9 years ago
  • المرحلة الأولى ( اول 3 اشهر)
تعالو نجتمع هنا ***** ١٨ اغسطس بس*** علشان نتابع مع بعض ونفيد ونستفيد من بعض يارب يكملنا ع خير ويقر اعيننا برؤيه مولودنا سليم معافي يارب وذريه صالحه ولكل الحوامل يارب تعالو نبدا شوفتي الجنين ولا لسه وبتحسي ب اعراض ايه وميعادك التاني امتي خلينا نفيد بعض كلنا انا الدكتور قالي الولاده في ٢٥ مايو وانتم امتي حساب الدكتور والسونار قالي اني كل ٢٥ فالشهر بدخل شهر والولاده ٢٥ شهر ٥ الشهر الثاني من الحمل عادة ما يكون قد تم كشف الحمل في هذه المرحلة، لذا تبدأ التحضيرات له والإستعدادات النفسية لما تتطلبه هذه المرحلة. على الحامل في هذا الشهر التركيز على نوعية الأكل الذي تتناوله أكثر من السابق وذلك لإمداد جسمها بجميع العناصر الغذائية التي يحتاجها. تستمر حالة اللعيان والتقيؤ في هذه المرحلة عند بعض الحوامل، لذلك يجب التركيز على الأمور التالية: 1. تناول وجبات خفيفة على المعدة خلال النهار، حتى لا تبقي المعدة فارغة لوقت طويل. 2. الابتعاد عن الأطعمة المقلية أو الغنية بالدهون. 3. تناول الأطعمة الغنية بالنشويات مثل: البسكوت المالح أو الحلو، الكعك، خبز التوست، المعكرونة، البطاطا... 4. شرب السوائل بين الوجبات وليس مع الوجبات. 5. تناول وجبة خفيفة قبل الخلود الى النوم، مثلاً كوب من الحليب قليل الدسم مع رقائق الفطور أو قطعة توست مع لبنة أو جبنة قليلة الدسم. خير نصيحة: أكثري من تناول الأطعمة الغنية بحمض الفوليك لأنه مهم جداً لنمو الجنين الطبيعي، وهو موجود في الخضار ذات الأوراق الخضراء (السبانخ)، البقوليات (الفاصوليا والعدس) وخبز القمح لا تنسي ! أن تدخلي في نظامك الغذائي 3-4 أكواب من الحليب أو ما يعادله من أجبان وألبان لأن للكالسيوم أهمية كبيرة في مرحلة الحمل. خير حوار سؤال : يقال أن يجب أن آكل عن شخصين، هل هذا صحيح؟ هذا غير صحيح، إذ أن معدل زيادة السعرات الحرارية خلال الحمل لا يتعدى 300 وحدة حرارية وهذا بعد الشهر الثالث، لذلك انتبهي على نوعية طعامك أن تكون صحية ومغذية من دون زيادة كبيرة في كمية الطعام المتناول. ماذا عن زيادة الوزن؟ في هذا الشهر لا نتوقع أن يزيد وزن الحامل زيادة كبيرة بحيث أن معدل الزيادة في الثلاث أشهر الأولى هو ما بين 0.4-1.7 كغم. تغذيتك السليمة في الأشهر الأولى تضمن صحة جيدة ومقاومة قوية لطفلك عند الولادة، كما تساعد جسمك على تحمل مراحل الحمل المختلفة ومواكبة التغيرات التي تحصل لجسمك في هذه المرحلة.

1457 تعليقات

العضوة: 110358 , 9 years ago

معلومه قالتلهالي واحده اكبر مني انا اليوم استفرغت الصبح اول ماصحيت مالنوم ع طول واستفرغت مايه مُووووووره اوي مرارتها لسه في ريقي قالتلي اول مااحس اني هاستفرغ اشرب مايه هتخف المرارة

العضوة: 115910 , 9 years ago

انا بكتب لكم النهاردة مشكلتي مع كيس الحمل الفاضي عشان محدش يحصل له اللي حصل لي انا حامل بس نزل عاليا دم قبل عمل تحليل الدم و عملته وطلعت حامل والدكتورة كتبت لي حقن مثبت ولما روحت لها وانا حامل في شهر ونص نزل عاليا دم تاني غيرت الدكتورة ورحت لواحده تانيه قالتلي انها شاكة ان كيس الحمل فاضي هوقف الحقن المثبت و هنستني اسبوع واعمل سونار تاني سبتها وانا بعيط من الحزن وبعد اسبوع روحت لدكتورة تالته وكده المفروض انا حامل س 7 اسابيع بردوا قالتلي الجنين مش باين هنستني تتمي الشهرين يعني كمان اسبوع ونشوف لو مبنش كده خلاص ومتحطيش أمل المهم روحت لها بعد الاسبوع وكده انا المفروض حامل في شهرين قالتلي بردوا مش باين وكده قدامك حلين : 1 ) برشام طلق صناعي 2 ) عملية تنظيف لان ممكن بعد الطلق الصناعي نعمل سونار ونلاقي ان كله منزلش فهنضطر نعمل بردوا عملية قلتلها يا دكتورة طب التحليل الرقمي مش يبين عشان بس اكون مطمنه قالتلي مش دقيق اوي لاني بيدي نسبه مثالً من 1000 : 2000 طب انتي كام بالظبط مش يبين طب قلتلها انا سمعت عن ناس تعمل السونار العادي مش يبان الجنين فيه وتعمل المهبلي يبان قالتلي بس ده لحد شهر ونص اقولك اه بس انتي دلوقتي المفروض حامل في شهرين انا كان المفروض يبان عندي جنين و نبض وجنينن باديد و رجل وراس صغيرين لاكن انتي مفيش خالص بس عموماً بردوا عشان ترتاحي اعملي السونار المهبلي بره عشان نشيل اي احتمال وعشان ترتاحي وعشان مش يكون فيها اي حرمانيه بس اول ما تعمليه ويطلع فاضي تعاليلي عشان نشوف هنزله ازاي انا بصراحة كنت علي اخري بس قلت الحمدلهه يت رب الي فيه خير لينا اجعلهولي و اللي فيه شر ابعده عني وخفت من الكلام الي سمعته عن السونار المهبلي وقلت هتعب علي الفاضي خلاص بلاش اعمله جوزي قالي لاء نعمله وخلاص عشان نتأكد ( مهو مش تعبان في حاجة ) هههههههههه المهم تاني يوم نزلت عملته عند دكتورة ربنا يبارك لها وكانت المفجأة أن الجنين بان في السونار المهبلي ( هو متعب شويه بس مش للدرجة اللي كنت متخيلاها وجع تتحمليه وكمان الوجع وهو داخل بس بعد كده خلاص ومش وجع جامد ولا حاجة وجع بسيط جدااااااااااااااا) المهم الدكتورة قالتلي الجنين اهو باين في السونار

