9 years ago
  • المرحلة الثالثة (الأشهر 9,8,7)
الحمدلله على تباشير الفرح والحمدلله على عُسرٍ أعقبه يُسر .. ‏‎الحمدلله رُزقت يوم الاربعاء بفضل الله بـ مولود بعد معاناة دامت ٣٦ ساعة 😩💙 الحمدلله حملي كان مافيه مشاكل من بدايته ما عدا الغثيان والاستفراغ استمر لين نهاية الحمل او فعلياً لين قبل الولادة بكم ساعه 😂 على اخر شهرين طلع عندي سكر حمل وكنت ماشيه على دايت وحاولت اضبطه والحمدلله قالت دكتورتي راح نولدك ع الاسبوع ٣٩ ماراح ننتظر اكثر لين الاسبوع ٤٠ وبالفعل حجزوا لي يوم للتنويم من الشهر السابع وانا امشي واتحرك واداوم واطلع وانزل درج واسوي رياضه بغرض اني اولد بداية التاسع وما اطول😂 لكن الولادة لها ساعه لايمكن تقدمينها زاد الاجتهاد بالتاسع على امل يجي طلق طبيعي لكن مافيه شي ابداً ولا اي بوادر جا يوم التنويم دخلت وتوكلت ع الله ما بدأو لي بطلق ع طول قالوا بنعطيك ملين لعنق الرحم يلينه ويفتحه اكثر كان مفتوح ٢ سانتي بس وحطوا لي الملين كان عباره عن شي زي الخيط يحطونه خلف عنق الرحم ولازم مااتحرك من السرير لمدة ساعتين عشان الخيط ما يطيح قالت بعد ١٢ ساعه راح نشيك ع رحمك ونشوف ايش صار بعد ١٢ ساعه شالوا الخيط وشيكو ع الرحم وكانت الصدمه مافي اي تغييير ابداً قمة التحطيم قلت الحمدلله مو مشكله نصبر ان الله مع الصابرين قالوا خلاص نبدأ بشي ثاني نحط طلق صناعي بس بجرعات قليله نشوف جسمك كيف يستجيب وعشان الجنين مايتعب وحطوه وبدأ مفعوله وبديت انجن منه 😂 قلت ابرة الظهر لو سمحتوا انا استسلم وبدأ النعيم هههه واشتغل السحر صرت اطلق وكل ما حسيت بالطلقه او مغص اقول لهم زودوا لي الجرعه الين ما جا الشغل الحقيقي ( الدفع ) 😩😭 قلت لهم احس بضغط من تحت قالوا يلا نشيك شيكت وقالت ٩ سانتي خلاص ولاده بس اذا حسيتي بضغط مرااا قوي وبدون طلق يعني خلاص ١٠ وانتي جاهزه وجهزوا السرير 😂💔💔 وبدأ الدفع جلست ساعين وشوي متواصله ادفع انهلكت وتعبت الله لايضيع لي اجر يارب وطلع حبيبي الحمدلله بالسلامه بعد دفعه حسيت فيها روحي بتطلع وصراخ زي صراخ الافلام 😂😂😩😩 وبمجرد ماشفته وسمعت صوته نسيت الدنيا صابني نزيف بعد الولاده مباشره والدكتوره تضغظ ع بطني ومدري ايش سوت عشان توقف النزيف وانا ماني يمهاا ابدا😂😂 وتخيط واحس بألم وانا عيوني كلها دموع من الفرحه ولا ادري عن شي خيطوني ووقفوا النزيف وطلعوا المشيمه وانا في عالم الامومة😩❤❤ ربي لايحرم احد الذريه ويبلغ يارب كل حامل❤❤ ولدي بالحضانه بسبب انخفاض السكر عنده لأني عندي اثناء الحمل سكر ادعو له يطلعونه لي بكره بالسلامه 😩

58 تعليقات

العضوة: 11591 , 9 years ago

@user-33886 انا ولدت في امريكا امريكا نظامهم في الابره انو تخفف لك وتريحك بس ما تشيل الالم كله🌚 وقت الطلق والدفع كنت اقوم من النوم وارجع اغفى لين ما جا الدفع الحقيقي 😂💔 الحمدلله يارب تسهلت وخلصنا😩 دعواتك ولدي يطلع من الحضانه عنده انخفاض سكر

العضوة: 11591 , 9 years ago

@user-28679 يارب حبيبي الله يسمع منك وعقباالك😩💘

العضوة: 27001 , 9 years ago

@user-11591 انا اول مابدو تحميله طلق صناعي من اول ساعه اخذت مفهولها والرحم فاتح ١ صانتي عذبوني طلبت ابره ظهر مسكن ملين محد عطاني شي لين فالاخير بعد خمس ساعات حولوني قيصري

العضوة: 11591 , 9 years ago

@user-27001 حسبي ع بعض المستشفيات انا الطلق اعطوني اياه عن طريق الوريد وما بدأ بسرعه

العضوة: 12508 , 9 years ago

الحمد الله على سلامتك

العضوة: 11591 , 9 years ago

@user-12508 الله يسلمك💜💜

العضوة: 15348 , 9 years ago

والله دخلت البرنامج عشان اتطمن عليك ولدتي والا لا الف مبروك المولود الله يجعله من عباده الصالحين البارين والف الحمدلله على سلامتك

العضوة: 11591 , 9 years ago

@user-15348 يازينك والله اي الحمدلله ولدت ع خير😍 كيفك مع البيبي

العضوة: 25441 , 9 years ago

@user-11591الف الف مبرووووك المولود يتربى بعزك والحمدلله على سلامتك❤️

العضوة: 26216 , 9 years ago

قرت عينك والف حمدالله عسلامتك

العضوة: 11591 , 9 years ago

@user-25441 الله يسلمك حبيبتي الله يبارك فيك❤

العضوة: 11591 , 9 years ago

@user-26216 بشوفة نبيك ياعمري الله يسلمك💘💜

العضوة: 11591 , 8 years ago

ذكريات الحمدلله ولدي بيكمل سنه بكره يارب لك الحمد♥️♥️