وحدة تقول :
انا كنت موظفه بأحد البنوك ...
وكنت الاحظ حرمه تجي تجلس ربع ساعه /عشر دقايق وتطلع !
كان امرها مريييب وعجييب يعني خير وش تبي تجي البنك بدون ماتسوي شي؟!!
تكررت جياتها وصارت اسبوعياً تجي ! حفظتها من كثر ماتجي المهم وبعض المرات تجي باليوم ثلاث اربع مرات ! يعني تخيلوا معي تجي البنك ليييش ؟
وتجي ساكته ماتسوي شي ليييش ؟ ولو قلنا انها تحاول تسرق او شي البنت مايبين عليها انها محتاجه ! بالعكس شنطتها ماركه وجزمتها ماركه وعبايتها من اغلى المصممين تاخذها !
المهم كملت شهر وهي على هالحالة
تجي وتروح
ومره من المرات جت ودقيت على الامن حق البنك وقلت لهم شوفوا بتطلع بعد شوي وحده لابسه جزمه كذا وشنطتها كذا ووصفتها لهم ، وقلت لهم انها تجي تجلس وتطلع واكثر من مره تسوي هالشي وإنا بصراحة خفنا منها قالوا الامن خلاص ماعليك حنا بنمسكها 😂
المهم بعد ماطلعت لحقوها لما وصلت السياره وكنت انا اطالع مع الدريشه ويوم شفت السياره والله وذيك السياره الفخمة والغاليه يعني شي غريب وش السالفه ؟
المهم لما وصلوا الامن عند السياره قالوا لزوجها عطنا بطاقتك والاشياء هذي
المهم لما عطاهم بطاقته وشافوا الا الاسم ما فيه شي مشتبه فيه والرجال معروف ولد ناس واغنياء ،
جا وسأله واحد من الامن وقاله وش سالفة هالحرمة اللي معك ؟
كل مره تجي للبنك وما لها شغل فيه ليش ؟
الرجال جلس يضحك ووجهه إحمر من الضحك ورجال الامن مستغربين منه ليش وش السالفه ؟
لما هدا زوجها قال انها حامل ومتوحمه على ريحة هالبنك رجال الامن تسدحوا من الضحك وانا بصراحة استغربت وش فيهم .. عاد لما رجعوا قالوا لي وعلمت كل القسم عن هالسالفه وصارت تجينا ونجلس مع بعض نتقهوا ونسولف ونضحك وصارت
علاقتنا معها حلوه مررة والحين ابشركم هي حامل بالثاني الله يستر عسى ما تتوحم بريحة الطياره 😜😂
حتى وحامها فخم 😝💳
موب مثلكم تتوحمون على امبا اخضر وليمون وملح وقاشع ومالح
😂😂😂😂
العضوة: 24339 , 10 years ago
ههههههههه اجل انا ترجمت على المدينه بس مالي حظالعضوة: 24789 , 10 years ago
ههههههههههههههههالعضوة: 23083 , 10 years ago
هههههههههههههههههههه😂😂😂العضوة: 18753 , 10 years ago
ههههههه حنا نتوحم ف بطونا 😂تقولين فرصه لين تولد وهي تتوحم ماحد يقدر يقولها لا