العضوة: 115910 , 9 years ago

بس في حاجة انا عندي السونار بيقول انك حامل في شهر ونصف فقط يعني مش شهرين قلتلها بس انا متأكد من معاد اخر دورة قالتلي ممكن يكون حصل لخبطه في فترة التبويض وده اللي عمل الفرق ده وطبعاً 6 اسابيع يعني مش يبام قبل كده خالص فالسونار العلدي وكمان عندي هنا مش يبان لسه له نبض فأحنا هنستني اسبوع كمان ونشوف لو الجهاز قري انه عمره زاد اسبوع خلاص كده تمام وكمان الجهاز فيه قياس لحجم الجنين كتبتهولي بردوا و قالتلي نشوف المرة اللي جايه بيكبر ولا لاء وده كده اللي هيحدد لنا ومش تقلقي فانا احب اقول لكل واحده شكت ان كيس الحمل فاضي قبل ما تنزله تروح تعمل سونار مهبلي انا ممكن يكون الجنين نموه وقف عند 6 اسابيع و انزله بردوا و ممكن لاء اله اعلم بس المهم ان السونار المهبلي بين حاجة مبنتش فالسونار العادي وهي وجود جنيين يا رب اجعلي اللي فيه الخير ليا وارزقني بالذرية الصالحة المعافاه من اي زيادة او نقص يا رب أمين وإن شاء اله الاسبوع اللي جاي هقول لكم ايه اللي حصل معايا ودعواتكم ليا ان ربنا يجعلي اللي فيه الخير محدش يقولي انه يكبر واكون حامل لان ممكن ميكنش فيه خير ربنا بس هو الاعلم باللي فيه الخير فادعولي ربنا يجعل لي اللي فيه الخير ويراضيني بيه

العضوة: 115910 , 9 years ago

دي تجربه واحده في احدى الجروبات عن السونار اللي على البطن

العضوة: 114992 , 9 years ago

بلش الوحام والاستفراغ وحاسة روحي حتطلع مش قدرة 😢😭

العضوة: 116050 , 9 years ago

وانا يا أختي نفس الشي مع انو في أولادي الي قبل ماتوحمت هيك اول مره بجربو الله يعينه

العضوة: 110358 , 9 years ago

@user-114992 وانا كمان حبيبتي اليوم استفرغت بس مراره فالريق والاستفراغ واتوحمت كمان وحاسه ان معدتي في فمي وقرفانه اوي

العضوة: 110358 , 9 years ago

@user-114992 اتوحمتي ع ايه حبيبتي

العضوة: 110358 , 9 years ago

@user-110295 فينك اختي يارب تكوني بخير

العضوة: 115910 , 9 years ago

انا كمان قرفانه جدا من الاكل بس اكلت سمك مشوي كنت حاسه اني عمري ما اكلت قبل كده اكلت كتير وبنفس مفتوحه حتى انا مش باكل السمك لو اتبقى تاني يوم عمري اكلته تاني انهارده يمكن يكون ده الوحم مش عارفه

العضوة: 110358 , 9 years ago

@user-115910 حبيبتي هي الثقه فالله وفعلا ربنا مبيجبش غير كل خير ولو مبيكملش الحمل ممكن كان البيبي فيه اي عيب لقدر الله والحمدلله دائما ع كل شئ وربنا يكملنا كلنا ع خير يارب ولو استنينا ان شاء الله خير اسبوع مش بعيد

العضوة: 110358 , 9 years ago

@user-115910 اه حبيبتي ممكن بيقولوا ف ناس بتتفتح شهيتها لحاجه وبتقرف من حاجه تانيه

العضوة: 115910 , 9 years ago

@user-110358 دي تجربة واحده على جروب فتكات من 2013 بس لما قراتها قولت اشاركها معاكم عشان الاستفاده

العضوة: 114992 , 9 years ago

لسا مو قادرة اكل شي قرفانة من كل الاكل

العضوة: 115910 , 9 years ago

@user-114992 شفت فيديو لدكتورة بتقول اشربي ميا كتييييير 3 لتر في اليوم اثبتت الدراسات انها بتققل الاحساس بالترجيع بس حبات صغيرة في كل مرة وكولي كل ساعتين حجات خفيفه ولما تصحي من النوم مش تقومي من على السرير بسرعه واول حاجه تكليها تكون بقسمات بسكويت بالملح مثﻻ يعني اي مقرمشات الزبادي حلو قوي في موضوع العصارة الهضمية