9 years ago
  • المرحلة الأولى ( اول 3 اشهر)
السلام عليكم ورحمه الله وبركاته كيف حالكم يا بنات ليبيا يلاا نبو اكبر تجمع خاص باليبين وانشاء الله نكمل حملنا علي خيير وصحه يارب جميعا واللي مش حامل الله يرزقها ماتتمني ويفرح قلبها وأهلا وسهلا بغير الليبين انتظركم يا بنات ليبيا وغير بنات ليبيا

20614 تعليقات

العضوة: 174033 , 8 years ago

@user-174744 انا خشيت البرنامج وكنت حامل وكنت نتابع مع البنات وكل شي تمام .... بعدها في يوم وليلة نزل مني دم واجهضت تأثرت واجد للاجهاض لأنه ثاني مرة من دون سبب ينزل ...زعلت وبكيت ووجعتني من صبيتي كانت حامل في نفس الفترة اللي حملت فيها ....ولما سمعت باجهاضي ماجتنش ولا سألت عليا كلهم جوني وكلهم سألوا علي ماعدا اقرب وحدة ليا ماعش عرفت شن السبب .... قلت مافش شي إلا أنها خايفة مني نحسدها لان حملنا مع بعضنا وهي تحمل طوول بعد الأربعين وتجيب فيهم العيل ع العيل ف هي خافت نحسدها لان حملها استمر وحملي نزل وبنتي عمرها 3 سنين خاشة ع 4

العضوة: 174744 , 8 years ago

@user-174033 اعدريها مرات ما بيتش تجيك باش ما تشوفيها حامل وتضايقي لان خسرتي حملك

العضوة: 146327 , 8 years ago

@user-174033 ما ادوري حد ياحبي المواقف هيا تبينلك الناس ومعدنهم طنشيها 😁

العضوة: 174033 , 8 years ago

كنت دايرة مانع بعد بنتي من الدكتور لان في حملي قبل متت...جاني تضخم كلية ورقدت في المستشفى وعايشة ع التغذية فقط ولعند الان ماعرفوش شن الحالة اللي جتني وسببتلي ولادة مبكرة ..بنتي جبتها في آخر الثامن وجت ناقصة وخذيت اباري الرية ووحمي 9 شهور ....وحم 9 شهوور كرهت فيهن روحي بعدها الدكتور قالي احتمال تشوه خلقي في أنبوب الكلية سببلك الحالة هذ عشان صحتك وعشان تحافظي على روحك خوذي وتريحي اقل شي سنتين

العضوة: 174033 , 8 years ago

شفت الموت في حملي وقعدت أكثر من شهر بين المستشفى وحوش هلي وأدوية ومسكنات مادارنش حل

العضوة: 174744 , 8 years ago

كل حد الدنيا كيف جاية معاه وكل حد عنده شني منغص عليه حياته..الحمد لله ربي يعوضنا خير في اللي خسرناه

العضوة: 174033 , 8 years ago

لما جبت بنتي الحق الجياب اسهل من اللي شفته ..جيبوني طبيعي وكان في مخاطرة اخرا ولما جت البنت شبه ميتة لا تبكي لاشي خذتها القابلة وكلمت دكتور ماكنش اصلا في القسم خذاها وطلع بيها وانا عرق في وجي ونفسي قريب انقطع وضغطي راقي ونعيط ونقوللها كنها كنها

العضوة: 174033 , 8 years ago

بعد ما جبت حرمت مانحمل ودرت مانع ولما تغيب الدورة عليا ياما ندير حي علي هذا حمل ..ماكنتش نبي الحمل نهائي

العضوة: 174033 , 8 years ago

بنتي كبرت وراجلي قالي سادك خلاص شوفي العيلة كلهم جابوا بعدنا عيلين .. وهو يبي عيل ... توكلت على الله ونحيته مش عارفة ربي عاقبتي من المانع أو لا لان الحمل ماعش صار منه كل شهر ترقب مافش وقعدت قريب سنة من غير حمل وانا ذااايبة ع الحمل وقلت يا ريتني مادرت مانع

العضوة: 174033 , 8 years ago

لما حملت بعد سنة وفرحت بيه فرحة مش عادية ....نزل 💔💔 الدكتورة قالتلي خوذي مانع 3شهور عشان الرحم يرتاح الحق انا مادرتش مانع لكن جت بروحها بعد 3 شهور حملت وفرحت بيه وقلت المرة حيتم الحمل ....وصل لنص الشهر الثاني ونزل بروحه مشيت للدكتورة طلبت مني تحاليل قلتها بعد العيد توة نديرهن ...الدورة اللي بعد الإجهاض ماجتنش بكل وطلعت حامل اللي هو حملي توة ..ان شاء ربي يثبته لي ياارب ومايسير نفس المرات اللي فاتن

العضوة: 174033 , 8 years ago

هذ بنتي جبتها ناقصة كيلوين إلا ..حتى كيلوين ماطقت...وكانت صغيييرة وعمي يقول والله ماهو ساير منها البنت هذ ..

العضوة: 162851 , 8 years ago

مشاء الله ربى يحفضهالك من كل مكروه يارب وتكون من حملة كتاب الله قلبآ وقاليبآ

العضوة: 174744 , 8 years ago

@user-174033 ربي يتبت حملك ويحفضلك بنتك من كل سو يارب

العضوة: 174033 , 8 years ago

ان شاء الله تسلمي