10 years ago
  • المرحلة الأولى ( اول 3 اشهر)
.👒احلي💄بنات 👚من مصر👒

20812 تعليقات

العضوة: 8188 , 10 years ago

خليكي واعيه مشي امورك انا مثلا ساعات جوزي يقولي ابقي اغسليلهم هدومهم اقوله بعد، اتحايل عليهم وقولت لاخوك واختك يطلعوا الهدوم مبيطلعوهاش وانا يابابا اتكسف انزل، اجيب الهدوم اصل عيب وحرام ادخل اوضه اخوك واجيب هدومه دا ميصحش وانا ولا بكون قولت لحد ولا بتاع

العضوة: 8188 , 10 years ago

والي لازمك جوزك لو راحت اشتكتله منك قوليله دنا عملت كذا بس هي فهمت غلط او عملت وهي مخدتش بالها اي فتي يا فوفا 😉

العضوة: 7893 , 10 years ago

ﻻ بناتها يتستتوا والخدامه موجوده انا كنت فطار وغدا وكنس وغسيل ونشير ومسح سلم وبلكونات وفصل تﻻجه وديب فريزر وتنضيفهم م التلج ومسحهم ورصهم واطلع ع الﻻلم واتشعلق اغير لمبات كهربه واغسل السقف م العفن بتاع النفس وتخليني بالفﻻش اعمل البانيو والقعده واﻻرضيه للحمام لما جلدي يتحرق وصدري يموتني م الريحه كل حاجه عملت كل حااااجه ممكن تتخيليها

العضوة: 8188 , 10 years ago

انتي بتستعبطي ع فكره

العضوة: 7893 , 10 years ago

والله بقول عملت بس فعﻻ بكون عملت انا قولتله انت بتجبرني اراضي حد مش بيرضى وﻻ بيتراضى مهما اعمل قالي اعملي واجرك عند الله قولتله اول امبارح لقيتني تعبانه قولتلي هقولها ومعدتيش تنزلي خااالص وانا منعتك عشان مش عايزه مشاكل جاي دلوقتي تقولي كده

العضوة: 8188 , 10 years ago

بصي انا طلع عيني في رمضان وتعبت اوي وكنت بموت من التعب واخته تيجي تعد برا وانا احضر الاكل فطار وسحور وحلو وشاي وعصاير واغسل المواعين ونزلت ساعدتها في الشقه تحت جيت بقا في العيد عملت عبده خالص ومطبختش بقت هي الي تطبخ بس مكنتش بحط لقمه في بوقي من الي هي عملاه اكل كحك وبسكوت ولا اكل من الي عملاه لانها كانت جايه راسمه اني ااكلها هي وجوزها وهي تخرج تتفسح

العضوة: 8188 , 10 years ago

فوفا اسمعي كلامي والله سيبك منها و هي الرجاله بتحب الكلام وبيضحك عليهم بكلمتين اعملي كدا وحافظي ع نفسك وصحتك ع راي ماما تنحي وريحي

العضوة: 7893 , 10 years ago

@user-8188 انا واحده كانت والده والتانيه تدخل تقولي اطلعي وانا اكمل وتسيبني وتطلع مكنتش بقدر ادوس ع كعوبي اقسم بالله فعﻻ شوفت المر ف رمضان

العضوة: 7893 , 10 years ago

انا مش هعمل غير اللي ماشيه عليه انزل اطفحها فطار وعﻻج واطلع متشوفنيش غير تاني يوم وتخبط دماغها ف الحيطه

العضوة: 8188 , 10 years ago

والله العبط والطيبه الي احنا فيهم دول مينفعوش انا ع فكره كنت هبله زيك كدا بس اتعلمت من الي شوفته انا مثلا لحد، دلوقتي مسمعتش كلمه مبروك ع حملي حتي حمايا يوم ماجوزي قاله اني حامل قاله طب كويس حتي جوزي طالع من عنده مكبوس كان مستنيه يفرح ويوم تعب ابويا وهو في العنايه المركزه ولا حد، فكر يرفع سماعه التليفون ويقولي ياجاموسه يالي بتخدمينا مش عاوزه حاجه بعدها بقا اتعلمت

العضوة: 7893 , 10 years ago

اللي يوصلك ﻻحساس زي اللي انا فيه ده تعامليه زي الكلب ترميله عضمه تلهيه بيها وبس انا اوقات من زعيقي معاه بحس ان حياتي ع كف عفريت حسبي الله ونعم الوكيل فيها

العضوة: 8188 , 10 years ago

اعملي الي يريحك ومتحرقيش اعصابك

العضوة: 7893 , 10 years ago

محدش يستاهل بس ادينا بنسايس امورنا ونساير حياتنا واللي انكتب علينا نشوفه فيها هنشوفه فرح او نكد ﻻقدر الله

العضوة: 7893 , 10 years ago

هو برضه دا ميريحنيش انا اللي يريحني اني مسمعش صوتها اصﻻ ابدااااا بس زي ما قولتلك هساير حياتي وخﻻص

العضوة: 8188 , 10 years ago

وفي مره والله جوزي كان في تدريب تبع شغله شهر ونص كان بيجي خميس جمعه وانا قاعده لوحدي في شقتي وكان مقعدني علشان اخدمهم باب شقتي مكنش، بيخبط غير علشان ياخدوا اكلهم وكنت باكل لوحدي ولا حد، كان بيقولي ناقصك حاجه نجبهالك موتي ولا عايشه والله اوقات كان بيبقي العيش عندي خلصان ومش عارفه اجيب مفطرش ولا اتعشا واستني جوزي يجي يجبلي