@user-158592 ربي يحفظلك اهلك ايه والله جو لايوصف لما تفطري في حوش اهلك ولما يذن المغرب تذكري لما كنتي ينت يهبل الشعور ... حتي انا اندير في اساسي لكن مرات نلقي حاجه مضمونه ومتواجد عندي اغراضها انديرها ....ربي يوصلنا لرمضان واحنا باتم الصحه

العضوة: 156483 , 8 years ago

@user-158592 قصدك ع المدرسه لالا راس لانوف دراسه عاديه وبنغازي حتي هيا اختي مدرسه وتعطي عادي بس طبرق والبيضاء اعتصامات

العضوة: 158592 , 8 years ago

@user-158731 ربي يكون فعونك ...بس سامحيني المشيمة هيا اللي توصل الاكل والدم للجنين ..وانتي قلتي انفصال ...يعني مايوصلش الدم للجنين ...ربي يشفيك ويعوضك كل خير ..وراجعي ديما عند اكتر من دكتورة ..

العضوة: 156483 , 8 years ago

@user-158592 ربي ان شالله يصلح حال لبلاد والعباد

العضوة: 158731 , 8 years ago

بس الدكتوره قاتلي انفصال بسيط ويلتحم بس عليك بالراحه

العضوة: 150487 , 8 years ago

@user-158731 لازم اتابعي مع دكتوره حملك وراحه التامه ربي يتبت حملك يارب

العضوة: 150487 , 8 years ago

@user-156483 ايه حتي هكي حلو لكن عاد رمضان هاد بري بكري باش تنظمي امورك وولادتك ....انا واخواتي نتلاقو يوم 27رمضان ضروري

العضوة: 150487 , 8 years ago

@user-158731 ضروري الراحه لما تكون المشيمه مفصوله لحتي ترجع اعطاتك حبوب

العضوة: 156483 , 8 years ago

@user-150487 ان شالله ربي وصلنا رمضان علي خير

العضوة: 150487 , 8 years ago

@user-156483 انشاء الله يارب شن انواع الحلويات اللي بتوزعيها